1 «ﭑ تٌ نُ نَ مٍدٍ مَنفّ دَرِيُسِ مَلِقٍ عَ شَ مَنفّيَ حّ سِنفٍ رَ. 2 يَكْسِ ﭑ شَ نْندِ قَلَ عِ بّ. مَنفّ سَشَن قَمَ نّ ثٍرِ سٍ يَمَرِدٍ. مَنفّ نَانِ ندٍ قَمَ نّ نَاقُلِ فبٍفبٍ سْتْدٍ دَنفِقٍ بٌورٍيٍ رَ. عَ نَ سّنبّ سْتْ تّمُي نَشّ عَ نَاقُلِ كِ مَ، عَ كٍلِمَ نّ فِرّكِ مَنفّيَ شِلِ مَ.»

3 «كْنْ مَنفّ سّنبّمَ ندٍ قَمَ نّ كٍلِدٍ، عَ بْشِ يَمَرِ سّنبّ بٍلٍبٍلٍ رَ. نَشَن يٌ عَ كّنّن، عَ نَ رَبَمَ نّ. 4 كْنْ نَ دَنفِ شَنبِ، عَ شَ مَنفّيَ قَمَ نّ كَنَدٍ، عَ رَيٍنسٍن دُنِحَ بِرِن مَ. عَ مُ لُمَ عَ بْنسْي بّ، عَ مُ قِندِ مَ مَنفّيَ سّنبّمَ رَ عَلْ عَ سِنفٍ. عَ شَ مَنفّيَ بَمَ نّ عَ يِ رَ، عَ لُ مِشِ فبّتّيٍ بّ.»

5 «مَنفّ نَشَن نَ يِرٍقَنيِ مَ، نَ قِندِ مَ نّ سّنبّمَ رَ، كْنْ عَ شَ مَنفّدِ ندٍ قَ سّنبّ سْتْدٍ دَنفِقٍ عَ تَن نَ، عَ بْشِ يَمَرِ نْي شُنفبٍ رَ.»

6 «حّ ندٍيٍ نَ دَنفِ، مَنفّ نَشَن نَ يِرٍقَنيِ مَ، عَ قَمَ نّ عَ شَ دِ فِنّ قِدٍ مَنفّ مَ نَشَن نَ كْولَ مَ، عَلَكٌ سَاتّ شَ لُ عٍ تَفِ. كْنْ نَ فِنّ سّنبّ مُ عَ عِكُيَمَ. عَ تَن يٌ، عَ شَ مْرِ يٌ، عَ بَبَ يٌ، نُن عَ شَ مِشِ بِرِن بْنْمَ نّ. 7 نَ فِنّ شَ دِ ندٍ قَمَ نّ كٍلِدٍ، عَ قَ قِندِ عَ بَبَ حْشْي رَ. عَ قَمَ نّ نْدٍ نَ مَنفّ رَ نَشَن نَ كْولَ مَ، عَ قِندِ سّنبّمَ رَ. 8 عَ عٍ شَ كُيٍيٍ نُن عٍ شَ شّيمَ نُن فبٍتِ بِرِن شَنِنمَ نّ مِسِرَ بْشِ مَ. عَ مَكُيَمَ نّ كْولَ مَنفّ رَ حّ ندٍيٍ بُن مَ. 9 مَنفّ نَشَن نَ كْولَ مَ، نَ يِرٍقَنيِ مَنفّ فٍرٍ مَ نّ، عَ قَ فبِلٍنمَ عَ شْنيِ.»

10 «نَ مَنفّ نَشَن نَ كْولَ مَ، نَ شَ دِيٍ سْورِ فبٍفبٍ مَلَنمَ نّ، عٍ شَ فٍرٍ تِ عَ عِقُرٍ رَ عَلْ بَنبَرَنيِ دِنمَ بْشِ رَ كِ نَشّ. عٍ قَمَ نّ فٍرٍ تِ رَ هَن عٍ تَن نُن عٍ يَشُييٍ شَ نَانِنيِ رَ. نَ دَنفِ شَنبِ، عٍ مَن فبِلٍنمَ نّ عٍ شْنيِ. 11 مَنفّ نَشَن نَ يِرٍقَنيِ مَ، نَ قَمَ نّ شْنْدٍ، عَ مِنِ كْولَ مَنفّ شِلِ مَ، سْورِ فبٍفبٍ نَ نَشَن يِ رَ. عَ نَ نْ نَ سْورِ فَلِ رَ تّمُي نَشّ، 12 عَ عٍ شَنِنمَ نّ كٌنيِيَ كُي. عَ عَ يّتّ عِفبٌمَ نّ نَ شَ قٍ رَ. عَ سْورِ وُلُ وُلُ قَشَمَ نّ، كْنْ عَ مُ شُننَكٍلِ يٌ سْتْمَ.»

