1 عَلَتَلَ نَشَ عَ مَسٍن مُنسَ بّ، 2 «عَ قَلَ عِسِرَيِلَكَيٍ بّ، ‹وٌ نَ سٌ بْشِ مَ، ﭑ دّننَشَن قِشِ وٌ مَ سَبَتِدٍ رَ، 3 شَ وٌ وَ مَ شُرُ سٍ بَقٍ سّرّشّ رَ نَشَن نَقَن عَلَتَلَ مَ، عَلْ سّرّشّ فَن دَاشِ، لَايِدِ سّرّشّ، سّرّشّ حَنِفٍشِ، شَ نَ مُ عَ رَ سَلِ سّرّشّ، 4 وٌ شَ سَنسِ شْرِ دِنشِ سّرّشّ سَ نَ قَرِ، نَشَن قِندِ مَ سَنسِ شْرِ دِنشِ لُشُتَشِ كِلٌ سَشَن مَسُنبُشِ تُرٍ لِتِرِ كٍرٍن نُن عَ تَفِ رَ، 5 عَ نُن وّنِ لِتِرِ كٍرٍن نُن عَ تَفِ. نَ سَمَ سّرّشّ فَن دَاشِ نُن سّرّشّ حَنِفٍشِ نَن شُن مَ نَشَن قِندِ مَ يّشّي رَ. 6 شَ عَ سَ قِندِ يّشّي كٌنتٌنيِ نَن نَ، وٌ شَ سَنسِ شْرِ دِنشِ سّرّشّ سَ نَ قَرِ، نَشَن قِندِ مَ سَنسِ شْرِ دِنشِ لُشُتَشِ كِلٌ سٍننِ مَسُنبُشِ تُرٍ لِتِرِ قِرِن نَ، 7 عَ نُن وّنِ لِتِرِ قِرِن. نَ فَنشِ رَقَن عَلَتَلَ مَ.›»

8 «شَ وٌ وَ مَ نِنفٍ بَقٍ سّرّشّ رَ نَشَن نَقَن عَلَتَلَ مَ، عَلْ سّرّشّ فَن دَاشِ، لَايِدِ سّرّشّ، شَنُنتٍيَ سّرّشّ، 9 وٌ شَ سَنسِ شْرِ دِنشِ سّرّشّ سَ نَ قَرِ، نَشَن قِندِ مَ سَنسِ شْرِ دِنشِ لُشُتَشِ كِلٌ سٌلٌمَنَانِ نَشَن مَسُنبُشِ تُرٍ لِتِرِ سَشَن نَ، 10 عَ نُن وّنِ لِتِرِ سَشَن. نَ فَنشِ رَقَن عَلَتَلَ مَ.»

11 «نَ نَن نَبَمَ نِنفٍيٍ، يّشّي كٌنتٌنيِيٍ، يّشّييٍ، نُن سِيٍ بِرِن بّ وٌ نَشَن بَمَ سّرّشّ رَ. 12 وٌ شَ نَ رَبَ شُرُ سٍ بِرِن بّ. 13 عِسِرَيِلَكَ بِرِن شَ عَ رَبَ نَ كِ نّ عٍ شَ سّرّشّ بِرِن بّ، عٍ نَشَن بَمَ تّ رَ عَلَتَلَ بّ. 14 شْحّ نَشٍيٍ نَ وٌ يَ مَ، عٍ قَن شَ عَ رَبَ نَ كِ عٍ سّرّشّ فَن دَاشِ بَمَ تّمُي نَشّ. نَ رَقَن عَلَتَلَ مَ. 15 سّرِيّ كٍرٍن نَن لُمَ حَمَ بِرِن بّ، عِسِرَيِلَكَيٍ بَ، شْحّيٍ بَ. كٍلِ وٌ تَن مَ، هَن وٌ شَ دِيٍ، نُن نٍيٍ قَن شَ دِيٍ نَشٍيٍ قَمَ، وٌ تَن يٌ، شْحّ يٌ، وٌ بِرِن شَ عَلَتَلَ شَ سّرِيّ سُشُ نَ كِ نّ. 16 عِسِرَيِلَكَيٍ بَ، شْحّيٍ بَ، وٌ بِرِن نَ سّرِيّ كٍرٍن نُن يَامَرِ كٍرٍن نَن بُن مَ.»

