1 حّرّ نَن يَ عِسِرَيِلَكَيٍ نَشَن نَبَ عٍ شُندّ كِ مَ مُنسَ نُن هَرُنَ شَ يَامَرِ بُن مَ عٍ تٌ كٍلِ مِسِرَ بْشِ مَ. 2 مُنسَ نَ بِرِن سّبّشِ نّ عَلْ عَلَتَلَ عَ يَمَرِ عَ بّ كِ نَشّ.

3 عٍ نَشَ كٍلِ رَ مٍسٍسِ تَا مِسِرَ بْشِ كِكٍ سِنفٍ شِ قُ نُن سُولِ. سَيَمَلٍكّ دَنفِ سَلِ لْشْي، نَ كُيٍ عِبَ عِسِرَيِلَكَيٍ نَشَ مِنِ مِسِرَ شْرّيَ كُي مِسِرَكَ بِرِن يَ شْرِ. 4 عَ عَ لِشِ نَ تّمُي، مِسِرَكَيٍ نُ نَ عٍ شَ دِ سِنفٍيٍ رَفَتَقٍ، عَلَتَلَ نَشٍيٍ قَشَ عٍ يَ مَ عَ شَ شْنّ كُي عٍ شَ كُيٍيٍ شَ قٍ رَ.

38 عِسِرَيِلَكَيٍ شَ مِنِ مِسِرَ حّ تٌنفٌ نَانِ كِكٍ سُولِ ندٍ شِ سِنفٍ، عَلَتَلَ نَشَ هَرُنَ يَمَرِ عَ شَ تٍ هٌرٌ فٍيَ قَرِ، عَ شَ لَاشِرَ مّننِ. 39 هَرُنَ نُ بَرَ حّ كّمّ مْشْحّن نُن سَشَن سْتْ، عَ قَشَ تّمُي هٌرٌ فٍيَ قَرِ.

40 عَرَدِ مَنفّ، نَشَن سَبَتِشِ نٍفٍوِ فبٍنفبٍرٍنيِ كَنَان بْشِ مَ، عَ نَشَ عَ كٌلٌن عِسِرَيِلَكَيٍ بَرَ قَ.

50 عَلَتَلَ نَشَ عَ مَسٍن مُنسَ بّ مٌوَبَ قِيلِ مَ، يُرُدّن شُرٍ دّ رَ، يٍرِكٌ تَا يَتَفِ، 51 «عَ قَلَ عِسِرَيِلَكَيٍ بّ، ‹وٌ نَ يُرُدّن شُرٍ فِرِ تّمُي نَشّ سٌقٍ رَ كَنَان بْشِ مَ، 52 وٌ مّننِكَيٍ بِرِن قَشَ. وٌ شَ عٍ شَ كُيٍ بِرِن كَنَ، نَشٍيٍ مَسٌلِشِ فّمّ رَ، نَشٍيٍ يَءِلَنشِ وُرٍ رَشُنُشِ رَ. وٌ شَ عٍ شَ بَتُدٍيٍ قَن كَنَ. 53 وٌ شَ نَ بْشِ سُشُ، وٌ قَ سَبَتِ نَا. ﭑ بَرَ نَ بْشِ قِ وٌ مَ. 54 نَ بْشِ عِتَشُنمَ وٌ مَ عَلَتَلَ شَ مَرَفِرِ كّحَ نَن مَ عَ شَبِلّ كِ مَ. نَشٍيٍ بْنسْي شَ مِشِيٍ نَ وُيَ، عٍ شَ بْشِ بٍلٍبٍلٍ سْتْ. نَشٍيٍ بْنسْي شَ مِشِيٍ مُ وُيَ، عٍ شَ بْشِ شَ شُرُن. عَلَتَلَ عَ رَفِرِ مَ كَنكَن نَشَن سْتْمَ عَ بْنسْي كِ مَ. 55 كْنْ شَ وٌ مُ مّننِكَيٍ قَشَ، عٍ قَمَ مَنِيَدٍ حٌوفٍ نَن نَ نَشَن مِشِ يَ تْورْ مَ، شَ نَ مُ عَ رَ تُنبٍيٍ نَشٍيٍ مِشِ قَرِ مَسْشْمَ. عٍ قِندِ مَ نّ وٌ يَشُييٍ رَ وٌ شْنيِ. 56 نَ تّمُي، ﭑ عٍ شَ يُنُبِ سَرٍ دْشْمَ وٌ تَن نَن مَ.›»