1 وٌ تَن نَشٍيٍ نَ كُسِ شُرٍيٍ نَاكِرِ مَ،

شْنِ فَبُتٍنيِ شُي مّمَ دّننَشّ،

2 نَشٍيٍ شّيرَيٍ شّيمَ كُنكُي كُي بَا مَ.

ﭑ تَن بَرَ شّيرَيٍ شُلُنشِيٍ شّي نَ سِ مَ،

سِ بْنسْي كُيٍ رَيَبُشِ،

نَشَن مَفَاشُ كَبِ عٍ قْلّ فٍرٍ شَ قٍ رَ،

نَشَن سَبَتِشِ بْشِ مَ شُرٍ وُيَشِ نَ دّننَشّ.

3 وٌ تَن دُنِحَ مِشِ بِرِن،

نَشٍيٍ سَبَتِشِ وٌ شَ بْشِ مَ،

وٌ نَ تْنشُمَ تٌ فٍيَ قَرِ، وٌ وٌ يَ تِ نَ رَ.

وٌ نَ سَرٍ شُي مّ، وٌ وٌ تُلِ مَتِ نَ رَ،

4 بَرِ مَ عَلَتَلَ يِ نَن مَسٍنشِ ﭑ بّ، عَ نَشّ،

«ﭑ مَفٌرٌشِ ﭑ شْنيِ شَشِلِسَ كُي،

عَلْ وُيٍنيِ لُشِ سَنسِ مَ سٌفٌقُرٍ تّمُي كِ نَشّ،

عَلْ نُشُي نَ تِ شّ شُن مَ حّمّ رَ.»

5 بٍينُن سَنسِ شَبَ تّمُي شَ عَ لِ،

سَنسِ نَ فّ قُفَدٍ، كْنْ عَ بٌفِ مُ مِنِشِ سِندٍن،

عَلَتَلَ قَمَ نّ سَنسِ قُفٍ بٌلٌندٍ قِنّ رَ،

عَ قَ سَلٌنيِيٍ يَتِ مَسّفّ.

6 عَ بٌفِ نَن لُمَ شْنِيٍ نُن وُلَءِ سُبٍ بّ،

عٍ نَشَن دٌنمَ سٌفٌقُرٍ نُن حّمّ رَ.

7 نَ تّمُي سِ سّنبّمَ ندٍ قَمَ نّ هَدِيَ رَ مَنفّ عَلَتَلَ بّ،

سِ بْنسْي كُيٍ، رَيَبُشِ،

نَشَن مَفَاشُ يِرٍ بِرِن،

نَشَن شَ شُي قَلَ شْنْ.

عٍ قَمَ نَ هَدِيَ رَ سِيٌنِ فٍيَ نَن قَرِ،

عَلَتَلَ سّنبّمَ شِلِ مَتْشْمَ دّننَشّ.