17 عَلَتَلَ نَشَ عَ مَسٍن مُنسَ بّ، 18 «عَ قَلَ عِسِرَيِلَكَيٍ بّ، ‹وٌ نَ سٌ بْشِ مَ، ﭑ وٌ رَ سٌقٍ دّننَشّ، 19 وٌ قَ نَ بْشِ دَشَمُي سْتْ، وٌ شَ ندٍ بَ سّرّشّ رَ ﭑ بّ. 20 وٌ نَ تَامِ سِنفٍ يَءِلَن سَنسِ شْرِ نّينّ رَ، وٌ شَ ندٍ بَ سّرّشّ رَ ﭑ بّ، عَلْ وٌ سَنسِ شْرِ نّينّ ندٍ بَمَ كِ نَشّ شّ شَبَ تّمُي لٌنيِ يِرٍ. 21 وٌ شَ نَ تَامِ سِنفٍ بَ عَلَتَلَ بّ حّ يٌ حّ.›»

22 «شَ عَ سَ لِ وٌ تَنتَنشِ نّ عَلَتَلَ شَ يَامَرِيٍ سُشُقٍ كُي، عَ نَشٍيٍ مَسٍنشِ مُنسَ بّ، 23 كٍلِقٍ نَ مَسٍن تّمُي، هَن وٌ شَ دِيٍ شَ مَمَدِيٍ شَ تّمُي، 24 شَ وٌ مُ نَ رَبَ وٌ حَنِفٍ رَ، وٌ عَ رَبَ كٌلٌنتَرٍيَ كُي، حَمَ شَ تُورَ بَ سّرّشّ فَن دَاشِ رَ، نَشَن نَقَن عَلَتَلَ مَ. وٌ شَ سَنسِ شْرِ دِنشِ سّرّشّ نُن وّنِ سّرّشّ سَ نَ قَرِ عَ رَبَ كِ مَ، عَ نُن سِكْتّ نَشَن قِندِ مَ يُنُبِ شَقَرِ سّرّشّ رَ. 25 سّرّشّدُبّ يُنُبِ شَقَرِ مَشَندِ مَ نّ عِسِرَيِلَكَ بِرِن بّ. عَلَتَلَ دِحّمَ نّ عٍ مَ. يُنُبِ نَن عَ رَ، عٍ مُ نَشَن حَنِفٍشِ. عٍ مَن بَرَ سّرّشّ فَن دَاشِ بَ عَلَتَلَ بّ، عَ نُن عٍ شَ يُنُبِ شَقَرِ سّرّشّ. 26 نَ يُنُبِ شَقَرِ مَ نّ عِسِرَيِلَكَ بِرِن نُن عٍ شَ شْحّيٍ بّ، بَرِ مَ تَنتَنيِ نَ نُ عَ رَ.»

