1 قِلِسِتَكَيٍ نَشَ عٍ شَ سْورِيٍ مَلَن فٍرٍ شِلِ مَ عٍقٍسِ دَ مِمِ، سٌكٌ نُن عَسٍكَ تَفِ يُدَيَ بْشِ مَ. 2 سْلُ نُن عِسِرَيِلَ شَ سْورِيٍ قَن نَشَ عٍ مَلَن، عٍ سَ يٌنكِن تٍرٍبِنتِ فُلُنبَ كُي قِلِسِتَكَيٍ يَ رَ. 3 قِلِسِتَكَيٍ نُ نَ فٍيَ يِرٍ سّيتِ كٍرٍن، عِسِرَيِلَكَيٍ قَن نُ نَ بٌورٍ سّيتِ، فُلُنبَ نَ عٍ تَفِ.

4 قِلِسِتَكَيٍ شَ سّنبّمَ ندٍ نَشَ مِنِ، نَشَن نُ شِلِ فٌلِيَتِ، عَ كُيَ مّتِرِ سَشَن. 5 سْورِ شُنيِ مَكَنتَسٍ نُ نَ عَ شُن نَ، نَشَن يَءِلَنشِ وُرٍ فبٍيلِ رَ. كَنكٍ مَكَنتَسٍ وُرٍ فبٍيلِ دَاشِ نُ نَ عَ مَ، نَشَن بِنيّ لَنشِ كِلٌ تٌنفٌ سٍننِ مَ. 6 سَنيِ مَكَنتَسٍ وُرٍ فبٍيلِ دَاشِ نُ نَ عَ سَنيِيٍ مَ، تَنبّ وُرٍ فبٍيلِ دَاشِ قَن نُ فبَكُشِ عَ قَرِ. 7 عَ شَ تَنبّ نُ يَءِلَنشِ وُرِ كُيٍ رَ نَشَن شُنفبٌ عَلْ مَبْي شَ وُرِ، دُفِ مَسْشْ سٍ. عَ شَ تَنبّ حْي نُ يَءِلَنشِ وُرٍ رَ، عَ شَ بِنيّ كِلٌ سٌلٌقٍرٍ. عَ شَ مَكَنتَسٍ شُنفبٍ نُ نَ مِشِ ندٍ يِ رَ نَشَن نُ تِشِ عَ يَ رَ.

8 فٌلِيَتِ نَشَ تِ عِسِرَيِلَ شَ سْورِيٍ يَ رَ، عَ عَ قَلَ عٍ بّ عَ شُي عِتٍشِ رَ، «مُنقٍ رَ وٌ تِشِ فٍرٍ كِ مَ؟ قِلِسِتَكَ نَن ﭑ نَ، سْلُ شَ كٌنيِيٍ نَن وٌ تَن نَ. وٌ مِشِ كٍرٍن سُفَندِ وٌ يَ مَ، عَ شَ قَ، مُشُ قِرِن شَ فٍرٍ. 9 شَ عَ نْ ﭑ نَ، مُشُ قِندِ وٌ شَ كٌنيِيٍ رَ، مُشُ شَ وَلِ وٌ بّ. كْنْ شَ ﭑ تَن نْ عَ رَ، وٌ قَن قِندِ مُشُ شَ كٌنيِيٍ رَ، وٌ شَ وَلِ مُشُ بّ.» 10 نَ قِلِسِتَكَ نَشَ عَ قَلَ، «تٌ ﭑ بَرَ يِ فٍرٍ مْولِ تِ وٌ بّ. وٌ مِشِ كٍرٍن سُفَندِ، مُشُ شَ قَ فٍرٍ.» 11 سْلُ نُن عِسِرَيِلَ شَ سْورِيٍ تٌ نَ مَسٍنيِ مّ، عٍ نَشَ فَاشُ كِ قَنيِ رَ.

