1 سّرّشّدُبّ كُنتِفِ نَشَ عٍتِيّن مَشْرِن، «نَشَن قَلَشِ عِ شُن مَ، نْندِ نَ عَ رَ؟» 2 عٍتِيّن نَشَ عٍ يَابِ، «ﭑ نفَشَكٍرٍنيِيٍ نُن ﭑ بَبَيٍ، وٌ وٌ تُلِ مَتِ ﭑ نَ. عَلَ دَرِيّ كَنيِ مِنِ نّ وٌن بَبَ عِبُرَهِمَ مَ عَ نُ نَ مٍسٌثٌتَمِيَ بْشِ مَ تّمُي نَشّ، بٍينُن عَ شَ سَبَتِ شَرَنِ. 3 عَلَ نَشَ عَ قَلَ عَ بّ، ‹كٍلِ عِ شَ بْشِ نُن عِ شَبِلّ شُن، سِفَ بْشِ مَ ﭑ دّننَشّ مَسٍنمَ عِ بّ.› 4 عَوَ، عَ نَشَ مِنِ كَلِدِ بْشِ رَ، عَ سَ سَبَتِ شَرَنِ. مّننِ، عَ بَبَ قَشَ شَنبِ، عَلَ نَشَ عَ رَدَنفِ يِ بْشِ مَ وٌ سَبَتِشِ دّننَشّ يِ كِ تٌ. 5 عَ مُ لِنفِرَ يٌ قِ عَ مَ يِ بْشِ كُي هَلِ سَنتِدٍ. كْنْ عَ نَشَ لَايِدِ تٌنفٌ عَ بّ، عَ قَمَ يِ بْشِ قِدٍ عَ تَن نُن عَ بْنسْي نَن مَ، هَلِ عَ قَشَ شَنبِ. نَ وَشَتِ دِ يٌ مُ نُ نَ عَ بّ سِندٍن.»

6 «عَلَ نَشَ عَ قَلَ عَ بّ، ‹عِ بْنسْي سَبَتِمَ بْشِ فبّتّ نَن مَ. مّننِ عٍ قِندِ مَ نّ كٌنيِيٍ رَ. عٍ عٍ حَشَنكَتَ حّ كّمّ نَانِ بُن.› 7 عَلَ مَن نَشَ عَ قَلَ، ‹ﭑ قَمَ نَ سِ مَكِيتِدٍ نَشَن عٍ رَ سٌمَ كٌنيِيَ كُي. نَ دَنفِ شَنبِ، عٍ كٍلِمَ نّ نَا، عٍ قَ ﭑ بَتُ بٍ.›»

8 «عَوَ، عَلَ نَشَ سُننَ سَاتّ قِ عِبُرَهِمَ مَ. عِبُرَهِمَ تٌ عِسِيَفَ بَرِ، عَ نَشَ عَ سُننَ عَ شِ سٌلٌمَسَشَن ندٍ مَ. عِسِيَفَ تٌ يَشُبَ بَرِ، عَ نَشَ عَ قَن سُننَ. يَشُبَ قَن نَشَ وٌن بٍنبَ قُ نُن قِرِنيِيٍ سُننَ.»

9 «وٌن بٍنبَيٍ نَشَ يُسُقُ تْونّ، عٍ نَشَ عَ مَتِ، عَ نَشَ قِندِ كٌنيِ رَ مِسِرَ بْشِ مَ. 10 كْنْ عَلَ نَشَ لُ عَ قْشْ رَ. عَ نَشَ عَ رَ مِنِ عَ شَ كْنتْقِلِ بِرِن كُي. عَ نَشَ هِننّ نُن شَشِلِمَيَ قِ عَ مَ، عَلَكٌ عَ شَ رَقَن مِسِرَ مَنفّ مَ، نَشَن عَ قِندِ مِسِرَ فٌمِنَ نُن عَ شَ بَنشِ بِرِن شُنمَتِ رَ.»