13 «مَنفّ نَشَن نَ كْولَ مَ، عَ سْورِ فبٍفبٍ مَلَنمَ نّ دَنفِقٍ عَ نَشَن سِنفٍ مَلَن نَ. حّ ندٍيٍ نَ دَنفِ، عَ مَن فٍرٍ تِمَ نّ سْورِ نُن نَاقُلِ فبٍفبٍ رَ. 14 مِشِ فبٍفبٍ قَمَ نّ كٍلِدٍ يِرٍقَنيِ مَنفّ شِلِ مَ. عِ شَ مِشِ كَلَبَنتٍ ندٍيٍ كٍلِمَ نّ عَلَكٌ لَامَتُنيِ شَ كَمَلِ، كْنْ عَ مُ سْونّيَمَ عٍ بّ. 15 مَنفّ نَشَن كٍلِمَ كْولَ مَ، عَ بّندّ مَلَنمَ نّ تّتّ سّيتِ مَ عَلَكٌ عَ شَ نْ تَا مَكَنتَشِ مَسْتْدٍ. بٌورٍ شَ سْورِ قَنيِيٍ مُ نْمَ عٍ يّتّ مَكَنتَدٍ، عٍ قَمَ لُدٍ عٍ يَشُييٍ نَن بّلّشّ. 16 مَنفّ نَشَن كٍلِمَ كْولَ مَ، نَ قَمَ نّ عَ وَشْنقٍ بِرِن نَبَدٍ عَ يَشُييٍ رَ. عَ نَ تِ نَ بْشِ تٌقَنيِ مَ، عَ وَ مَ نَشَن يٌ رَبَقٍ، عَ نْمَ نّ نَ رَ.»

17 «عَ نَتّ تٌنفٌمَ نّ عَ شَ نَ بْشِ يَمَرِ عَ سّنبّ بِرِن نَ، عَ لَنيِ شِرِ عَ نُن نَ مَنفّ. عَ عَ شَ دِ فِنّ ندٍ سٌمَ نّ عَ يِ رَ، عَلَكٌ عَ شَ نْ نَ مَنفّيَ سْتْدٍ، كْنْ نَ مُ سْونّيَمَ. 18 نَ دَنفِ شَنبِ، عَ كَتَمَ نّ بْشِيٍ سْتْدٍ نَشٍيٍ نَ بَا دّ رَ. عَ ندٍيٍ سْتْمَ نّ، كْنْ سْورِ مَنفّ ندٍ عَ شَ يّتّ عِفبٌحَ كَنَمَ نّ، عَ عَ رَيَافِ. 19 نَ نَن عَ نِيَمَ، عَ فبِلٍن عَ شْنيِ، عَ شَ تَا مَكَنتَشِيٍ نَ دّننَشّ. نَ كُي عَ سّنبّ كَنَمَ نّ، عَ بِرَ، عَ مُ كٍلِمَ سْنْن.»

20 «مَنفّ نَشَن تِمَ نَ شَنبِ رَ، نَ دُوتِ مَشِلِ حَاشِ ندٍ شّيمَ نّ بْشِ يِرٍ ندٍ مَ، دّننَشّ تٌقَن عَ بِرِن بّ. عَ مُ بُمَ، نَ مَنفّ قَن بِرَ مَ نّ، كْنْ عَ شَ بِرّ مُ قَتَنمَ فٍرٍ شَ رَ، شَ نَ مُ عَ رَ شْننَنتٍيَ.»

