1 عٍ نَشَ قَ عَ قَلَ دَوُدَ بّ، عَ قِلِسِتَكَيٍ بَرَ دِن كٍيِلَ تَا رَ، عَ عٍ نَ عٍ شَ بَلٌي مُحَقٍ لٌنيِيٍ يِرٍ. 2 دَوُدَ نَشَ عَلَتَلَ مَشْرِن، عَ نَشّ، «ﭑ نْمَ نّ قِلِسِتَكَيٍ رَ؟» عَلَتَلَ نَشَ عَ يَابِ، «سِفَ، عِ شَ كٍيِلَ رَتَنفَ قِلِسِتَكَيٍ مَ.» 3 كْنْ دَوُدَ شَ مِشِيٍ نَشَ عَ قَلَ عَ بّ، «هَلِ بٍ يُدَيَ بْشِ، وٌن بَرَ فَاشُ. وٌن مُ سُو سَمَ سِفَدٍ كٍيِلَ قِلِسِتَكَيٍ فٍرٍدٍ.» 4 دَوُدَ مَن نَشَ عَلَتَلَ مَشْرِن نَ شَ قٍ رَ. عَلَتَلَ نَشَ عَ يَابِ، «كٍلِ، عِ شَ سِفَ كٍيِلَ، بَرِ مَ ﭑ بَرَ قِلِسِتَكَيٍ سَ عِ سَفٌي.» 5 نَ كُي دَوُدَ نُن عَ شَ سْورِيٍ نَشَ سِفَ نَا قِلِسِتَكَيٍ فٍرٍدٍ. عٍ نَشَ عٍ بْنبْ، عٍ قَ عٍ شَ فْورّيٍ تٌنفٌ. دَوُدَ كٍيِلَكَيٍ رَتَنفَ نَ كِ نّ.

6 عَشِمٍلٍكِ شَ دِ عَبِيَتَرِ تٌ سِفَ دَوُدَ يِرٍ كٍيِلَ، عَ نُ بَرَ سّرّشّدُبّ كَنكٍ رَشُنمَسٍ شَنِن نَا.

7 عٍ تٌ عَ قَلَ سْلُ بّ، عَ دَوُدَ بَرَ سٌ كٍيِلَ تَا كُي، سْلُ نَشَ عَ قَلَ، «عَلَ بَرَ عَ سَ ﭑ بّلّشّ، بَرِ مَ دَوُدَ بَرَ عَ يّتّ بَلَن كٍيِلَ تَا كُي نَادّ شْرْشْييٍ شَنبِ رَ.» 8 سْلُ نَشَ عَ شَ سْورِيٍ شِلِ، عٍ شَ فٌرٌ نَا دَوُدَ نُن عَ شَ سْورِيٍ رَبِلِندٍ.

9 دَوُدَ تٌ سْلُ وَشْنقٍ حَاشِ كٌلٌن، عَ نَشَ عَ قَلَ عَبِيَتَرِ سّرّشّدُبّ بّ، عَ شَ قَ سّرّشّدُبّ كَنكٍ رَشُنمَسٍ رَ. 10 دَوُدَ نَشَ عَلَتَلَ مَشْرِن، «عِسِرَيِلَ مَرِفِ عَلَتَلَ، ﭑ تَن عِ شَ كٌنيِ دِ بَرَ عَ كٌلٌن عَ سْلُ وَ مَ قَقٍ كٍيِلَ، عَ شَ قَ يِ تَا كَنَ ﭑ تَن نَن مَ قٍ رَ. 11 كٍيِلَ مَنفّيٍ ﭑ سٌمَ نّ عَ يِ رَ؟ سْلُ قَمَ نّ بٍ عَلْ ﭑ عَ مّشِ كِ نَشّ؟ عِسِرَيِلَ مَرِفِ عَلَتَلَ، عِ شَ نَ مَسٍن ﭑ بّ.» عَلَتَلَ نَشَ عَ يَابِ، «سْلُ قَمَ نّ.» 12 دَوُدَ مَن نَشَ عَ مَشْرِن، «كٍيِلَ مَنفّيٍ ﭑ سٌمَ نّ سْلُ يِ رَ، ﭑ تَن نُن ﭑ مَ سْورِيٍ؟» عَلَتَلَ نَشَ عَ يَابِ، «عٍ وٌ سَمَ نّ عَ سَفٌي.» 13 نَ كُي دَوُدَ نُن عَ شَ مِشِيٍ نَشَ كٍلِ كٍيِلَ، مِشِ كّمّ سٍننِ حْندْن، عٍ سِفَ يِرٍ فبّتّ. مِشِيٍ تٌ عَ قَلَ سْلُ بّ، عَ دَوُدَ بَرَ عَ فِ كٍيِلَ، سْلُ نَشَ نَ فٍرٍ لُ نَ.