11 «كَامّ شُنفبٍ نَشَ سٌ مِسِرَ بْشِ مَ عَ نُن كَنَان بْشِ. وٌن بَبَيٍ مُ نُ بَلٌي سْتْمَ، تْورّ نَشَ فبٌ. 12 يَشُبَ نَشَ عَ مّ عَ مّنفِ نَ مِسِرَ بْشِ مَ. عَ نَشَ وٌن بَبَيٍ شّي نَا عَ سِنفٍ. 13 عٍ شَ سِفّ قِرِن ندٍ، يُسُقُ نَشَ عَ يّتّ مَسٍن عَ قَقَشَكٍرٍنيِيٍ بّ، مِسِرَ مَنفّ قَن نَشَ يُسُقُ شَبِلّ رَكٌلٌن. 14 عَوَ، يُسُقُ نَشَ عٍ شّي عَ بَبَ يَشُبَ تٌنفٌدٍ نُن عَ شَ دٍنبَيَ بِرِن. عٍ كْنتِ نُ سِفَشِ هَن مِشِ تٌنفٌ سٌلٌقٍرٍ عَ نُن سُولِ. 15 يَشُبَ نَشَ فٌرٌ مِسِرَ، عَ قَشَ دّننَشّ عَ نُن وٌن بَبَيٍ. 16 عٍ قُرٍيٍ نَشَ رَفبِلٍن سِكٍمِ، عٍ عٍ رَفَتَ فَبُرِ نَن كُي، عِبُرَهِمَ نَشَن سَرَ كْبِرِ رَ شَمٌرِ شَ دِيٍ مَ.»

17 «عَلَ شَ لَايِدِ رَكَمَلِ وَشَتِ تٌ مَكْرّ، لَايِدِ نَشَن تٌنفٌشِ عِبُرَهِمَ بّ، وٌن مَ حَمَ شُن نَشَ مَسَ مِسِرَ بْشِ مَ. 18 كْنْ نَ شَنبِ مَنفّ فبّتّ نَشَ تِ نَشَن مُ نُ يُسُقُ شَ قٍ كٌلٌن. 19 نَ مَنفّ نَشَ وٌن مَ حَمَ يَنقَ. عَ نَشَ وٌن بٍنبَيٍ حَشَنكَتَ، هَن عَ نَشَ عٍ يَامَرِ عٍ شَ عٍ شَ دِيْرّيٍ وْلّ، عَلَكٌ عٍ شَ قَشَ. 20 نَ تّمُي عَننَبِ مُنسَ نَشَ بَرِ، عَلَ هِننّ نَشَن نَ. كِكٍ سَشَن عَ رَبَلٌقٍ عَ بَبَ شَ بَنشِ كُي. 21 نَ شَنبِ عَ نَشَ عَ بّلّشّ بَ عَ مَ. مِسِرَ مَنفّ شَ دِ فِنّ قَ عَ تٌنفٌ، عَ نَشَ عَ رَ مْ عَلْ عَ شَ دِ. 22 عَننَبِ مُنسَ نَشَ كٌلٌن سْتْ مِسِرَ شَ قٍ بِرِن مَ. عَ وْيّن كِ نُن عَ حّرّ كِ نَشَ سّنبّ سْتْ.»

23 «عَ تٌ حّ تٌنفٌ نَانِ سْتْ، عَ نَشَ وَ عَ نفَشَكٍرٍنيِيٍ كٌلٌنقٍ. عَ نَشَ سِفَ عَ بٌورٍ عِسِرَيِلَكَيٍ يِرٍ مَتٌدٍ. 24 عَ تٌ مِسِرَكَ تٌ عَ قٍ حَاشِ نِيَقٍ عِسِرَيِلَكَ ندٍ رَ، عَننَبِ مُنسَ نَشَ عَ نفَشَكٍرٍنيِ شَ فٍرٍ سٌ، عَ نَشَ مِسِرَكَ قَشَ. 25 عَ نَشَ عَ مَحْشُن عَ عَ نفَشَكٍرٍنيِيٍ عَ كٌلٌنمَ نّ عَلَ شْرّيَ قِمَ عٍ مَ عَ سَابُي نَن نَ، كْنْ عٍ مُ كٌلٌن سْتْ نَ مَ. 26 نَ كُيٍ عِبَ، عَننَبِ مُنسَ نَشَ عِسِرَيِلَكَ قِرِن تٌ، عٍ نَ فٍرٍقٍ. عَ نَشَ كَتَ عٍ شَ لَن عٍ بٌرٍ مَ، عَ نَشَ عَ قَلَ عٍ بّ، ‹نفَشَكٍرٍنمَيٍ نَن نَ وٌ رَ. مُنقٍ رَ وٌ قٍ حَاشِ نِيَمَ وٌ بٌرٍ رَ؟› 27 كْنْ نَشَن نُ قٍ حَاشِ رَبَقٍ عَ نفَشَكٍرٍنيِ رَ، عَ نَشَ عَننَبِ مُنسَ رَدِن يّ، عَ عَ قَلَ عَ بّ، ‹ندٍ عِ تِشِ مَنفّ نُن كِيتِسَ رَ مُشُ شُن مَ؟ 28 عِ وَشِ ﭑ قَشَقٍ نّ عَلْ عِ مِسِرَكَ قَشَشِ كِ نَشّ شٌرٌ؟› 29 عَننَبِ مُنسَ تٌ نَ وْيّنيِ مّ، عَ نَشَ عَ فِ. عَ نَشَ سَبَتِ مَدِيَن بْشِ مَ، عَ نَشَ دِ قِرِن بَرِ مّننِ.»

