1 عِسِرَيِلَ حَمَ بِرِن نَشَ كٍلِ سِنِ فبٍنفبٍرٍنيِ مَ، عٍ قَ بِيَاسِ رَبَ عَلْ عَلَتَلَ نُ لُمَ عٍ يَمَرِ رَ كِ نَشّ. عٍ تٌ رٍقِدِ مِ لِ، عٍ نَشَ يٌنكِن نَا، كْنْ عٍ مُ يٍ مِن دَاشِ سْتْ. 2 حَمَ نَشَ تِ مُنسَ كَنكٍ، عٍ عَ قَلَ عَ بّ، «يٍ سٌ مُشُ يِ رَ.» مُنسَ نَشَ وْيّن عٍ بّ، «وٌ تِمَ ﭑ كَنكٍ مُنقٍ رَ؟ وٌ نَ عَلَتَلَ مَتٌقٍ مُنقٍ رَ؟»

3 يٍ شْلِ نُ بَرَ فبَا حَمَ رَ، عٍ نُ قَ عَ قَلَ مُنسَ بّ، «مُنقٍ رَ عِ مُشُ رَ مِنِشِ مِسِرَ بْشِ رَ؟ عِ وَ مَ نّ مُشُ شَ دٍنبَيَ نُن مُشُ شَ شُرُ سٍيٍ شَ قَشَ يٍ شْلِ رَ فبٍنفبٍرٍنيِ مَ؟»

4 مُنسَ نَشَ عَ دّ رَوَ عَلَتَلَ شْن مَ، عَ قَلَقٍ رَ، «ﭑ نْمَ مُنسٍ رَبَدٍ يِ حَمَ رَ؟ عَ فبٍ مُ لُشِ عٍ شَ ﭑ قَشَ.» 5 عَلَتَلَ نَشَ مُنسَ يَابِ، «عِ شَ دَنفِ حَمَ يَ رَ، عَ نُن عِسِرَيِلَ قٌرِ ندٍيٍ. عِ شَ عِ شَ يِسُشُوُرِ تٌنفٌ، عِ نِلِ شُرٍ فَرِن نَشَن نَ، عِ تِ عٍ يَ رَ. 6 ﭑ تِمَ عِ يَ رَ، قَنيٍ سّيتِ مَ، نَشَن نَ شٌرٍبٍ فٍيَ يِرٍ. عِ شَ نَ قَنيٍ فَرِن. نَ كُي يٍ مِنِمَ نّ حَمَ نَشَن مِنمَ.» مُنسَ نَشَ عَ رَبَ نَ كِ عِسِرَيِلَ قٌرِيٍ يَ شْرِ. 7 عَ نَشَ نَ يِرٍ شِلِ سَ مَسَ نُن مٍرِبَ، نَ نَن نَ كِ «مَتٌي نُن سْنشْي،» بَرِ مَ عِسِرَيِلَكَيٍ سْنشْ نّ مُنسَ مَ مّننِ، عٍ مَن نَشَ عَلَتَلَ مَتٌ نَ عَ قَلَقٍ رَ، «عَلَتَلَ نَ وٌن تَفِ بَ، كَ عَ مُ وٌن تَفِ؟»

8 عَمَلّكِكَيٍ نَشَ قَ عِسِرَيِلَ فٍرٍدٍ رٍقِدِ مِ. 9 مُنسَ نَشَ عَ قَلَ يٌسُوٍ بّ، «شّمّ ندٍيٍ مَيٍفٍتِ، وٌ قَ مِنِ عَمَلّكِكَيٍ فٍرٍدٍ. تِنَ، ﭑ تِمَ نّ فٍيَ قَرِ عَلَ شَ يِسُشُوُرِ رَ ﭑ يِ.» 10 يٌسُوٍ نَشَ عَمَلّكِكَيٍ فٍرٍ عَلْ مُنسَ عَ يَمَرِشِ كِ نَشّ. مُنسَ، هَرُنَ، نُن شُرُ نَشَ تٍ فٍيَ قَرِ. 11 مُنسَ تٌ عَ بّلّشّ عِتٍمَ، عِسِرَيِلَ سّنبّ نُ فبٌمَ، كْنْ عَ تٌ عَ بّلّشّ عِفٌرٌ مَ، عَمَلّكِكَيٍ سّنبّ تَن نُ فبٌمَ. 12 مُنسَ بّلّشّيٍ تٌ بِنيَ عَ رَ، عٍ نَشَ فّمّ ندٍ تٌنفٌ عَ دْشْمَ نَشَن قَرِ. هَرُنَ نُن شُرُ نَشَ لُ مُنسَ سّيتِ مَ، عَ كْولَ نُن عَ يِرٍقَنيِ مَ، عَ بّلّشّ رَتٍقٍ رَ هَن سٌفٍ دُلَ تّمُي. 13 نَ كُي يٌسُوٍ نَشَ نْ عَمَلّكِ نُن عَ شَ سْورِيٍ رَ سَنتِدّفّمَ شّحّنشِيٍ رَ.

14 عَلَتَلَ نَشَ عَ مَسٍن مُنسَ بّ، «يِ تَرُشُي سّبّ عَلَكٌ حَمَ شَ رَتُ عَ مَ. عِ مَن شَ عَ قَلَ يٌسُوٍ بّ، ‹ﭑ قَمَ نّ عَمَلّكِكَيٍ شَ قٍ حْندٍ يِ دُنِحَ مَ.›» 15 مُنسَ نَشَ يِرٍ ندٍ رَقَلَ سّرّشّبَدٍ رَ، عَ نَشَ نَ يِرٍ شِلِ سَ، «عَلَتَلَ نَن شُن نَكٍلِ قِمَ ﭑ مَ،» 16 بَرِ مَ عَ نُ بَرَ عَ شَشِلِ تِ عَلَتَلَ شَ مَنفّيَ رَ. مُنسَ نَشَ عَ عَ قَلَ، «عَلَتَلَ عَمَلّكِكَيٍ فٍرٍ مَ نّ عَبَدَن.»