12 دَوُدَ بَبَ قِندِشِ يِسَيِ عٍقِرَ مِكَ نَن نَ، نَشَن نُ نَ بّتّلّيمُ يُدَ بْنسْي شَ بْشِ مَ. دِ شّمّ سٌلٌمَسَشَن نَن نُ نَ عَ يِ رَ. سْلُ شَ وَشَتِ، عَ نُ بَرَ قٌرِ. 13 يِسَيِ شَ دِ سَشَن سِنفٍيٍ نُ بِرَشِ سْلُ قْشْ رَ فٍرٍ كُي. عٍ شِلِيٍ نَن يَ؛ دِ سِنفٍ عٍلِيَبِ، دِ قِرِن ندٍ عَبِنَدَبٌ، دِ سَشَن ندٍ سَنمَ. 14 دَوُدَ نَن نُ نَ عٍ بِرِن شَنبِرَتٌي رَ. نَ نَن عَ رَ، دَوُدَ تَارَ سَشَنيِيٍ تٌ سِفَ سْلُ يِرٍ فٍرٍ شَ قٍ رَ، 15 دَوُدَ نُ لُمَ سِفَ رَ سْلُ يِرٍ، عَ مَن نُ قَ فبِلٍن عَ بَبَ يِسَيِ شْنيِ شُرُ سٍيٍ دّ مَدٌنقٍ رَ بّتّلّيمُ. 16 شِ تٌنفٌ نَانِ بُن مَ، نَ قِلِسِتَكَ نُ مِنِمَ نّ عِسِرَيِلَكَيٍ يَ عِ فّيسّفّ نُن نُنمَرٍ.

17 نَ تّمُي يِسَيِ نَشَ عَ قَلَ دَوُدَ بّ، «يِ دٌنسٍ مَفِلِنشِ نُن يِ تَامِ قُ شَنِن مَقُرٍن عِ تَارَيٍ شْن مَ، عٍ يٌنكِنمَ دّننَشّ. 18 عِ شَ يِ شِحّ شُتِ قُ قَن شَنِن عٍ شَ يَرٍرَتِ شْن مَ. عِ تَارَيٍ شُن مَتٌ عَ رَ، عِ شَ قَ ﭑ كُنقَ بَ. 19 عٍ نَ سْلُ نُن عِسِرَيِلَ شَ سْورِ بِرِن قْشْ رَ تٍرٍبِنتِ فُلُنبَ كُي، قِلِسِتَكَيٍ فٍرٍقٍ رَ.»

20 دَوُدَ نَشَ كُرُن سُبَشّ مَ. عَ تٌ شُرُ سٍيٍ تَشُ مِشِ ندٍ رَ، عَ نَشَ عَ شَ كٌتٍ تٌنفٌ، عَ سِفَ عَ بَبَ شَ يَامَرِ رَ. عَ تٌ سٌ عِسِرَيِلَ يٌنكِندٍ، عَ عَ لِ نّ سْورِيٍ نُ نَ مِنِقٍ فٍرٍ شِلِ مَ عٍ شُي عِتٍشِ رَ. 21 عِسِرَيِلَكَيٍ نُن قِلِسِتَكَيٍ نُ تِشِ فٍرٍ كِ مَ عٍ بٌورٍ يَ عِ. 22 دَوُدَ نَشَ عَ شَ كٌتٍ لُ كٌتٍ كَنتّ يِ رَ، عَ قَ عَ فِ عَ سِفَ سْورِيٍ يِرٍ. عَ قّقّ سٌ، عَ نَشَ عَ تَارَيٍ شّيبُ. 23 عٍ نُ وْيّنقٍ تّمُي نَشّ، قِلِسِتَكَيٍ شَ سّنبّمَ نَشَ مِنِ. فَدِكَ نَن نُ عَ رَ، نَشَن نُ شِلِ فٌلِيَتِ. عَ نَشَ عَ شَ مَسٍنيِ كٍرٍنيِ تِ دَوُدَ يَ شْرِ. 24 عِسِرَيِلَكَيٍ تٌ نَ سّنبّمَ تٌ، عٍ نَشَ عٍ مَفبِلٍن عٍ شَنبِ شَنبِ مَ فَاشُي بّ. 25 عٍ نُ عَ قَلَ عٍ بٌورٍ بّ، «وٌ بَرَ عَ تٌ مِنِ رَ؟ عَ قَشِ عِسِرَيِلَ نَن تُن مَبٍرٍدٍ. شَ عِسِرَيِلَكَ ندٍ سَ نْ يِ قَشَدٍ، سْلُ نَاقُلِ فبٍفبٍ نَن قِمَ نَ كَنيِ مَ، عَ عَ شَ دِ فِنّ قَن قِ عَ مَ، عَ مَن دُوتِ قٍ بَمَ نّ عَ شَ دٍنبَيَ شُن مَ عِسِرَيِلَ بْشِ مَ.»

