1 ཁ་ཏར་དགའ་བ་ཤེས་ཡོན་ལ་དགའ༌ཞིང༌། །བཀའ་བཀྱོན་ལ་ནི་སྡང་བ་གླེན་པ༌ཡིན།། 2 བཟང་པོར་ཡ་ཝཱེའི་ཐུགས་རྗེ་འཐོབ་པ༌དང༌། །ཇུས་ངན་གཤོམ་པར་ཡ་ཝཱེས་ཉེས་ཆད༌གཅོད།། 3 ངན་པའི་ཐབས་ཀྱིས་སུ་ཡང་ཚུགས་མི༌ཐུབ། །དྲང་པོའི་རྩ་བར་ནམ་ཡང་གཡོ་འགུལ༌མེད།། 4 བུད་མེད་འཇོན་པོ་ཁྱོ་གའི་གཙུག་རྒྱན༌ཡིན། །ངོ་ཚར་སྦྱོར་མཁན་དེ་ཡི་རུས་མྱགས༌འདྲ།། 5 དྲང་པོའི་འཆར་བཀོད་དྲང་བདེན་ཡིན༌ན་ཡང༌། །ངན་པའི་ཐབས་ཇུས་གཡོ་སྒྱུའི་སྦྱོར་བ༌ཡིན།། 6 ངན་པའི་ཚིག་ནི་འཇབ་ནས་མི་གསོད༌ཀྱང༌། །དྲང་པོའི་སྨྲ་སྒོས་དེ་རྣམས་སྐྱོབ་པ༌ཡིན།། 7 མི་ངན་འགྱེལ་ན་རྩ་བ་ཉིད་ནས༌འཇིག །དྲང་པོའི་ཁྱིམ་གཞིས་བརྟན་པོར་གནས་པ༌འོ།། 8 ཤེས་རྒྱའི་དབང་གིས་མི་ལ་བསྟོད་བསྔགས༌འབྱུང༌། །བསམ་པ་གྱ་གྱུ་ཅན་ལ་སྨད་པར༌འགྱུར།། 9 རང་རློམ་བྱེད་ཀྱང་ཁ་ཟས་ཆད་པ༌ལས། །གཞན་གྱིས་སྨད་ཀྱང་གཡོག་པོ་ཡོད་མཁན༌ལེགས།། 10 དྲང་པོས་རང་གི་ཕྱུགས་ཀྱི་སྲོག་ལ༌གཅེས། །ངན་པས་སྙིང་རྗེ་བསྐྱེད་ཀྱང་གདུག་རྩུབ༌ཡིན།། 11 འབད་པས་སོ་ནམ་བྱེད་པར་ཟས་ཀྱིས༌མོད། །འཕྲུལ་སྣང་སྙེག་མཁན་དངོས་གནས་བླུན་རྨོངས༌ཡིན།། 12 སྡིག་སྤྱོད་ཅན་ནི་ངན་པའི་རྙི་རྒྱར༌ཆགས། །དྲང་པོའི་རྩ་བས་འབྲས་བུ་བསྐྱེད་པ༌ཡིན།། 13 མི་ངན་རང་གི་གཏམ་གྱི་རྙི་རུ༌འཚུད། །དྲང་པོ་དཀའ་སྡུག་ལས་ནི་ཐར་བར༌འགྱུར།། 14 མི་ཡིས་སྨྲ་སྒོའི་འབྲས་བུ་དེའི་རྐྱེན༌གྱིས། །རྫས་མཆོག་ལ་ནི་ཚིམ་པར་རོལ་བ༌དང༌། །མི་ཡིས་བྱས་པའི་ལས་ཀ་རང་སྟེང༌འབབ།། 15 བླུན་པོའི་མིག་ལ་རང་གི་སྤྱོད་པ༌དྲང༌། །ཤེས་རབ་ཅན་གྱིས་ཞལ་ཏར་ཉན་པ༌ཡིན།། 16 བླུན་པོའི་ཁོང་ཁྲོ་སྐད་ཅིག་ཉིད་ལ༌མངོན། །མཛངས་པས་ངོ་ཚ་གཟོད་པར་ནུས་པ༌ཡིན།། 17 དྲང་གཏམ་སྨྲ་བས་དྲང་བདེན་མངོན་པར༌བྱེད། །རྫུན་གྱི་དཔང་པོས་མགོ་སྐོར་གཏོང་བ༌འོ།། 18 གང་བྱུང་ཚིག་ནི་རལ་གྲིས་བསྣུན་འདྲ༌ཡིན། །མཁས་པའི་ལྗགས་ཀྱིས་མི་ནི་གསོ་བར༌མཛད།། 19 དྲང་གཏམ་སྨྲ་བའི་མཆུ་སྒྲོས་གཏན་དུ༌ཚུགས། །རྫུན་གྱི་ལྕེ་ནི་སྐད་ཅིག་ཉིད་ལ༌ཡལ།། 20 དོན་ངན་གཤོམ་པའི་སེམས་ལ་གཡོ་སྒྱུ༌བཅངས། །བར་འདུམ་པ་ཡི་སེམས་སུ་དགའ་མགུ༌རང༌།། 21 དྲང་པོའི་མགོ་ལ་བར་ཆད་མི་འབྱུང༌མོད། །འོན་ཀྱང་ངན་པས་དཀའ་སྡུག་ཚད་མེད༌མྱོང༌།། 22 རྫུན་གྱི་མཆུ་ལ་ཡ་ཝཱེ་ཞེན་ལོག༌ཅིང༌། །དྲང་པོར་སྤྱོད་པ་དག་ལ་ཁོང་ནི༌དགྱེས།། 23 མཛངས་པས་རང་གི་ཤེས་ཡོན་སྦ་བྱེད་ཀྱང༌། །གླེན་པའི་སེམས་ཀྱིས་གླེན་རྟགས་སྟོན་པ༌ཡིན།། 24 བརྩོན་འགྲུས་ཅན་གྱི་ལག་པས་སྲིད་སྐྱོང༌ཞིང༌། །ལེ་ལོ་ཅན་ནི་སྡུག་པོའི་ལས་ལ༌སྦྱོར།། 25 སེམས་པ་འཚབ་ན་མི་ནི་བག་འཁུམ༌ཞིང་། །གཏམ་སྙན་གྱིས་ནི་མི་དེ་སྤྲོ་བར༌བྱ།། 26 དྲང་པོས་ཁྱིམ་མཚེས་ལ་ནི་ལམ་སྟོན༌ཞིང༌། །ངན་པའི་ལམ་གྱིས་མི་རྣམས་ལོག་ལམ༌འཇུག། 27 ལེ་ལོས་རང་གི་རྔོན་ཤ་མེར་མི༌སྲེག །ཧུར་བརྩོན་ཅན་ལ་རིན་ཆེན་རྒྱུ་ནོར༌འཐོབ།། 28 དྲང་བདེན་ལམ་དུ་ཚེ་སྲོག་ཡོད་པ་དང༌། །ལམ་བུ་དེ་རུ་འཆི་བ་གཏན་ནས༌མེད།།