1 ﭑ بَرَ عَ مّ عَ قٍ حَاشِ مْولِ ندٍ نَ وٌ يَ مَ، نَشَن مُ تٌمَ هَلِ كَاقِرِيٍ يَ مَ. عَ شّمّ ندٍ لُمَ عَ بَبَ شَ فِنّ كٌلٌن نَ فِنّ رَ. 2 عَ نُ لَن نّ يِ قٍ شَ وٌ بْحّ تْورْ، وٌ قَ نَ كَنيِ رَ مِنِ وٌ تَفِ، كْنْ وٌ نَ وٌ يّتّ عِفبٌقٍ تُن. 3 هَلِ ﭑ تَن مُ نَ وٌ يِرٍ، ﭑ شَشِلِ تَن نَ وٌ تَفِ. ﭑ حَن بَرَ نَ كَنيِ مَكِيتِ 4 مَرِفِ عِسَ شِلِ نُن عَ سّنبّ رَ. ﭑ نَ وٌ شَنبِ رَ. 5 يِ مِشِ مْولِ شَ سٌ سٍنتَنّ يِ رَ، نَ قٍ حَاشِ شُن شَ رَكَنَ يَكْسِ، عَلَكٌ نَ كَنيِ نِي شَ كِسِ مَرِفِ شَ لْشْي.

6 يّتّ عِفبٌقٍ مُ قَن. وٌ مُ عَ كٌلٌن لّبِنِ سِيَدِ قَرِن فبٍفبٍ رَتٍمَ نّ؟ 7 وٌ لّبِنِ قٌرِ بَ وٌ يَ مَ، عَلَكٌ وٌ شَ لُ عَلْ قَرِن نّينّ لّبِنِ مُ سَشِ نَشّ عِ. عَ نْندِ كِ مَ وٌ نَ نَ كِ نّ. عَلَ شَ مِشِ سُفَندِشِ بَرَ قِندِ وٌن مَ سّرّشّ رَ، نَشَن مِسَالِشِ يّشّي رَ نَشَن كْن نَشَبَمَ سَيَمَلٍكّ دَنفِ سَلِ. 8 وٌن شَ نَ سَلِ رَبَ سّنِيّنيِ كُي. وٌن شَ قٍ كٌبِ نُن قٍ حَاشِ بَ وٌن يَ مَ، عَلْ لّبِنِ قٌرِ بَمَ وٌن مَ بَنشِيٍ كُي كِ نَشّ نَ سَلِ. نْندِ نُن بْحّ قِيشّ شَ لُ وٌن يِ رَ. نَ كُي وٌن مِسَالِمَ تَامِ لّبِنِتَرٍ نَن نَ.

9 ﭑ بَرَ عَ سّبّ وٌ مَ بَتَاشّ كُي، وٌ نُن يّنّلَيٍ نَشَ لُ دّقَنبٌورٍيَ كُي. 10 كْنْ ﭑ مُ وَ مَ عَ قَلَقٍ شّ وٌ بّ عَ وٌ نُن يّنّلَ بِرِن نَشٍيٍ نَ دُنِحَ، عَ نُن مِلَنتٍيٍ، مُحّتِيٍ، نُن كُيٍ بَتُييٍ، وٌ نُن نٍيٍ نَشَ دّ مَسَرَ. شَ عَ سَ نَ نَ كِ نّ، عَ لِمَ نَ قَن قٌ وٌ كٍلِ دُنِحَ مَ دٍ! 11 ﭑ وَشِ عَ سّبّقٍ نّ وٌ مَ، دّقَنحَ نَشَ لُ وٌ نُن مِشِ تَفِ، نَشَن عَ يّتّ قِندِ مَ وٌ بٌورٍ دَنشَنِيَتْي رَ، كْنْ عَ قَ قِندِ يّنّلَ رَ، شَ نَ مُ عَ رَ مِلَنتٍ، كُيٍ بَتُي، كٌنبِتِ، سِيسِلَ، شَ نَ مُ عَ رَ مُحّتِ. وٌ نُن نَ مِشِ مْولِ، وٌ نَشَ وٌ دّفٍ يَتِ يِرٍ كٍرٍن. 12 ﭑ تَن مُ نْمَ مِشِيٍ مَكِيتِدٍ نَشٍيٍ مُ نَ دَنشَنِيَتْي حَمَ يَ مَ، كْنْ عَ لَنمَ وٌن شَ وٌن بٌورٍ دَنشَنِيَتْييٍ نَن مَكِيتِ. 13 نَشٍيٍ مُ نَ دَنشَنِيَتْي حَمَ يَ مَ، عَلَ نَن نٍيٍ مَكِيتِمَ، كْنْ عَ لَنمَ وٌ تَن شَ «مِشِ حَاشِ كٍرِ وٌ تَفِ.»