1 لْشْي ندٍ، سْلُ شَ دِ يٌنَتَن نَشَ عَ قَلَ عَ شَ كٌنيِ بّ، نَشَن نُ عَ شَ فٍرٍ سٌسٍيٍ مَشَنِنمَ، «وٌن شَ بٍ عِفِرِ، وٌن شّي قِلِسِتَكَيٍ يٌنكِندٍ.» عَ مُ سٍسٍ قَلَ عَ بَبَ بّ نَ شَ قٍ رَ. 2 سْلُ نُ نَ فِبٍيَ نَانِنيِ مِفِرٌن وُرِ ندٍ بُن مَ نَشَن شِلِ «فِرٍنَدِ.» شّمّ كّمّ سٍننِ نُ نَ عَ يِ رَ. 3 عَلَتَلَ شَ سّرّشّدُبّ ندٍ نُ نَ عَ قّ مَ، نَشَن شِلِ عَهِيَ، عَشِتُبَ شَ دِ شّمّ، عِكَبٌدِ شَ نّيفَارِ. عَلَتَلَ شَ سّرّشّدُبّ، عٍلِ شَ دِ شّمّ قِنٍشَسِ نَن شَ دِ شّمّ نُ نَ عِكَبٌدِ رَ. مِشِ يٌ مُ نُ عَ كٌلٌن عَ يٌنَتَن بَرَ سِفَ قِلِسِتَكَيٍ يِرٍ.

4 يٌنَتَن نَشَ دَنفِ قَنيٍ قِرِن تَفِ. كٍرٍن نُ شِلِ نّ بْسّسِ، بٌورٍ قَن نُ شِلِ نّ سٍنٍ. 5 كٍرٍن نُ نَ كْولَ مَ مِكِمَسِ يَ تَفِ، بٌورٍ نُ نَ يِرٍقَنيِ مَ فٍبَ يَ تَفِ.

6 يٌنَتَن نَشَ عَ قَلَ عَ شَ كٌنيِ بّ، نَشَن نُ عَ شَ فٍرٍ سٌسٍ مَشَنِنمَ، «وٌن شّي يِ سُننَتَرٍيٍ يِرٍ. تّمُندٍ عَلَتَلَ قٍ ندٍ رَبَمَ وٌن سَابُي رَ، بَرِ مَ عَلَتَلَ نْمَ مَرَكِسِ رَبَدٍ مِشِ شُرُدِ سَابُي رَ، شَ نَ مُ مِشِ وُيَشِ سَابُي رَ.» 7 عَ شَ كٌنيِ نَشَ عَ يَابِ، «عِ وَشْنقٍ بِرِن نَبَ، هَلِ عِ مُ سِيكّ، وٌن بِرِن نَ شَشِلِ كٍرٍن.» 8 يٌنَتَن نَشَ عَ قَلَ عَ بّ، «وٌن شّي هَن نَ مِشِيٍ شَ وٌن تٌ. 9 شَ عٍ عَ قَلَ ‹وٌ تِ مّننِ، مُشُ قَمَ يَ›، وٌن تِمَ مّننِ نّ، وٌن مُ تٍمَ عٍ يِرٍ. 10 كْنْ شَ عٍ عَ قَلَ، ‹وٌ قَ بٍ›، وٌن تٍمَ نّ، بَرِ مَ عَلَتَلَ بَرَ عٍ سَ وٌن بّلّشّ. نَ نَن قِندِ مَ وٌن بّ تْنشُمَ رَ.»

11 عٍ تٌ مِنِ قِلِسِتَكَيٍ مَ، نٍيٍ نَشَ عَ قَلَ، «عِسِرَيِلَكَيٍ نَن يِ كِ. عٍ نَ مِنِقٍ قْنمّ كُي، عٍ نُ عٍ نْشُنشِ دّننَشّ.» 12 قِلِسِتَكَ نَشٍيٍ يٌنكِنشِ مّننِ، عٍ نَشَ عَ قَلَ يٌنَتَن نُن عَ شَ كٌنيِ بّ، «وٌ قَ بٍ، مُشُ شَ قٍ ندٍ قَلَ وٌ بّ.» يٌنَتَن نَشَ عَ قَلَ عَ شَ كٌنيِ بّ، نَشَن نُ عَ شَ فٍرٍ سٌسٍيٍ شَنِنمَ، «عِ شَ تٍ ﭑ قْشْ رَ، بَرِ مَ عَلَتَلَ بَرَ يِ مِشِيٍ سَ عِسِرَيِلَكَيٍ بّلّشّ.» 13 يٌنَتَن نَشَ تٍ عَ وُلُمٍن نَ، عَ شَ كٌنيِ نَ عَ شَنبِ رَ. يٌنَتَن نُن عَ شَ كٌنيِ نَشَ نَ قِلِسِتَكَيٍ قَشَ. 14 نَ فٍرٍ كُي يٌنَتَن نُن عَ شَ كٌنيِ نَشَ مِشِ مْشْحّن نُن ندٍ قَشَ نَ يِرٍ رَشّتّنشِ. 15 قِلِسِتَكَيٍ بْحّ نَشَ مِنِ يٌنكِندٍ كُي، فَاشُي قَ حَمَ سُشُ نَ لٌنفٌرِ بِرِن. بْشِ يَتِ نَشَ سّرّن. عَلَتَلَ نُ بَرَ عَ رَفَاشُ عَ حَاشِ رَ.

