HEBRU
vdwa Siti Jinam
Mintamchonam
Hebru vdwa siti jinam si Kristan nyi nyitwng gonyi lvktoku, bunu kaiyayabv nyirunv nyi vdwa tormilarmi sila rinyato, vbv maatarbv rimisikulo Kristan gv mvngjwng nga topak dukubv ritoku. Vbvrinammv Lvknv angv bunugv mvngjwng nga mintvmirula Jisu Kristo Pwknvyarnv gv jvjv okv ataranyabv nyikrwkaatam kunam vkv vla mindu. Vbv ridula nw jvjvnv aba baom go minjido: (1) Jisu dvbvsvngtambv turbwngnv Pwknvyarnv gv Kuunyilo ngv, yvvdw ninyigv hinching nga himv sunam lokv Abua jvjv rungbv tvvjirijinv akobv chinsu toku. Pwknvyarnv gv Kuunyilo gubv ridula, Jisu Aku Pvbv gv nyijwk vdwa, nyidogindung vdwa, okv Moses nyika achialvbv kaiyanvngv. (2) Jisu Pwknvyarnv gv dvbvsvngtambv nyibu gubv mvkunam angv, Aku Pvbv lokv nyibu dvdv nga achialvbv kaiyanvngv. (3) Jisu gvlokv mvngjwngnv vdwv rimur, busu, okv sinam lokv ringnam ha paadunv; okv Jisu, Butvyachok nvgobv rila jvjvnv ringlinbaalin nama jidu, um Hebru dormo lo nyibuv beela okv svnwngsvmin erinpeelwk lakula rikunamv hv aainvgv ringlinbaalin kuse nga kaagvsidubv kaatam kunamv.
(Mvrwmvpa 11) lo Israel nyi vdwgv higu lo mvngjwng gv lvkwnglo yungnam nyi vdwa minpa dula, lvknv angv puririnv vdwa mvngjwnglo alvbv doobwng tvlaka vla kumla mindu, okv mvrwmvpa 12 lo nw ninyigv purinv vdwa nyikkv Jisunyi kaagap dula, jwkjwkvrwk nama ataranya lobv rilin laka vla mintvmirudo, okv bunua hinching chingnam okv mvdwkmvku namv aajeka mvngrwla ribwng minsu laka vla mindu. Kitap si minsartamsarnam okv gamrwnam gaam vkv minla minya duku.
Arwng lokv darlinnam
Mintamchonam: Kristo Pwknvyarnv gurungbv kaatam kunam angv (1:1-3)
Kristo nyidogindung vdwa kaiyadunv (1:4-2:18)
Kristo Moses okv Josuanyi kaiyadunv. (3:1-4:13)
Kristo gv nyibu gubvrila kaiyachok kunam (4:14-7:28)
Kristo gv milv kunamv kaiyachoknv (8:1-9:28)
Kristo gv erinpeeji namv kaiyachoknv (10:1-39)
Mvngjwng gv dinchiyachoknam (11:1-12:29)
Pwknvyarnvnyi mvngpu monam (13:1-19)
Kumnyungkumnya bv kumnam (13:20-21)
Minyabv mingkunam (13:22-25)
1
Pwknvyarnv gv Gamchar hv Ninyigv Kuunyilo gv lokv
1 Pwknvyarnv krim ngonugv abuapa vdwa nyijwk vdw gvlokv achialvgo okv aku-akusinv lamtv lokv gaam japtoku, 2 vbvritola ataranya alu vdwso nw ninyigv Kuunyilo gv lokv ngonua japduku. Nw hvkvnv nyi ako ninyigv lokv Pwknvyarnv chinggodogo nga pwklinyarlin pvkunv, okv ataranya alu lo ogumvnwng nga paamu dukubv Pwknvyarnv ninyia darpvkunv. 3 Nw Pwknvyarnv gv achialvbv Yunglit kunam ha unglit kargojito okv Pwknvyarnv oguaingbv ripvdw vbv aringchingnv, ninyigv jwkrw doonv gamchar lokv chinggodogo nga turmudu. Nyia nyi mvnwng gv rimur vdwa mvngnga dukubv rijiro kochingbvku, nw nyidomooku tolo Kaiyachokbv jwkrw bv rinv, Pwknvyarnv gv lakbik tangvlo doolwk pvku.
Pwknvyarnv gv Kuunyilo gv Kainam
4 Kuunyilo nga nyidogindung vdwa kaiyanv gubv mvpvnv, Pwknvyarnv gv ninyia amin jinamv bunu vdwgv amin hv kaiyanvngv. 5 Miri 2:7; 2Sam 7:14; 1Kri 17:13Vkvlvgabv Pwknvyarnv ninyigv nyidogindung vdwa vdwloka vbv mimato
“No ngoogv Kuunyilo ngv;
Silu ngo noogv Abu bv ridu.”
Pwknvyarnv nyidogindung vdwa vbvka mima,
“Ngo ninyigv Abu bv rire,
okv nw ngoogv Kuunyilo bv rire.”
6 Det 32:43Vbvritola Pwknvyarnv vdwlo ninyigv Kuunyilo bvngtua nyia mooku lo vngmu tvikulo nw vbv minto,
“Pwknvyarnv gv nyidogindung mvnwngngv ninyia kumrungjorung laka.”
7 Miri 104:4Vbvritola nyidogindung gv lvkwnglo Pwknvyarnv vbv minto,
“Pwknvyarnv ninyigv nyidogindung vdwa doori bv mvto,
okv ninyigv pakbu vdwa vmv gv mvriakbv mvtoku.”
8 Miri 45:6,7Kuunyilo gv lvkwnglo, ogubvrijeka, Pwknvyarnv minto:
“Ho Pwknvyarnv ngam, noogv* nogv karvnga, O Pwknvyarnv, adwng rongre; Vmalo Pwknvyarnv nogv karv ngv karv ngv dvbvsingtambv ataranya gobv doobwngre!
No noogv nyi vdwa jvjv† nogv; Megonv kitaplo doodunwgv lokv rigvdogvre.
9 No jvjv nvnga pakdu okv rimur nvnga no kaanwng madu.
Vkvlvgabv Pwknvyarnv, noogv Pwknvyarnv, nam darpvkunv
okv noogv richam ajin vdwa kaiyago
nam hv mvngdv okv mvngpusakpua jiyapvnv.”
10 Miri 102:25-27Nw vbvka mintato,
“Ahtu, no, atuake ho sichingmookua pwklinto,
okv no atubogv laak lokv no nyidomooku vdwa mvpvkunv.
11 Bunu nyeriku, vbvritola no doobwngre;
bunu vji nyenam aingbv nyeare.
12 No bunua jvtvlaklwk ha tinam aingbv tireku,
okv bunu vji aingbv akusubv ridinre.
Vbvritola no vbvdvdvbv doobwngre,
okv noogv svngtung ngv vdwloka nyemare.”
13 Miri 110:1 Pwknvyarnv ninyigv nyidogindung vdwa vdwloka vbv mimato:
“Ngoogv lakbik tangvso dootung tvka
ngo noogv nyimak vdwa
noogv lvpa lvkwnglo vvpvma dvdvlo.”
14 Vbvrikunamv nyidogindung vdwv oguv? Bunu dow bv rila Pwknvyarnvnyi rijiyanv okv yvvbunudw ringlinbaalin nama paajikunv vdwa nw bunua ho vngmula ridur yamudu.