30 «حّ تٌنفٌ نَانِ دَنفِ شَنبِ، مَلٍكّ نَشَ مِنِ عَ مَ تّ شْورَ نَشَن نُ سَنسِ بِلِ فَنقٍ فبٍنفبٍرٍنيِ مَ، سِنَيِ فٍيَ قَرِ. 31 عَننَبِ مُنسَ تٌ نَ قٍ تٌ، عَ نَشَ كَابَ. عَ تٌ عَ مَسٌ عَ رَ، عَ شَ عَ عِفبّ، عَ نَشَ مَرِفِ شُي مّ. 32 ‹عِ بَبَيٍ مَرِفِ عَلَ نَن ﭑ نَ، عِبُرَهِمَ، عِسِيَفَ، نُن يَشُبَ مَرِفِ عَلَ.› عَننَبِ مُنسَ نَشَ سّرّن، عَ نَشَ فَاشُ عَ عِفبّقٍ مَ. 33 مَرِفِ نَشَ عَ قَلَ عَ بّ، ‹سَنكِرِ بَ عِ سَنيِ، بَرِ مَ عِ تِشِ دّننَشّ، بْشِ سّنِيّنشِ نَ عَ رَ. 34 ﭑ بَرَ ﭑ مَ حَمَ شَ تْورّ تٌ مِسِرَ، ﭑ بَرَ عٍ كُتُن شُي مّ. ﭑ بَرَ فٌرٌ ﭑ شَ شْرّيَ قِ عٍ مَ. يَكْسِ، ﭑ شَ عِ شّي مِسِرَ.› 35 عَلَ عَننَبِ مُنسَ شّي نّ، عٍ عَ قَلَ نَشَن بّ، ‹ندٍ عِ تِشِ مَنفّ نُن كِيتِسَ رَ مُشُ شُن مَ.› مَلٍكّ نَشَن مِنِشِ عَ مَ تّ شْورَ عَ نَشَ عَ مَسٍن عَ بّ عَ شَ قِندِ مَنفّ نُن مَرَكِسِمَ رَ.»

36 «عَننَبِ مُنسَ نَن عِسِرَيِلَكَيٍ رَ مِنِ مِسِرَ بْشِ رَ. حّ تٌنفٌ نَانِ بُن مَ، عَ نَشَ تْنشُمَيٍ نُن كَابَنَكٌييٍ رَبَ مِسِرَ، شُلُنيُمِ بَا، نُن فبٍنفبٍرٍنيِ مَ. 37 عَننَبِ مُنسَ تَن نَشَ عَ قَلَ عِسِرَيِلَ بّ، ‹عَلَ نَمِحْنمّ رَ مِنِمَ وٌ نفَشَكٍرٍنيِيٍ نَن يَ مَ نَشَن لُمَ عَلْ ﭑ تَن.› 38 وٌن بٍنبَيٍ حَمَ عٍ تٌ نُ مَلَنشِ فبٍنفبٍرٍنيِ مَ، مَلٍكّ نَشَ وْيّن عَننَبِ مُنسَ بّ سِنَيِ فٍيَ قَرِ. عَ سّرِيّ نَشَن مّشِ، عَ نَشَ نَ رَدَنفِ وٌن مَ.»

39 «كْنْ وٌن بٍنبَيٍ مُ تِن عَ شَ يَامَرِ سُشُدٍ. عٍ نَشَ عَ مَتَندِ، عٍ عٍ بْحّ تِ مِسِرَ رَ. 40 عٍ نَشَ عَ قَلَ هَرُنَ بّ، ‹عَلَيٍ يَءِلَن وٌن بّ، نَشٍيٍ حّرّ مَ وٌن يَ رَ، بَرِ مَ يِ مُنسَ نَشَن وٌن نَمِنِشِ مِسِرَ، وٌن مُ عَ كٌلٌن سٍ نَشَن عَ سْتْشِ.› 41 عٍ نَشَ كُيٍ يَءِلَن نِنفٍ مِسَالِ رَ، عٍ قَ سّرّشّ بَ عَ بّ. عٍ نَشَ حّلّشِن نَ رَ، عٍ نَشَن يَءِلَنشِ عٍ بّلّشّيٍ رَ.»

42 «عَوَ، عَلَ نَشَ عَ كٌبٍ سٌ عٍ رَ، عَ نَشَ عٍ رَبٌلٌ، عٍ شَ تُنبُييٍ بَتُ، عَلْ عَ سّبّشِ نَمِحْنمّ شَ كِتَابُي كُي كِ نَشّ.

