1 نَ تّمُي عَلَتَلَ نَشَ عَ مَسٍن مُنسَ بّ، «عَ قَلَ هَرُنَ بّ، عَ شَ عَ شَ يِسُشُوُرِ عِتَلَ بَايٍ، شُرٍيٍ، نُن دَبٌنيِ بِرِن شُن مَ عَلَكٌ لَنشَنسَرِ مَيٍ شَ تٍ نِلِ شُرٍ مَ، عٍ سٌ مِسِرَ بْشِ مَ.» 2 هَرُنَ تٌ عَ شَ يِسُشُوُرِ عِتَلَ مِسِرَ يٍيٍ شُن مَ، لَنشَنسَرِ مَيٍ نَشَ تٍ مِسِرَ بْشِ بِرِن مَ. 3 مَندُرُلَيٍ قَن نَشَ نَ كَابَنَكٌ مْولِ رَبَ، عٍ قَن نَشَ لَنشَنسَرِ مَيٍ رَ سٌ مِسِرَ بْشِ مَ.

4 نَ دَنفِ شَنبِ قِرَوُنَ نَشَ مُنسَ نُن هَرُنَ شِلِ، عَ عَ قَلَ عٍ بّ، «وٌ سَ عَلَتَلَ مَشَندِ، عَلَكٌ لَنشَنسَرِ مَيٍ شَ كٍلِ ﭑ تَن نُن ﭑ مَ حَمَ شُن مَ. ﭑ قَمَ عِ شَ حَمَ رَبّحِندٍ، عٍ شَ سِفَ سّرّشّيٍ بَدٍ عَلَتَلَ بّ.» 5 مُنسَ نَشَ عَ قَلَ قِرَوُنَ بّ، «مَنفّ، عِ فبٍ بِنيّ. عِ شَ نَتّ تٌنفٌ لْشْي سَقٍ رَ لَنشَنسَرِ مَيٍ شَ كٍلِ عِ تَن، عِ شَ كُنتِفِيٍ، نُن عِ شَ حَمَ شُن مَ، عٍ شَ لُ نِلِ شُرٍ فبَنسَن مَ.» 6 عَ نَشَ عَ يَابِ، «تِنَ.» مُنسَ نَشَ عَ قَلَ، «عَ قَمَ رَبَدٍ نَ كِ نّ، عَلَكٌ عِ شَ عَ كٌلٌن، مُشُ مَرِفِ عَلَتَلَ مَنِيّ مُ نَ. 7 لَنشَنسَرِ مَيٍ قَمَ كٍلِدٍ عِ تَن، عِ شَ كُنتِفِيٍ، نُن عِ شَ حَمَ شُن مَ، عٍ قَ لُ نِلِ شُرٍ مَ.»

8 مُنسَ نُن هَرُنَ تٌ مِنِ قِرَوُنَ شْنيِ، مُنسَ نَشَ عَلَتَلَ مَشَندِ لَنشَنسَرِ مَيٍ شَ قٍ رَ نَشٍيٍ نُ قِرَوُنَ تْورْ مَ. 9 عَلَتَلَ نَشَ مُنسَ شَ مَشَندِ سُشُ. لَنشَنسَرِ مَيٍ نَشَ قَشَ بَنشِيٍ، شَندّيٍ، نُن دَاشَيٍ كُي. 10 مِشِيٍ نَشَ عٍ كٌتٌ، عٍ شِرِ حَاشِ قَ دِن بْشِ بِرِن نَ. 11 كْنْ قِرَوُنَ تٌ عَ تٌ نَ قٍ نُ بَرَ دَنفِ، عَ مَن نَشَ عَ شَشِلِ رَشْرْشْ، عَ مُ تِن مُنسَ نُن هَرُنَ شُي رَ، عَلْ عَلَتَلَ عَ مَسٍن كِ نَشّ.

12 نَ تّمُي عَلَتَلَ نَشَ عَ مَسٍن مُنسَ بّ، «عَ قَلَ هَرُنَ بّ عَ شَ عَ شَ يِسُشُوُرِ عِتَلَ، عَ شَ دِن بْشِ شُبٍ رَ عَلَكٌ عَ شَ مَقِندِ سَاسِيٍ رَ مِسِرَ بْشِ بِرِن كُي.» 13 عٍ نَشَ عَ رَبَ نَ كِ. هَرُنَ تٌ عَ شَ يِسُشُوُرِ عِتَلَ، عَ قَ بْشِ شُبٍ فَرِن، نَ بِرِن نَشَ قِندِ سَاسِيٍ رَ، مِشِيٍ نُن شُرُ سٍيٍ قْشْ رَ. شُبٍ بِرِن نَشَ قِندِ سَاسِيٍ رَ مِسِرَ بْشِ بِرِن كُي. 14 مَندُرُلَيٍ تٌ كَتَ نَ كَابَنَكٌ مْولِ رَبَدٍ، عٍ مُ نْ. سَاسِيٍ نُ دِنشِ مِشِ نُن شُرُ سٍ بِرِن نَ. 15 مَندُرُلَيٍ نَشَ عَ قَلَ قِرَوُنَ بّ، «عَلَ قْشِ يَتِ نَن نَ كِ،» كْنْ قِرَوُنَ شَشِلِ مَن نَشَ شْرْشْ، عَ مُ تِن مُنسَ نُن هَرُنَ شُي رَ، عَلْ عَلَتَلَ عَ مَسٍنشِ كِ نَشّ.

