1 ﭑ مَرِفِ عَلَتَلَ شَشِلِ نَ ﭑ مَ،

بَرِ مَ عَ بَرَ ﭑ سُفَندِ شِبَارُ قَنيِ كَوَندِدٍ تْورْ مِشِيٍ بّ،

ﭑ شَ عٍ بْحّ نِمِسَشِ رَيَلَن.

عَ بَرَ ﭑ شّي فٍيلِمَنِيٍ شْرّيَدٍ،

ﭑ شَ مِشِيٍ رَ مِنِ عٍ شَ دِ مِ كُي.

2 ﭑ شَ مِشِيٍ رَكٌلٌن عَ عَلَتَلَ شَ هِننّ تّمُي بَرَ قَ،

عَ عٍ فبٍ حْشْمَ نّ.

عَ قَمَ نّ عٍ مَدُندُدٍ،

3 عَ شَ هِننّ رَ عَ نَشَن قِمَ سِيٌنِكَيٍ مَ، نَشٍيٍ نَ سُننُنيِ كُي.

عَ دَرِيّ قِمَ نّ عٍ مَ عٍ شَ تْورّ حْشْي رَ،

عَ عٍ وَ شُي مَدُندُ مَ سّيوّ نَن نَ.

عٍ شَ نِمِسّ قِندِ مَ مَتْشْي نَن نَ.

عٍ شِلِ قَلَمَ نّ «كٌندٍ قَنيِ عَلَتَلَ نَشَن سِشِ،»

عَلَكٌ عَ شَ عَ نْرّ مَسٍن دُنِحَ مَ.

4 عٍ عٍ شَ تَا كَنَشِ يَءِلَنمَ نّ،

عٍ عٍ شَ تّتّ بِرَشِ رَكٍلِ،

عٍ شَ يِرٍ كَنَشِ قٌرِ قِندِ يِرٍ قَنيِ رَ.

5 شْحّيٍ قَمَ نّ وٌ شَ شُرُ سٍيٍ دّ مَدٌندٍ،

عٍ وٌ شَ شّيٍ رَوَلِمَ نّ.

6 وٌ تَن شِلِ قَلَمَ نّ «عَلَتَلَ شَ سّرّشّدُبّ،

نَشٍيٍ عَلَ شَ وَلِ رَبَمَ.»

7 «ﭑ مَ حَمَ شَ يَافِ مَسَرَ مَ هّيرِ فبٍفبٍ نَن نَ،

عٍ كّ بٍلٍبٍلٍ نَن سْتْمَ عٍ شَ يَافِ حْشْ رَ.

عٍ يِرٍ بٍلٍبٍلٍ سْتْمَ نّ عٍ شَ بْشِ سِنفٍ تَفِ،

عٍ قَ سّيوَ عَبَدَن.»

8 «تِنشِنيِ نَن نَقَن ﭑ تَن عَلَتَلَ مَ،

كْنْ قُنمَيَ رَحَاشُ ﭑ مَ كِ قَنيِ.

ﭑ مِشِ سَرٍ قِمَ ﭑ شُي بّرّ نَن نَ،

ﭑ مُ ﭑ مَ سَاتّ كَنَمَ عَبَدَن.

9 عٍ بْنسْي كٌلٌنمَ نّ سِيٍ تَفِ،

عٍ بْنسْي لُمَ نّ بْنسْي فبّتّ يَ مَ.

مِشِ نَشٍيٍ عٍ تٌمَ،

عٍ عَ كٌلٌن عَلَتَلَ شَ حَمَ بَرَكَشِ نَن عٍ رَ.»

10 ﭑ بَرَ سّيوَ عَلَتَلَ رَ كِ قَنيِ،

ﭑ حّلّشِنشِ ﭑ مَرِفِ عَلَ شَ قٍ رَ،

بَرِ مَ عَ بَرَ ﭑ نَكِسِ،

عَ بَرَ ﭑ مَتِنشِن،

عَلْ فُبَ رَفٌرٌ مَ مِشِ مَ كِ نَشّ.

عَ لُشِ نّ عَلْ تْنشُمَ نَشَن تِمَ سّرّشّدُبّ شُن مَ،

عَلْ كْنمَفٌرٍ نَشَن فبَكُمَ كْن مَ.

11 عَلَتَلَ تِنشِنيِ نُن مَتْشْي رَ مِنِمَ نّ دُنِحَ يَ مَ،

عَلْ سَنسِ شْرِيٍ قِندِ مَ سٌلِيٍ رَ كِ نَشّ لَاكْي تَفِ.