14 دَوُدَ نَشَ لُ سِقِ فبٍنفبٍرٍنيِ مَ فٍيَيٍ يِرٍ. سْلُ نُ عَ قٍنمَ، كْنْ عَلَ مُ عَ سَ عَ بّلّشّ عِ. 15 دَوُدَ نَشَ عَ تٌ، سْلُ نُ نَ عَ قٍنقٍ، عَ شَ عَ قَشَ. دَوُدَ نُ نَ شٌرٍ سَ، سِقِ فبٍنفبٍرٍنيِ مَ. 16 لْشْي ندٍ يٌنَتَن نَشَ سِفَ شٌرٍ سَ دَوُدَ رَلِمَنِيَدٍ. 17 عَ نَشَ عَ قَلَ عَ بّ، «هَلِ عِ مُ فَاشُ، ﭑ بَبَ سْلُ مُ عِ مَسْتْمَ قٍوٌ. عِ قِندِ مَ نّ عِسِرَيِلَ مَنفّ رَ، ﭑ تَن لُمَ عِ سّيتِ مَ. ﭑ بَبَ سْلُ نَ كٌلٌن.» 18 نَ كُي عٍ نَشَ سَاتّ شِرِ عَلَتَلَ يَ عِ. دَوُدَ نَشَ لُ شٌرٍ سَ، يٌنَتَن نَشَ فبِلٍن عَ شْنيِ.

19 سِقِكَيٍ نَشَ سِفَ سْلُ يِرٍ فِبٍيَ، عٍ سَ عَ قَلَ عَ بّ، «دَوُدَ نْشُنشِ فبٍنفبٍرٍنيِ يِرٍقَنيِ مَ شَكِلَ فٍيَيٍ مَبِرِ. 20 مَنفّ، شَ عِ وَ مَ عَ شْن، عِ شَ فٌرٌ نَا. مُشُ عَ سَمَ نّ عِ سَفٌي.» 21 سْلُ نَشَ عٍ يَابِ، «عَلَتَلَ شَ بَرَكّ سَ وٌ شَ قٍ، بَرِ مَ وٌ بَرَ كِنِكِنِ ﭑ مَ. 22 وٌ سِفَ سِندٍن، وٌ مَن شَ عَ مَتٌ كِ قَنيِ رَ. وٌ شَ عَ كٌلٌن عَ نَ دّننَشّ، وٌ مَن شَ عَ كٌلٌن ندٍ نَ عَ قْشْ رَ. مِشِ نَ عَ رَ نَشَن كْوتَ كِ قَنيِ. 23 وٌ نَ فّ عَ نْشُندٍ كٌلٌندٍ، وٌ شَ نَ قَلَ ﭑ بّ عَلَكٌ وٌن بِرِن شَ سِفَ. شَ عَ نَ يُدَيَ بْشِ مَ، ﭑ عَ قٍنمَ نّ يِرٍ بِرِن هَن ﭑ عَ تٌمَ تّمُي نَشّ.»

24 سِقِكَيٍ نَشَ فبِلٍن عٍ شْنيِ سْلُ يَ رَ. دَوُدَ نُن عَ شَ مِشِيٍ نُ نَ مَيٌن فبٍنفبٍرٍنيِ مَ كْولَ مَبِرِ. 25 سْلُ نُن عَ شَ مِشِيٍ نَشَ مِنِ دَوُدَ قٍندٍ. دَوُدَ تٌ نَ كٌلٌن، عَ نَشَ سِفَ قَنيٍ يِرٍ مَيٌن فبٍنفبٍرٍنيِ مَ. سْلُ تٌ نَ مّ، عَ نَشَ بِرَ دَوُدَ قْشْ رَ مّننِ. 26 سْلُ نُ حّرّ مَ فٍيَ سّيتِ مَ، دَوُدَ قَن نُ حّرّ مَ فٍيَ بٌورٍ سّيتِ مَ، فُلُنبَ نُ نَ عٍ تَفِ. دَوُدَ نُ عَ فِقٍ عَ سّنبّ رَ، كْنْ سْلُ شَ مِشِيٍ نُ نَ عَ رَشّتّنقٍ.

27 نَ تّمُي شّيرَ ندٍ نَشَ قَ سْلُ يِرٍ، عَ عَ قَلَ عَ بّ، «عِ شَ قَ كٍرٍن نَ. قِلِسِتَكَيٍ مَن بَرَ دِن عِسِرَيِلَ بْشِ رَ!» 28 نَ كُي سْلُ نَشَ فبِلٍن دَوُدَ قْشْ رَ نَ قِلِسِتَكَيٍ شَ قٍ رَ. نَ نَن عَ نِيَ، عٍ نَشَ مّننِ شِلِ سَ سٍلَ هَمَلٍكٌتٌ. نَ نَن نَ كِ «قَتَن قَنيٍ.»