44 «عَلَ شَ هْرْ مْلِنفِرَ، عَ شَ سٍيدٍحْشْيَ سّبّلِ نَ دّننَشّ، نَ نُ نَ وٌن بٍنبَيٍ تَفِ فبٍنفبٍرٍنيِ مَ. عَلَ نُ بَرَ عَ مِسَالِ مَسٍن عَننَبِ مُنسَ بّ، عَ نَشَ عَ يَامَرِ عَ شَ عَ يَءِلَن نَ كِ. 45 وٌن بٍنبَيٍ تٌ هْرْ مْلِنفِرَ سْتْ، عٍ نَشَ عَ شَنِن بْشِ مَ عَلَ سِ فبّتّيٍ كٍرِ دّننَشّ، يٌسُوٍ شَ يَامَرِ بُن مَ. عَ نَشَ لُ نَا هَن دَوُدَ شَ وَشَتِ.»

46 «دَوُدَ نَشَن نَقَنشِ عَلَ مَ، نَ نَشَ عَ مَشْرِن عَ شَ لِنفِرَ تِ عَ تَن يَشُبَ مَرِفِ عَلَ بّ. 47 كْنْ سُلٍمَنِ نَن قَ نَ لِنفِرَ تِ عَلَ بّ. 48 كْنْ عَلَ شِلِ شُنفبٍ كَنيِ مُ سَبَتِمَ عَدَ مَ شَ بَنشِ تِشِ كُي. نَمِحْنمّ نَ نَن مَسٍنشِ،

51 «وٌ شَشِلِ نُن وٌ تُلِ شْرْشْ، وٌ سٌندٌنيِ مُ قَن. وٌ عَلَ شَشِلِ سّنِيّنشِ مَتَندِ مَ تّمُي بِرِن عَلْ وٌ بٍنبَيٍ عَ رَبَ كِ نَشّ. 52 وٌ بٍنبَيٍ نَمِحْنمّيٍ بِرِن حَشَنكَتَ نّ. عٍ نَمِحْنمّيٍ قَشَ نّ، نَشٍيٍ نُ عَلَ شَ تِنشِنتْي شَ قَقٍ قَلَمَ. يَكْسِ وٌ بَرَ نَ قَن قَشَ. 53 وٌ تَن نَشٍيٍ بَرَ عَلَ شَ سّرِيّ سْتْ مَلٍكّيٍ سَابُي رَ، وٌ مُ عَ رَبَتُشِ!»

54 عٍ تٌ يِ مَسٍنيِ مّ، عٍ نَشَ شْنْ هَن عٍ نُ عٍ حِنيِيٍ رَشِن. 55 كْنْ عَلَ شَشِلِ سّنِيّنشِ نَشَ فٌرٌ عٍتِيّن مَ. عٍتِيّن تٌ عَ يَ بَنبَن كٌورٍ مَ، عَ نَشَ عَلَ شَ دَرِيّ تٌ، عَ مَن نَشَ عِسَ تٌ عَ تِشِ عَلَ يِرٍقَنيِ مَ. 56 عَ نَشَ عَ مَسٍن، «ﭑ بَرَ كٌورٍ رَبِشِ تٌ، عَدَ مَ شَ دِ تِشِ عَلَ يِرٍقَنيِ مَ.» 57 حَمَ نَشَ سْنشْي رَتٍ، عٍ نَشَ عٍ تُلِ دّ سّ. عٍ بِرِن نَشَ بَفَن عَ مَ. 58 عٍ نَشَ مِنِ عَ بُبُ رَ سِفَقٍ رَ تَا قَرِ مَ، عٍ عَ مَفْنْ هَن عَ نَشَ قَشَ. سٍيدٍيٍ نَشَ عٍ شَ دٌنمَيٍ سَ سّفّتَلَ ندٍ سَن مَ، نَشَن شِلِ سْلُ. 59 عٍ نُ نَ عَ مَفْنْقٍ تّمُي نَشّ، عٍتِيّن نَشَ عَلَ مَشَندِ، «ﭑ مَرِفِ عِسَ، ﭑ نِي رَ سّنّ.» 60 نَ شَنبِ عَ نَشَ عَ شِنبِ سِن، عَ نَشَ عَ شُي عِتٍ، «ﭑ مَرِفِ، عِ نَشَ عٍ سُشُ يِ يُنُبِ مَ!» عَ فّ نَ قَلَدٍ تَن مُ عَ رَ، عَ نَشَ تَا مَسَرَ. سْلُ قَن نُ نَ عٍتِيّن قَشَقٍ كُي.