1 ዬያይዲ ኬኤሎ ዲራ ኮሺንቲ ጋፔኔ፤ ዬያ ዲሮኮ ካራ ቢያ ቤዛ ቤዛ ጊኢጌኔ፤ ዬካፓ ጌኤዦ ማኣሮ ካፓ ዓሳ፥ ዓይኑሞ ዓይናዻ ዓሶንታ ሜሌ ሌዊ ዓሶንታም ማዾ ማዾ ቤዛ ዒንጊንቴኔ። 2 ታኣኒ ዬሩሳላሜ ካታሞ ዎይሣንዳጉዲ ላምዖ ዓሲ ዶኦሬኔ፤ ዬንሢያ፦ ታ ጌርሲ፥ ሃናኒና ዋርዲዮ ቤዞኮ ሱኡጋሢ ሃናኒያናኬ፤ ሃናኒያ ፆኦሲ ዒጊቹሞና ፒዙሞናኮ ዒዛና ቤቃ ዓሲ ባኣያኬ። 3 ዒማና ታ ዔያቶ ዓይሤሢ ዬሩሳላሜ ካታሞኮ ዲሮ ካሮ ጉቴ ዓባ ፆርቂ፥ ዋልዒ ሚቹዋንቴ ቡሉዋጉዲ ጌይኬ፤ ሃሣ ዒባኖ ዓባ ጌሌስካፓ ካሮ ካፓ ዓሳ ፔ ማኣሪ ዓኣዻንዳሢኮ ቤርታ ዲሮ ካሮ ጋጋርቂ፥ ሃሣ ቁልፒ ዎዻንዳጉዲ ታ ዓይሤኔ። ዬያጉዲ ሃሣ ዔያታ ፔኤሮ ዬሩሳላሜይዳ ናንጋ ዴሮ ባኣካፓ ካፓ ዓሲ ዶኦሪ፤ ሃሣ ዬያቶይዳፓ ፔቴ ፔቴ ዓሶ ዛላ ቤሲኮ ሱኡጌ ማሂ ጌሣንዳጉዲ፥ ዓቴ ዓሶ ሃሣ ፔኤኮ ማኣሮ ካራ ካራ ዔቂ ካፓንዳጉዲ ላቲ ታ ዔያቶም ኬኤዜኔ።

4 ዬሩሳላሜ ዼኤፒና ዳልጊ ካታማ ማዔኔ፤ ጋዓንቴ ዒዞይዳ ናንጋ ዴሮኮ ፓይዳ ዻካኬ፥ ሃጊ ሚርጌ ማኣሪ ማዢንቲባኣሴ፤ 5 ፆኦሲ ዴሮና ዔያቶኮ ሱኡጎ ማዔ ቢታንታ ዓኣ ዓሶ ታ ቡኩሳንዳጉዲና ዔያቶ ማኣሮ ዓሶኮ ሾይንቶ ዜርፆ ፃኣፖና ጎይፆ ታ ዛጋንዳጉዲ ታና ማሊሴኔ፤ ዒማና ቤርታዺ ዲዒንታፓ ማዔ ዓሶኮ ዜርፆ ዎሊ ሄሊሲ ፃኣፖናያ ታ ዴንቄኔ፤ ዬይ ታ ዴንቄሢ ሃካፓ ዴማ ዓኣ ጎይፆኬ፦

6 ዲዒንቶይዳፓ ሚርጌ ዓሲ ባብሎኔ ዓጫፓ ዔቂ፥ ዬሩሳላሜና ዪሁዳ ዓጮና ባንሢ ማዒ ማዒ ፔቴ ፔቴሢ ፔኤኮ ካታሞ ካታሞ ጌሌኔ፤ ዬኖ ዎዶና ናብካዳናፆኦሬ ዲዒ ዔኪ ዓኣዼስካፓ ዓርቃዖ ዬኖ ዓሶኮ ማኣሮ ዓሳ ባብሎኔ ዓጮይዳ ናንጋኔ። 7 ዲዒንታፓ ዔያታ ማዔ ዎዶና ዔያቶኮ ሱኡጎ ማዔ ዓሳ፦ ዜሬባቡሌ፥ ዒያሱ፥ ኔሄሚያ፥ ዓዛሪያ፥ ሬዓሚያ፥ ናሃማኒ፥ ሜርዴኪዮሴ፥ ቤልሻኔ፥ ሚስፔሬቴ፥ ቢግዋዬ፥ ኔሁሜንታ ቤዓናንታኬ።