21 «مِشِ حَاشِ ندٍ تِمَ نّ عَ حْشْي رَ، نَشَن مُ قَتَنشِ مَنفّ شَبِلّ رَ. عَ سٌمَ نّ بْشِ رَ بْحّسَ تّمُي، عَ مَنفّيَ مَسْتْ يَنقَنتٍيَ رَ. 22 سْورِ فَلِ كَتَمَ نّ نْدٍ عَ رَ، كْنْ عَ عٍ بِرِن قَشَمَ نّ، عٍ تَن نُن مَنفّ سَاتّ نَ عٍ نُن نَشَن تَفِ. 23 عَ تَن نُن نَشٍيٍ يٌ سَاتَ، عَ قَمَ نّ نٍيٍ يَنقَدٍ. نَ كُي، هَلِ عَ شَ فَلِ مُ فبٌ، عَ سّنبّ سْتْمَ نّ. 24 عَ مَن سٌمَ نّ بْشِ قَنيِيٍ كُي، عَ نَاقُلِ بِرِن بَ بَننَيٍ يِ رَ، عَ عَ سٌ عَ شَ مِشِيٍ يِ رَ. عَ قٍ رَبَمَ نّ عَ بَبَيٍ نُن عَ بٍنبَيٍ سِنفٍ مُ نُ نَشَن نَبَ. عَ نَ بِرِن نَبَمَ يَنقَنتٍيَ نَن نَ وَشَتِ ندٍ بُن مَ.»

25 «عَ سْورِ فَلِ بٍلٍبٍلٍ رَكٍلِمَ نّ، عٍ شَ عَ سّنبّ مَسٍن يِرٍقَنيِ مَنفّ بّ. سْورِ فَلِ بٍلٍبٍلٍ لُمَ نّ نَ مَنفّ قَن يِ رَ، كْنْ عٍ مُ تِمَ كْولَ مَنفّ يَ رَ يَنقَنتٍيَ سَابُي رَ. 26 مَنفّ نَشَن كٍلِمَ يِرٍ قَنيِ مَ، عَ شَ مِشِيٍ نَن يَتِ قَمَ عَ يَنقَدٍ. عَ يَشُييٍ فٍينِمَ نّ، عٍ عَ شَ سْورِ فبٍفبٍ قَشَ. 27 نَ مَنفّ قِرِنيِ قَمَ نّ لُدٍ يِرٍ كٍرٍن، عٍ شَ عٍ بٌورٍ تْورْ. عٍ وُلٍ قَلَمَ نّ عٍ بٌورٍ بّ، كْنْ عٍ بٌرٍ قَشَقٍ مُ سْونّيَمَ هَن وَشَتِ سُفَندِشِ شَ عَ لِ. 28 كْولَ مَنفّ فبِلٍنمَ نّ عَ شْنيِ عَ نُن نَاقُلِ بٍلٍبٍلٍ رَ. عَ كٍلِمَ نّ سَاتّ سّنِيّنشِ شِلِ مَ، عَ قَ فبِلٍن.»

29 «وَشَتِ نَ كَمَلِ، عَ مَن سِفَمَ نّ يِرٍقَنيِ مَ فٍرٍ سٌدٍ. كْنْ يِ بِيَاسِ مُ لُمَ عَلْ عَ سِنفٍ. 30 مِشِيٍ قَمَ نّ كُنكُييٍ كُي عَ فٍرٍدٍ كٍلِقٍ سٌفٍفٌرٌدٍ. عٍ نَ نْ عَ رَ، عَ مَن فبِلٍن عَ شْنيِ. عَ شَ شْنّ كُي، عَ قٍ حَاشِ رَبَمَ نّ مِشِيٍ رَ نَشٍيٍ نَ سَاتّ سّنِيّنشِ كُي، كْنْ نَشٍيٍ نَ سَاتّ سّنِيّنشِ رَبّحِن، عَ قٍ قَنيِ رَبَمَ نّ نٍيٍ تَن بّ.»

31 «عَ سْورِيٍ يَمَرِ مَ نّ، عٍ شَ هْرْ مْبَنشِ كَنَ. نَ كُي سّرّشّ مُ بَمَ لْشْي بِرِن عَلْ عَ نُ دَرِشِ رَبَ رَ كِ نَشّ. يَشُييٍ قَمَ نّ قٍ هَرَ مُشِ رَبَدٍ مّننِ. 32 عَ سَاتّ كَنّيٍ سْتْمَ نّ وُلٍ مَتْشْي رَ، كْنْ نَشٍيٍ تَن عٍ مَرِفِ عَلَ كٌلٌن، نٍيٍ تٌندِ مَ نّ. 33 لْننِلَيٍ حَمَ شَرَنمَ نّ، كْنْ عٍ يَشُييٍ قَ عٍ قَشَدٍ سَنتِدّفّمَ نُن تّ رَ، شَ نَ مُ عَ رَ عٍ عٍ شَنِن كٌنيِيَ كُي، عٍ عٍ شَ سٍ بِرِن بَ عٍ يِ رَ. 34 ندٍيٍ قَمَ نّ لْننِلَيٍ مَلِدٍ، كْنْ عَ فبٍفبٍ عٍ يَنقَمَ نّ. 35 لْننِلَ ندٍيٍ بِرَ مَ نّ، عَلَكٌ عٍ شَ سّنِيّن تْورّ سَابُي رَ بٍينُن وَشَتِ شَ كَمَلِ.»