16 سْلُ شَ يِرٍ مَكَنتّيٍ، نَشٍيٍ نُ نَ فِبٍيَ، بُنيَمِن بْنسْي شَ بْشِ مَ، نٍيٍ نَشَ قِلِسِتَكَيٍ تٌ عٍ يٍنسٍنقٍ فِ كُي. 17 سْلُ نَشَ عَ قَلَ سْورِيٍ بّ، «وٌ كْنتِ تِ، وٌن شَ عَ كٌلٌن نَشَن مِنِشِ وٌن يَ مَ.» عٍ تٌ كْنتِ تِ عٍ نَشَ عَ تٌ عَ يٌنَتَن نُن عَ شَ كٌنيِ مُ نَ حَمَ يَ مَ. 18 عَلَتَلَ شَ سَاتّ كَنكِرَ تٌ نُ نَ عِسِرَيِلَكَيٍ يٌنكِندٍ كُي، سْلُ نَشَ عَ قَلَ عَهِيَ بّ، «قَ عَلَتَلَ شَ سَاتّ كَنكِرَ رَ.» 19 سْلُ نُ وْيّنمَ سّرّشّدُبّ رَ تّمُي نَشّ، فٍرٍ سْنشْ شُي قَن نُ فبٌمَ نَن تُي قِلِسِتَكَيٍ يٌنكِندٍ. نَ كُي سْلُ نَشَ عَ قَلَ سّرّشّدُبّ بّ، «هَلِ عِ مُ عَلَ مَشَندِ كْرّ.» 20 سْلُ نَشَ عَ شَ سْورِيٍ شِلِ، عٍ قَ سِفَ فٍرٍ يِرٍ. مّننِ عٍ نَشَ عَ تٌ قِلِسِتَكَيٍ نُ نَ عٍ بٌورٍ سْشْقٍ سَنتِدّفّمَ رَ حَشَسِ دَاشِ. 21 عِسِرَيِلَكَ ندٍيٍ، نَشٍيٍ نُ نَ قِلِسِتَكَيٍ شَ نْي بُن مَ، نٍيٍ نَشَ قَ سْلُ نُن يٌنَتَن مَبِرِ. 22 عِسِرَيِلَكَ نَشٍيٍ نُ بَرَ عٍ نْشُن عٍقِرَ مِ فٍيَ لٌنفٌرِ رَ، عٍ بِرِن نَشَ مِنِ قِلِسِتَكَيٍ فٍرٍدٍ عٍ فِ تّمُي. 23 نَ لْشْي، عَلَتَلَ عِسِرَيِلَ رَكِسِ نّ. فٍرٍ نَشَ لَنتَن يّ هَن بٍتِ عَوٍنِ.

24 عِسِرَيِلَكَيٍ نُ نَ تْورّ ندٍ كُي نَ لْشْي، بَرِ مَ سْلُ نُ بَرَ عَ كَلِ حَمَ بّ، «دَنكّ نَ مِشِ بّ، نَشَن عَ دّفٍمَ بٍينُن ﭑ شَ ﭑ فبٍ حْشْ ﭑ يَشُييٍ مَ.» نَ كُي، مِشِ يٌ مُ دٌنسٍ دٌن نَ لْشْي. 25 حَمَ شَ حّرّ كُي، عٍ نَشَ كُمِ لِ قْتْنيِ ندٍ كُي، 26 كْنْ مِشِ يٌ مُ عَ نّمُننّمُن سْلُ شَ مَرَكَلِ شَ قٍ رَ. 27 يٌنَتَن تٌ نَ يِرٍ لِ، عَ قَ كُمِ تٌ، عَ نَشَ عَ شَ يِسُشُوُرِ رَ سِن كُمِ كُي، عَ عَ مَكْن. عَ يَ نَشَ عِيَلَن كٍرٍن نَ. عَ مُ نُ عَ بَبَ شَ مَرَكَلِ مّشِ. 28 مِشِ ندٍ نَشَ عَ قَلَ عَ بّ، «عِ بَبَ بَرَ حَمَ رَكَلِ عَ قَلَقٍ رَ، ‹دَنكّ نَ مِشِ بّ نَشَن عَ دّفٍمَ تٌ.› نَ نَن عَ تٌشِ حَمَ نَ تْورّ كُي يِ كِ.» 29 يٌنَتَن نَشَ عَ يَابِ، «ﭑ بَبَ نَ حَمَ تْورْقٍ نّ نَ كِ. وٌ عَ مَتٌ ﭑ يَ عِيَلَنشِ كِ نَشّ، ﭑ تٌ يِ كُمِ كْنشِ. 30 شَ وٌن مَ سْورِ فَلِ وٌن يَشُييٍ شَ دٌنسٍ ندٍ دٌن تٌ نُ، ندٍ حَن بَرَ سَ قِلِسِتَكَيٍ شَ شُننَكَنّ قَرِ نُ.»