8-25 ዲዒንታፓ ማዔ ዓሶኮ ፔቴ ፔቴ ቶኦካፓ ኬስኪ ኬስኪ ፃኣፒንቴ ዒስራዔኤሌ ዓሶ ቶኦኮና ሾይንቶ ዜርፆ ሚርጉሞ ፓይዳ ሃካፓ ዴማ ዓኣ ጎይፆኬ፦

26-38 ሃካፓ ዴማ ዓኣ ካታሞንሢዳ ናንጋ ቤርታኣ ዓዶንሢ ዲዒንታፓ ማዔዞንሢኬ፦

39-42 ዲዒንቶይዳፓ ማዔ ቄኤሶ ቶኦካ ሃይፓ ዴማ ፓይዲንታ ጎይፆኬ፦

46-56 ዲዒንታፓ ማዔ ጌኤዦ ማኣሮይዳ ማዻ ዓሶ ቶኦካ፦

57-59 ዲዒንቶይዳፓ ማዔ ሴሎሞኔም ማዻ ዓሶኮ ቶኦካ፦

60 ዲዒንቶይዳፓ ማዔ ጌኤዦ ማኣሮይዳ ማዻ ዓሶና ሴሎሞኔም ማዻ ዓሶ ዜርፆኮ ሚርጉማ ሃይሦ ፄኤታና ታዞጲታሚ ላምዖ ዓሲኬ።

61-62 ቴልሜላሄ፥ ቴልሃሪሻ፥ ኬሩቤ፥ ዓዶኔና ዒሜሬ ጌይንታ ካታሞ ዙሎ ጉርዳፓ ማዔዞንሢ፦ ዴላያ፥ ፆቢያና ኔቆዳ ቶኦኮኮ ሚርጉማ ላሆ ፄኤታና ዖይዲታሚ ላምዖኬ፤ ያዺ ማዔቴያ ዬንሢ ቢያ ዒስራዔኤሌ ዓሶ ዜርፆ ማዔሢ ዔርዛኒ ዳንዳዒሳ ባኣዚ ዔያቶኮ ባኣሴ።

63-64 ሃካፓ ሊካ ዴማ ዓኣ ቄኤሶ ቶኦካ ዔያቶኮ ቤርታኣ ዓዶንሢ ሾይንቶ ዜርፆ ጎናሲ ዔራኒ ዳንዳዒባኣሴ፤ ዬንሢያ፦ ሆባዬ፥ ሃቆፄና ባርዚላዬናኬ፤ ቄኤሶ ቶኦኮ ማዔ ባርዚላዬኮ ቤርታኣ ዓዳሢ ጌሌዓዴ ሾይንቲ ማዔ ባርዚላዬ ቶኦካፓ ፔቴ ላኣሊስኬኖ ዔኬኔ፤ ዬያይዳፓ ዔቄያና ባይሲ ቶኦኮ ዻካሊ ዒ ናንጌኔ፤ ዬይ ዓሳ ዔያቶኮ ቤርታኣ ዓዶንሢኮ ሾይንቶ ዜርፆ ጎናሲ ዔራኒ ዳንዳዒባኣሢሮ ቄኤሴ ማዒ ዔያታ ማዻንዳጉዲ ዓይሢንቲባኣሴ። 65 ዬያሮ ዪሁዳ ዓጮ ዎይሣሢ ፆኦሲ ማሊፆ ዱማሲ ዔርዛ ባኮና ማዻ ቄኤሴ ኬስካንዳያ ሄላንዳኣና ፆኦሲም ዒንጊሢ ማዒ ዒንጎ ባኮይዳፓ ዔያታ ሙዓኒ ዳንዳዑዋያ ማዔሢ ዔያቶም ኬኤዜኔ። 7፡65 ኬሲ. ማፃ 28፡30፤ ላሚ. ዎማ 33፡8።

70-72 ፔቴ ፔቴ ማኣሮ ዓሶኮ ሱኡጋ ጌኤዦ ማኣሮ ጊንሣ ማዣኒ ማኣዳያ ዱማ ዱማ ባኣዚ ማዼኔ፤ ዔያቶይዳፓ ፔቴ ፔቴዞንሢ፦

73 ዬያይዲ፦ ቄኤሳ፥ ሌዊ ዓሳ፥ ጌኤዦ ማኣሮ ካፓ ዓሳ፥ ዓይኑሞ ዓይናዻ ዓሳ፥ ጌኤዦ ማኣሮይዳ ማዾ ማዻ ዓሶንታ ጉቤ ዒስራዔኤሌ ዓሳ ፔ ካታማ ካታማ ዱንኪ ዴዔኔ። 7፡73 1ፆኦሲ. ዓሃኬ 9፡2፤ ኔሄ. 11፡3።