88
God Numo Sonembaetira Da Benunuri.
1 Arie Bajari God, nanda jebuga mutari kato, sifo ate refira evia inono,
na nimokena sonembadae koko seraena a tumbaghae barago foa nimokena banungeraena.
2 Nanda banungari ningi! A na ninda sonemba dae kori seraena barago, ningi!
3 Dara digari beká namokena foa gheraira aimi, na ambari dae itako erena.
4 Namo evetu genembo nanjogo ambari dae erera, amingori. Nanda fakina isambu dadabetira.
5 Na fitero aena, ambari embode feteteni. Na ambari embo ambu ujo da fafasirera ainda kaugori.
Na evetu genembo kotae eteso nimokena ajagha irise ninda sonemba jo bae eraera, amingori.
6 Na bu fugeteso, ujo jokáda vose faseteni. Bako ghousago a tumba jinjagharigo beká,
aminda vosedo irena.
7 Ninda dubo ekoko da bouvu aimi fatiri faseteni!
Na ninda janje eko da bouvu inono eva da kaugoi fatiri vose duruda fasirena.
8 Nine eteso, nano namendi na gukai mutudo, na gari imboe eraera.
Na nange buvu jebugaetena da emboro, gaje tefo etira.
9 Ninda janje eko ava itatamuse, sorara eno diti jivu aimi afurugetiri, roera garikena fakara erira.
Bajari, sifo evia inono nindae kori sise, nanda ungo jigheono erorureari benunu seraena.
10 O ambari embo kote gi! Ni ambari embokena tano mendeni mendeni eraesa, ai?
O ne eredo yaru sise, ninda javo jigheoro ereraira, ai?
11 O ambari embo ninda dubo bari itatama edo, aindae osa seraera, ai?
O ambari embo bete dadaberaera ainda jokáda ninda sonemba a kavevera eraesa aindae osa jo sae eraera, aĩ?
12 Aminga ava, ambari embo aimi ninda tano mendeni mendeni tumba jinjagharida irera,
aimi jo gae eraera. A ambari embo ofofo da kotari dadabusira, aimi ninda veka eveva gaveva eraesa,
ava ne jo kotae eraera.
13 Avata Bajari, na jo amingo iraeri. Sifo atuterira evia inono, nimokena sonembaso dae kori sise
banungeraena.
14 Bajari, ni redae na imboe eresi? Ni redae na gukai erefutesi?
15 Na mandi seka sirorusena aitano ghedo, na tamo vevera itatamuse ambari dae ghosuguseni.
Nandae mema muturaesa da bouvu ava fufuse, nanda tamo eregofira.
16 Ninda janje ekoko teria bekáimi na afuregetira. Na dari beká deteso, ambududurerena.
17 Sifo tumba evia ninda mema muturaesa, kau useghai na jimbe birurughari getira.
Jebuga da gorota isambu gaje doindanghetira.
18 Nine eteso, nanda kokomana utua beká isambu na imboe eteri.
Amingetero, tumba aimi nusuka nanda karona eraira.