31 نَ لْشْي عٍ نَشَ قِلِسِتَكَيٍ بْنبْ، كٍلِقٍ مِكِمَسِ مَ، هَن عَيَلٌن. حَمَ نُ بَرَ تَفَن كِ قَنيِ رَ. 32 عٍ نَشَ دِن عٍ يَشُييٍ شَ سٍيٍ رَ. عٍ نَشَ يّشّييٍ، سِيٍ، نُن نِنفٍيٍ كْن نَشَبَ كٍرٍن نَ، عٍ قَ عٍ دٌن عَ نُن عٍ وُلِ رَ. 33 مِشِ ندٍيٍ تٌ عَ قَلَ سْلُ بّ، عَ عَ شَ سْورِيٍ نَ يُنُبِ سْتْقٍ عَلَتَلَ رَ سُبٍ دٌنقٍ عَ وُلِ رَ، سْلُ نَشَ عَ قَلَ حَمَ شَ قٍ رَ، «يَنقَنتٍ نَن عٍ رَ. وٌ قَ فّمّ شُنفبٍ رَ بٍ. 34 وٌ يٍنسٍن حَمَ تَفِ، وٌ عَ قَلَ عٍ بّ، مِشِ بِرِن شَ قَ عَ شَ نِنفٍ رَ، عَ شَ يّشّي، شَ نَ مُ عَ رَ عَ شَ سِ. عٍ شَ عَ قَشَ بٍ. نَ كُي، عٍ نْمَ عَ دٌندٍ، عٍ مُ يُنُبِ سْتْ عَلَتَلَ رَ سُبٍ دٌنقٍ عَ وُلِ رَ.» كْي رَ، مِشِيٍ بِرِن نَشَ سِفَ مّننِ عٍ شَ شُرُ سٍ رَ، عٍ شَ عَ كْن نَشَبَ نَا. 35 سْلُ سّرّشّبَدٍ سِنفٍ تِ نّ عَلَتَلَ بّ مّننِ.

36 نَ تّمُي سْلُ نَشَ عَ قَلَ، «وٌن شَ بِرَ نَ قِلِسِتَكَيٍ قْشْ رَ تٌ كْي رَ يَتِ. وٌن شَ عٍ تُشُنسَن هَن سُبَشّ، وٌن نَشَ مِشِ كٍرٍن لُ نَ.» سْورِيٍ نَشَ عَ يَابِ، «وٌن شَ عَ رَبَ عَلْ عِ وَ مَ عَ شْن مَ كِ نَشّ.» سّرّشّدُبّ نَشَ عَ قَلَ، «وٌن شَ عَلَ مَشْرِن سِندٍن.»