26 دَوُدَ نَشَ مِشِ ندٍيٍ مَشْرِن عَ قّ مَ، «نَشَن نَ يِ قِلِسِتَكَ قَشَ عَ قَ يَافِ بَ عِسِرَيِلَ مَ، مُنسٍ رَبَمَ نَ كَنيِ بّ؟ ثٍ، ندٍ نَ يِ قِلِسِتَكَ فَانتَرٍ رَ، نَشَن نَ عَلَ كِسِ كَنيِ شَ سْورِيٍ مَبٍرٍقٍ؟» 27 حَمَ نَشَ عَ يَابِ، عٍ قٍ قَلَ عَ بّ نَشَن نَبَمَ مِشِ بّ نَشَن نَ قِلِسِتَكَ قَشَمَ. 28 دَوُدَ تَارَ عٍلِيَبِ تٌ نَ وْيّنيِ مّ، عَ نَشَ شْنْ عَ شُنيَ مَ. عَ نَشَ عَ قَلَ عَ بّ، «مُنسٍ عِ رَقَشِ بٍ؟ عِ شُرُ سٍيٍ لُشِ ندٍ يِ رَ فبٍنفبٍرٍنيِ مَ؟ ﭑ عِ كٌلٌن عَ قَنيِ رَ. يّتّ عِفبٌي نَن عِ رَ، عِ تَن قُيَنتٍ. عِ قَشِ سُنبُدٍ فٍرٍ نَن نَ؟» 29 دَوُدَ نَشَ عَ قَلَ، «ﭑ مُنسٍ رَبَشِ؟ ﭑ مُ مَشْرِنيِ شَ تُن تِشِ؟» 30 نَ كُي عَ نَشَ عَ كٌبٍ سٌ عَ تَارَ رَ، عَ مَن نَشَ مِشِ فبّتّ مَشْرِن نَ قٍ مَ. عٍ قَن نَشَ نَ يَابِ كٍرٍنيِ قَلَ عَ بّ.

31 نَ مِشِيٍ تٌ دَوُدَ شَ مَسٍنيِ قَلَ سْلُ بّ، سْلُ نَشَ عَ شِلِ. 32 دَوُدَ نَشَ عَ قَلَ سْلُ بّ، «مِشِ يٌ نَشَ فَاشُ يِ قِلِسِتَكَ يَ رَ. ﭑ تَن يَتِ، عِ شَ كٌنيِ، ﭑ عَ فٍرٍ مَ نّ.» 33 سْلُ نَشَ عَ يَابِ، «عِ مُ نْمَ يِ قِلِسِتَكَ فٍرٍدٍ. دِ مّدِ نَن عِ رَ. عَ تَن بَرَ مْ فٍرٍ قٍ كُي كَبِ عَ قٌنِكٍ تّمُي.» 34 دَوُدَ نَشَ عَ قَلَ سْلُ بّ، «ﭑ تَن عِ شَ كٌنيِ، ﭑ تَن نَن ﭑ بَبَ شَ شُرُ سٍيٍ دّ مَدٌنمَ رَ. وُلَ سُبٍ عَلْ يّتّ نَ قَ ﭑ مَ شُرُ سٍ ندٍ سُشُدٍ، 35 ﭑ عَ كٍرِ مَ نّ، ﭑ عَ بْنبْ هَن ﭑ نَ شُرُ سٍ بَ عَ دّ عِ. شَ عَ عَ يَ رَقِندِ ﭑ مَ، ﭑ عَ سُشُمَ عَ كْن شَبٍ نَن مَ، ﭑ عَ قَشَ. 36 عِ شَ كٌنيِ تٌ قَتَ يّتّ نُن وُلَءِ سُبٍ بْنبْدٍ نَ كِ، ﭑ نَ مْولِ قَن نَبَمَ نّ يِ قِلِسِتَكَ سُننَتَرٍ رَ، بَرِ مَ عَ عَلَ كِسِ كَنيِ شَ سْورِيٍ مَبٍرٍ مَ.» 37 دَوُدَ مَن نَشَ عَ قَلَ، «عَلَتَلَ نَشَن ﭑ نَتَنفَ يّتّ نُن وُلَءِ سُبٍ مَ، عَ قَمَ ﭑ نَتَنفَدٍ يِ قِلِسِتَكَ قَن مَ.» نَ كُي، سْلُ نَشَ عَ يَابِ، «سِفَ، عَلَتَلَ شَ لُ عِ سّيتِ مَ.»