27 «شَ مِشِ كٍرٍن نَن يُنُبِ رَبَ حَنِفٍتَرٍحَ كُي، عَ شَ سِ فِنّ كٍرٍن بَ يُنُبِ شَقَرِ سّرّشّ رَ، نَشَن بَرَ حّ كٍرٍن سْتْ. 28 سّرّشّدُبّ يُنُبِ شَقَرِ مَشَندِ مَ نّ نَ مِشِ بّ نَشَن يُنُبِ رَبَ حَنِفٍتَرٍحَ كُي عَلَتَلَ يَ شْرِ. نَ نَ حْن، عَ شَ يُنُبِ بَرَ شَقَرِ. 29 نَ سّرِيّ كٍرٍنيِ نَ عِسِرَيِلَكَيٍ نُن عٍ شَ شْحّيٍ بّ، يُنُبِ رَبَقٍ حَنِفٍتَرٍحَ شَ قٍ رَ. 30 كْنْ شَ مِشِ ندٍ سَ عَلَتَلَ مَتَندِ عَ حَنِفٍ رَ، عَ قِندِ عِسِرَيِلَكَ رَ، عَ قِندِ شْحّ رَ، نَ كَنيِ كٍرِ مَ نّ حَمَ تَفِ. 31 عَ بَرَ عَلَتَلَ شَ مَسٍنيِ مَبٍرٍ، عَ بَرَ عَلَتَلَ شَ سّرِيّ مَتَندِ. نَ كَنيِ كٍرِ مَ نّ حَمَ تَفِ، بَرِ مَ نَ يُنُبِ كٌتٍ دْشْشِ عَ شُن مَ.»

32 عِسِرَيِلَكَيٍ تٌ نُ نَ فبٍنفبٍرٍنيِ مَ، عٍ نَشَ مِشِ ندٍ لِ مَلَبُي لْشْي عَ يٍفٍ قٍنقٍ. 33 عٍ نَشَ عَ شَنِن مُنسَ نُن هَرُنَ شْن حَمَ يَ شْرِ. 34 عٍ نَشَ عَ سُشُ، كْنْ عٍ مُ عَ حَشَنكَتَ، بَرِ مَ نَتّ مُ نُ تٌنفٌشِ عَ شَ قٍ رَ سِندٍن. 35 عَلَتَلَ نَشَ عَ مَسٍن مُنسَ بّ، «يِ شّمّ لَن نّ عَ شَ قَشَ. حَمَ بِرِن شَ عَ مَفْنْ هَن عَ قَشَ يٌنكِندٍ قَرِ مَ.» 36 حَمَ بِرِن نَشَ عَ رَ مِنِ عٍ يٌنكِندٍ قَرِ مَ، عٍ عَ مَفْنْ هَن عَ قَشَ، عَلْ عَلَتَلَ عَ يَمَرِ مُنسَ بّ كِ نَشّ.

37 عَلَتَلَ نَشَ عَ مَسٍن مُنسَ بّ، 38 «عَ قَلَ عِسِرَيِلَكَيٍ بّ، عٍ تَن نُن عٍ شَ دِيٍ شَ مَمَدِيٍ عٍ شَ عٍ شَ سٌسٍيٍ سَنبُنيِ رَقُتُقُتُ، عٍ فّسّ فّرّ دَاشِ شِرِ عَ دّ عِ. 39 نَ سَنبُنيِ رَقُتُقُتُشِ قِندِ مَ تْنشُمَ نَن نَ وٌ بّ، عَلَكٌ وٌ شَ رَتُ عَلَتَلَ شَ يَامَرِيٍ مَ، وٌ مَن شَ عٍ رَبَتُ. وٌ نَشَ بِرَ وٌ يّتّ وَشْنقٍيٍ قْشْ رَ، نَشٍيٍ وٌ رَتَنتَنمَ. 40 نَ نَن عَ نِيَمَ، وٌ رَتُمَ ﭑ مَ يَامَرِيٍ مَ، وٌ مَن عٍ رَبَتُ. نَ كُي، وٌ بَرَ قِندِ ﭑ مَ مِشِيٍ رَ. 41 ﭑ تَن نَن عَلَتَلَ رَ، وٌ مَرِفِ عَلَ، نَشَن وٌ رَ مِنِ مِسِرَ بْشِ رَ، عَلَكٌ ﭑ شَ قِندِ وٌ مَرِفِ عَلَ رَ. ﭑ تَن نَن عَلَتَلَ رَ، وٌ مَرِفِ عَلَ.»