37 نَ كُي سْلُ نَشَ عَلَ مَشْرِن، «عَ لَنمَ ﭑ شَ بِرَ قِلِسِتَكَيٍ قْشْ رَ؟ عِ تَن عٍ سَمَ نّ عِسِرَيِلَ بّلّشّ؟» كْنْ نَ لْشْي، عَلَ مُ عَ يَابِ. 38 سْلُ نَشَ عَ شَ سْورِ فَلِ شُنيِيٍ شِلِ، عَ عَ قَلَ عٍ بّ، «وٌ شَ عَ مَتٌ يُنُبِ نَشَن نَبَشِ تٌ. 39 ﭑ بَرَ ﭑ كَلِ عِسِرَيِلَ رَكِسِمَ عَلَتَلَ رَ، هَلِ ﭑ مَ دِ يٌنَتَن نَن عَ رَبَشِ، ﭑ نَ عَ قَشَمَ نّ.» حَمَ بِرِن يَ مَ، مِشِ يٌ مُ عَ يَابِ. 40 عَ نَشَ عَ قَلَ عِسِرَيِلَ حَمَ بّ، «وٌ تِ مّننِ، ﭑ تَن نُن ﭑ مَ دِ يٌنَتَن، مُشُ تِمَ بٍبِرِ.» حَمَ نَشَ عَ يَابِ، «عِ وَشْنيِ رَبَ.» 41 نَ تّمُي سْلُ نَشَ عَلَتَلَ مَشَندِ، «عِسِرَيِلَ مَرِفِ عَلَ، كِيتِ سَ مُشُ تَفِ.» عَلَتَلَ نَشَ عَ مَسٍن عَ كِيتِ قَنشِ حَمَ نَن بّ، عَ مُ قَنشِ سْلُ نُن يٌنَتَن بّ. 42 سْلُ مَن نَشَ عَلَتَلَ مَشَندِ كِيتِ شَ سَ عَ تَن نُن يٌنَتَن تَفِ. نَ كُي كِيتِ مُ قَنشِ يٌنَتَن بّ.

43 سْلُ نَشَ عَ شَ دِ يٌنَتَن مَشْرِن، «عِ مُنسٍ رَبَشِ؟» يٌنَتَن نَشَ عَ يَابِ، «ﭑ كُمِ ندٍ نَن كْن، ﭑ نَشَن تٌنفٌ ﭑ مَ يِسُشُوُرِ رَ. ﭑ تَن نَن يِ كِ، عِ شَ ﭑ قَشَ.» 44 سْلُ نَشَ عَ قَلَ، «عِ نْندِ. يٌنَتَن، عِ شَ قَشَ. شَ ﭑ مُ عِ قَشَ، عَلَ شَ ﭑ حَشَنكَتَ عَ حَاشِ رَ.» 45 كْنْ سْورِ فَلِ نَشَ عَ قَلَ سْلُ بّ، «عَ لَنمَ يٌنَتَن شَ قَشَ، نَشَن فٍينِ سْتْ عِسِرَيِلَ بّ سّنبّ رَ؟ عَستْقُلَهِ. مُشُ بَرَ مُشُ كَلِ عَلَتَلَ رَ، هَلِ شُنسّشّ كٍرٍن عَ مُ بَمَ عَ شُنيِ رَ، بَرِ مَ يٌنَتَن وَلِشِ تٌ عَلَ شَ مَلِ سَابُي نَن نَ.» عٍ يٌنَتَن رَتَنفَ سْلُ مَ نَ كِ نّ. 46 سْلُ تٌ فّ قِلِسِتَكَيٍ كٍرِدٍ وَشَتِ ندٍ بُن مَ، عَ نَشَ فبِلٍن عَ شْنيِ. قِلِسِتَكَ نَشٍيٍ لُشِ، عٍ قَن نَشَ سِفَ عٍ شْنيِ.

47 سْلُ تٌ قِندِ عِسِرَيِلَ مَنفّ رَ، عَ نَشَ فٍرٍ تِ عَ يَشُييٍ بِرِن بّ؛ مٌوَبَكَيٍ، عَمٌنِكَيٍ، عٍدٌنكَيٍ، سٌبَ مَنفّيٍ، نُن قِلِسِتَكَيٍ. 48 عَ نَشَ عَمَلّكِكَيٍ بْنبْ سّنبّ رَ، عَ عِسِرَيِلَ بَ مِشِيٍ بّلّشّ نَشٍيٍ نُ عٍ شَ بْشِ تُشُنسَنمَ.

49 سْلُ شَ دِ شّمّيٍ نُ شِلِ نّ؛ يٌنَتَن، يِسِوِ، نُن مَلَكِسُوَ. عَ شَ دِ فِنّيٍ نُ شِلِ نّ؛ مٍرَبِ، نُن عَ شَنبِرَتٌي مِكَلِ. 50 سْلُ شَ فِنّ نُ شِلِ نّ عَشِنٌوَ مَ، عَشِمَاسِ شَ دِ. عَ شَ سْورِ فَلِ مَنفّ نُ قِندِ عَبٍنٍرِ نَن نَ، سْلُ سْشْ نٍرِ شَ دِ. 51 سْلُ بَبَ كِنسِ نُن عَبٍنٍرِ بَبَ نٍرِ نَن لَنشِ عَبِيّلِ شَ دِيٍ مَ. 52 سْلُ نُ قِلِسِتَكَ فٍرٍ مَ عَ شَ سِمَيَ بِرِن كُي. سْلُ نُ فبَنفبَلَنيِ سّنبّمَيٍ بِرِن نَسٌ نّ عَ شَ سْورِيٍ يَ مَ.