38 سْلُ نَشَ عَ شَ مَكَنتَ سٍيٍ رَفٌرٌ دَوُدَ مَ، عَ شَ سْورِ شُنيِ مَكَنتَسٍ وُرٍ فبٍيلِ دَاشِ، عَ نُن عَ كَنكٍ مَكَنتَسٍ. 39 دَوُدَ نَشَ سْلُ شَ سَنتِدّفّمَ رَفٌرٌ عَ تّي كُي، نَشَن نُ شِرِشِ عَ تَفِ، كْنْ عَ قّقّ حّرّ قْلْ عَ مُ نْ، بَرِ مَ عَ مُ دَرِشِ نَ مْولِ رَ. نَ كُي عَ نَشَ عَ قَلَ سْلُ بّ، «ﭑ مُ نْمَ سِفَدٍ يِ كَنتَ سٍيٍ رَ ﭑ مَ، بَرِ مَ ﭑ مُ دَرِشِ عَ رَ.» دَوُدَ نَشَ نَ كَنتَ سٍيٍ بِرِن بَ عَ مَ. 40 عَ نَشَ عَ شَ يِسُشُوُرِ تٌنفٌ، عَ فّمّ مَنْشُنشِ سُولِ قٍن قٌلٍ كُي، عَ عٍ سَ عَ شَ فبْنقْي كُي. عَ نَشَ سِفَ نَ قِلِسِتَكَ شِلِ مَ، عَ شَ لَاتِ سُشُشِ عَ يِ رَ.

41 قِلِسِتَكَ نَشَ عَ مَكْرّ دَوُدَ رَ، عَ شَ كَنكٍ مَكَنتَسٍ شُنفبٍ شَنِنمَ تِشِ عَ يَ رَ. 42 عَ تٌ دَوُدَ تٌ، عَ قٌنِكٍ تٌقَنيِ نَ عَ رَ، عَ نَشَ يٌ عَ مَ. 43 قِلِسِتَكَ نَشَ عَ قَلَ دَوُدَ بّ، «ثٍ، بَرٍ نَن ﭑ نَ، عِ تٌ قَمَ ﭑ فٍرٍدٍ وُرِ رَ؟» عَ نَشَ دَوُدَ دَنكَ عَ شَ عَلَيٍ شِلِ رَ، 44 عَ قَ عَ قَلَ عَ بّ، «قَ بٍ، ﭑ عِ سُبٍ سٌمَ شْنِيٍ يِ رَ نَشٍيٍ حّرّ مَ كٌورٍ مَ، عَ نُن سُبٍيٍ نَشٍيٍ نَ وُلَ عِ.»

45 دَوُدَ نَشَ عَ يَابِ، «عِ تَن قَقٍ ﭑ فٍرٍدٍ سَنتِدّفّمَ نُن تَنبّ مْولِ قِرِن نَن نَ. ﭑ تَن عِ فٍرٍ مَ عِسِرَيِلَ شَ سْورِيٍ مَرِفِ عَلَتَلَ نَن شِلِ رَ، عِ نَشَن مَبٍرٍ مَ. 46 تٌ عَلَتَلَ عِ سَمَ نّ ﭑ بّلّشّ. ﭑ عِ بْنبْمَ نّ، ﭑ عِ شُنيِ بٌلٌن، ﭑ قِلِسِتَكَيٍ بِنبِ قِمَ نّ شْنِيٍ نُن سُبٍ شَاحّيٍ مَ. نَ تّمُي، دُنِحَ بِرِن عَ كٌلٌنمَ نّ عَ عَلَ نَ عِسِرَيِلَ قْشْ رَ. 47 يِ حَمَ بِرِن قَمَ عَ كٌلٌندٍ عَ عَلَتَلَ مُ مِشِ رَكِسِمَ سَنتِدّفّمَ نُن تَنبّ سَابُي رَ. مِشِ كِسِمَ عَلَتَلَ نَن سَابُي رَ، نَشَن وٌ سَمَ مُشُ بّلّشّ.»

