ኔኤኒ ሾይንቲፓ ሾይንቲ ሄላንዳኣና

ኑኡኮ ፑኖ ካያሢኬ።

ኔኤኒ ናኣናና ናናንጋ ፆኦሲኬ።

«ዓሲዮቴ! ዒንሢ ቤዞ ማዑዋቴ!» ጋዓኔ።

ዻካ ዴዓዖ ካራ ዹሚጉዲኬ። 90፡4 2ጴፂ. 3፡8።

ዓውቲጉዲ ዔያታ ማዓንዳኔ፤

ጉቶ ጉቶ ባቃላ ማኣቲጉዲ ዔያታ ዋርቃኔ።

ዓቦ ጌሎ ሹሊ ሜላኔ።

ዱማ ዱማ ዎዻ ባኮናኣ ኑ ዲቃቴኔ።

ኑኡኮ ዓኣሺንቴ ዻቢንቶ ኔኤም ጴዻ ቤስካ ኔኤኒ ዴይሣኔ።

ናንጎ ኑኡሲ ኑ ጎኦሺንቴ ጎይሣ ጋፒሳኔ።

ሚርጌኔ ጌዔያታቴ ሳሊታሚ ሌዔኬ፤

ላቢሢና ሜቶና ሌሊ ማዓያኬ፤

ናንጋ ኑኡኮ ዑኬ ጋፓኔ፥ ኑኡኒ ዓዓኣዻኔ።

ዱማ ዱማ ዎዻ ባካ ኔኤኮ ዒጊቺፆጉዴያ ዼኤፒኬ።

ዔራቶ ዓኣ ዒኔ ኑም ዒንጌ።

ሃይ ዓይዲ ሄላንዳኣና ሃኣዺ ማዓንዳይ?

ኔኤኮ ማዻ ዓይሎም ሚጪንቴ።

ኔኤኮ ሚጪንቲፆ ጉቴና ጉቴና ዺቢሺ ዻዌ።

ፑርቶ ባኮዋ ኑ ዛጌ ሌዖጉዴያ

ኑና ዎዛሴ።

ቦንቻኣ ዔያቶኮ ናኣቶም ፔጋዺ ጴዾም።

ኑ ዑፃ ማዖም!

ኑ ማዻ ባኮዋ ኑኡም ዓንጄ፤

ሂዮ ኑኡም ዓኣፒሴ።