16 نَ تّمُي عَلَتَلَ نَشَ عَ مَسٍن مُنسَ بّ، «تِنَ فّيسّفّ عِ شَ كُرُن، عِ شَ نَرَلَن قِرَوُنَ رَ يٍ يِرٍ. عِ شَ عَ قَلَ عَ بّ عَلَتَلَ شَ مَسٍنيِ نَن يَ، ‹ﭑ مَ حَمَ بّحِن، عَلَكٌ عٍ شَ سِفَ ﭑ بَتُدٍ. 17 شَ عِ مُ سَ تِن ﭑ مَ حَمَ بّحِندٍ، ﭑ قَمَ شّيرِيٍ نَن نَدِندٍ عِ تَن، عِ شَ كُنتِفِيٍ، نُن عِ شَ حَمَ مَ وٌ شْنيِ. شّيرِيٍ قَمَ لُدٍ مِسِرَكَيٍ شَ بَنشِيٍ نُن عٍ شَ بْشِيٍ بِرِن مَ. 18 كْنْ نَ لْشْي، فٌسٍن بْشِ رَتَنفَمَ نّ، ﭑ مَ حَمَ نَ دّننَشّ. شّيرِيٍ مُ لُمَ نَا، عَلَكٌ عِ شَ عَ كٌلٌن عَ ﭑ تَن عَلَتَلَ نَ يِ بْشِ يِرٍ بِرِن مَ. 19 ﭑ تَفِ رَ سَ لُمَ نّ ﭑ مَ حَمَ نُن عِ فبٍ مَ. وٌ نَ كَابَنَكٌ تٌمَ نّ تِنَ.›»

20 عَلَتَلَ عَ رَبَ نَ كِ نّ. شّيرِيٍ نَشَ دِن قِرَوُنَ، نُن عَ شَ كُنتِفِيٍ رَ. مِسِرَ بْشِ بِرِن شُن نَشَ رَكَنَ شّيرِيٍ رَ. 21 قِرَوُنَ نَشَ مُنسَ نُن هَرُنَ شِلِ، عَ عَ قَلَ عٍ بّ، «وٌ شَ سِفَ سّرّشّ بَدٍ وٌ مَرِفِ عَلَ بّ مِسِرَ.» 22 مُنسَ نَشَ عَ يَابِ، «نَ مُ لَنمَ، بَرِ مَ مُشُ شَ سّرّشّيٍ مُ رَقَن مِسِرَكَيٍ مَ. شَ مُشُ نَ سّرّشّ مْولِ بَ مِسِرَكَيٍ يَ شْرِ عٍ نَشٍيٍ شْنشِ، عٍ مُ مُشُ مَفْنْمَ شّ؟ 23 عَ لَنمَ مُشُ شَ شِ سَشَن بِيَاسِ رَبَ فبٍنفبٍرٍنيِ مَ، مُشُ قَ سّرّشّيٍ بَ مُشُ مَرِفِ عَلَتَلَ بّ، عَلْ عَ مُشُ يَمَرِشِ كِ نَشّ.»

24 قِرَوُنَ نَشَ عَ قَلَ مُنسَ بّ، «ﭑ قَمَ وٌ بّحِندٍ، عَلَكٌ وٌ شَ سِفَ فبٍنفبٍرٍنيِ مَ سّرّشّيٍ بَدٍ وٌ مَرِفِ عَلَتَلَ بّ. كْنْ وٌ نَشَ وٌ مَكُيَ عَ فبٍ رَ. يَكْسِ، وٌ عَلَ مَشَندِ ﭑ بّ.» 25 مُنسَ نَشَ عَ يَابِ، «ﭑ بَرَ تِن. ﭑ نَ مِنِ عِ شْنيِ، ﭑ عَلَتَلَ مَشَندِ مَ نّ. تِنَ، شّيرِيٍ مَكُيَمَ نّ قِرَوُنَ، عَ شَ كُنتِفِيٍ، نُن عَ شَ حَمَ رَ. كْنْ عِ تَن قِرَوُنَ، عِ نَشَ مُشُ مَدَشُ. عِ نَشَ تٌندِ عِسِرَيِلَ حَمَ بّحِندٍ عَلَكٌ عٍ شَ سّرّشّيٍ بَ عَلَتَلَ بّ.»

26 مُنسَ تٌ مِنِ قِرَوُنَ شْنيِ، عَ نَشَ عَلَتَلَ مَشَندِ. 27 عَلَتَلَ نَشَ مُنسَ شَ دُبَ سُشُ. شّيرِيٍ نَشَ مَكُيَ قِرَوُنَ، عَ شَ كُنتِفِيٍ، نُن عَ شَ حَمَ رَ. هَلِ كٍرٍن مُ لُ نَا. 28 كْنْ قِرَوُنَ مَن نَشَ عَ شَشِلِ شْرْشْ، عَ مُ تِن عِسِرَيِلَ حَمَ بّحِندٍ.