36 «نَ مَنفّ قَمَ نّ عَ وَشْنقٍ رَبَدٍ. عَ عَ يّتّ عِتٍمَ نّ، عَ عَ يّتّ عِفبٌ دَنفِقٍ عَلَيٍ بِرِن نَ، عَ وْيّنيِ مَفَاشُشِ قَلَ عَلَ شِلِ مَ، نَشَن فبٌ عَلَيٍ بِرِن بّ. عَ نَ قٍ مْولِ بِرِن نَبَمَ نّ هَن عَلَ شَ شْنّ شَ وَشَتِ شَ كَمَلِ. 37 عَ مُ عَلَ يٌ بِنيَمَ، هَلِ عَ بَبَيٍ فبٍيٍ نُن عَ شَ فِنّيٍ فبٍيٍ. عَ مُ عَلَ يٌ بِنيَمَ بَرِ مَ عَ عَ يّتّ عِفبٌمَ نّ دَنفِقٍ عٍ بِرِن نَ. 38 عَ شَ تَا مَكَنتَشِيٍ قِندِ مَ نّ عَ شَ عَلَيٍ رَ، عَ قَ عٍ بَتُ شّيمَ، فبٍتِ، فّمّ تٌقَنيِيٍ، نُن نَاقُلِ مْولِ بِرِن نَ. عَ بَبَيٍ مُ نُ دَرِشِ نَ قٍ مْولِ رَ. 39 عَ فٍرٍ تِمَ بْنسْي ندٍ شَ عَلَ نَن شَ مَلِ رَ. عَ مِشِ بِنيَمَ نّ نَشَن عَ يّتّ مَفٌرٌ مَ عَ بّ، عَ عَ نِيَ مِشِ فبٍفبٍ شَ لُ عٍ قَن بُن مَ. عَ بْشِيٍ عِتَشُنمَ نّ مِشِيٍ مَ نَشٍيٍ كْبِرِ سٌمَ عَ يِ رَ.»

40 «وَشَتِ دْنشْي نَ عَ لِ، يِرٍقَنيِ مَنفّ كٍلِمَ نّ كْولَ مَنفّ شِلِ مَ. مَنفّ قَمَ نّ كٍلِدٍ كْولَ مَ، عَ دِن بٌورٍ رَ عَلْ بَنبَرَنيِ دِنمَ بْشِ رَ كِ نَشّ. سْورِ رَفِسٍيٍ، سٌي رَفِيٍ، نُن كُنكُي فبٍفبٍ نَ عَ يِ رَ. 41 عَ قَمَ نّ بْشِ مَ دّننَشّ تٌقَن دَنفِ بْشِ بِرِن نَ، مِشِ وُيَشِ هَلَكِ، كْنْ عٍدٌن، مٌوَبَ، نُن عَمٌنِ كُنتِفِيٍ عٍ يّتّ سْتْمَ نّ. 42 بْشِ فبٍفبٍ لُمَ نّ عَ شَ نْي بُن مَ، هَلِ مِسِرَ، عَ مُ نْمَ عَ يّتّ سْتْدٍ عَ يِ. 43 عَ مِسِرَ شّيمَ، فبٍتِ، نُن نَاقُلِ بِرِن تٌنفٌمَ نّ. لِبِيَكَيٍ نُن عٍتِيٌثِكَيٍ قَن بِرَ مَ نّ عَ قْشْ رَ. 44 كْنْ شِبَارُ نَشَن كٍلِمَ سٌفٍتٍدٍ نُن كْولَ بِرِ رَ، نَ قَمَ نّ عَ مَفَاشُدٍ هَن عَ سِفَ عَ بْحّ تٍشِ رَ، عَ شَ حَمَ وُيَشِ هَلَكِ. 45 عَ عَ شَ مَنفّ لٍيلٍ تِمَ بَايٍ نَن لٌنفٌرِ رَ، فٍيَ سّنِيّنشِ مَبِرِ نَشَن تٌقَن فٍيَ بِرِن بّ. قَشّ عَ تّرّننَمَ مّننِ نّ، مِشِ يٌ مُ قَ عَ مَلِدٍ.»