48 قِلِسِتَكَ تٌ سِفَ قْلْ دَوُدَ مَ، دَوُدَ نَشَ عَ فِ كٍرٍن نَ عٍ نُن قِلِسِتَكَ شَ نَرَلَن. 49 عَ نَشَ عَ بّلّشّ رَفٌرٌ عَ شَ فبْنقْي كُي، عَ فّمّ كٍرٍن تٌنفٌ، عَ وٌلِ عَ شَ لَاتِ رَ. فّمّ نَشَ نَ قِلِسِتَكَ فْنْ عَ تِفِ مَ، عَ عَ شُن كٌنكٌتَ بْو. عَ نَشَ بِرَ عَ يَتَفِ مَ بْشِ. 50 دَوُدَ سّنبّ فبٌ قِلِسِتَكَ بّ نَ كِ نّ، عَ عَ قَشَ لَاتِ نُن فّمّ كٍرٍن ثٍتِ رَ سَنتِدّفّمَ شَنبِ. 51 دَوُدَ نَشَ عَ فِ عَ سِفَ نَ قِلِسِتَكَ سَشِ دّننَشّ، عَ قِلِسِتَكَ شَ سَنتِدّفّمَ بَ عَ تّي عِ، عَ عَ قَشَ عَ رَ، عَ عَ شُنيِ بٌلٌن عَ دّ عِ.

قِلِسِتَكَيٍ تٌ عَ تٌ عٍ شَ سّنبّمَ بَرَ قَشَ، عٍ نَشَ عٍ فِ. 52 عِسِرَيِلَكَيٍ نُن يُدَكَيٍ نَشَ عٍ شُي رَ مِنِ، عٍ قَ قِلِسِتَكَيٍ كٍرِ فُلُنبَ قْلّ، هَن عٍكِرٌن تَا نَادّ رَ. قِلِسِتَكَ بِنبِيٍ نُ سَشِ كِرَ شْن كٍلِقٍ سَارَيِمِ هَن فَتِ نُن عٍكِرٌن. 53 عِسِرَيِلَكَيٍ تٌ فّ قِلِسِتَكَيٍ كٍرِدٍ كِرَ شْن مَ، عٍ نَشَ فبِلٍن نٍيٍ يٌنكِندٍ، عٍ عٍ شَ سٍيٍ شَنِن. 54 دَوُدَ نَشَ نَ قِلِسِتَكَ شُنيِ شَنِن دَرِ سَلَمُ، عَ عَ شَ فٍرٍ سٌسٍ رَفَتَ عَ يّتّ شَ كِرِ بَنشِ كُي.

55 سْلُ تٌ دَوُدَ تٌ سِفَقٍ رَ نَ قِلِسِتَكَ فٍرٍدٍ، عَ نَشَ عَ شَ سْورِ مَنفّ عَبٍنٍرِ مَشْرِن، «ندٍ شَ دِ نَ يِ سّفّتَلَ رَ؟» عَبٍنٍرِ نَشَ عَ يَابِ، «مَنفّ، ﭑ مُ نَ كٌلٌن قٍوٌ.» 56 مَنفّ نَشَ عَ يَمَرِ، «عِ شَ عَ كٌلٌن نَشَن شَ دِ نَ يِ سّفّتَلَ رَ.» 57 دَوُدَ تٌ فبِلٍن كٍلِقٍ نَ قِلِسِتَكَ قَشَدٍ، عَبٍنٍرِ نَشَ عَ شَنِن سْلُ يِرٍ. قِلِسِتَكَ شُنيِ نُ سُشُشِ دَوُدَ بّلّشّ. 58 سْلُ نَشَ عَ قَلَ عَ بّ، «ﭑ مَ دِ، ندٍ نَ عِ بَبَ رَ؟» دَوُدَ نَشَ عَ يَابِ، «عِ شَ كٌنيِ يِسَيِ بّتّلّيمُكَ شَ دِ نَن ﭑ نَ.»