1 Bilumbu bisambanu bisiala muingi nyengo Pasika wuba, Yesu wuyenda ku Betani kuba Lazale mutu wowo kafulukisa. 2 Banlambila ndikulu yinneni. Malata wuba tudila bidia va meza ; Lazale mamvandi wuba wumosi mu bawu bavuanda yandi va meza.

3 Maliya wubonga ndambu yi lita yi malasi, makambu sobukusu, mathalumavangulu mu nale wudukula mawu mu malu ma Yesu, wufiona malu mandi muzitsuki ziandi. Nzo yoso yimana wala tsudi malasi.

4 Wumosi mu minlonguki miandi, Yuda Isikalioti wukana kumvakula, wutuba : 5 —Bila mbi kadi kuandi sumbisa malasi beni mu zikhama zitatu zi denali* 12.5 Zikhama zitatu zi denali : zidedikini mu mfutu wu kisadi mu tezo ki mvu wu mvimba., bosi yeka vana zimbongo beni kuidi minsukami e ?

6 Wutubila bobo bika sia mu diambu di kabela minsukami mayinduvayi wutubila bobo bila wuba muivi, niandi wuba lundanga kesi ya zimbongo ayi wuba yibanga zimbongo ziozi ziba tulungu muna.

7 Yesu wutuba :

—Lumbika, bila lundidi mawu mu diambu di lumbu ki nzikuluꞌama. 8 Bila minsukami midi yeno mu zithangu zioso va kimosi vayi beno lulendi kalanga yama mu zithangu zioso ko !

9 Nkangu wunneni mu bayuda bazaba ti Yesu widi kuna, buna bayiza kuna, bika sia ti mudiambu di tala Yesu kaka vayi muingi bamona Lazale mutu wowo Yesu kafulukisa. 10 Buna bapfumu zi zinganga Nzambi zikutakana mu diambu di vondisa Lazale. 11 Bila mu diambu diandi Bayuda bawombo batina ayi bawilukila Yesu.

12 Lumbu kilanda, nkangu wu batu wuyiza ku nyengo bu wuwa ti Yesuwulembo yizi ku Yelusalemi ; 13 buna babonga mandalala ayi bayenda ku ntualꞌandi bayamikina mu mbembo yingolo :

—Ozana ! Bika kasakumuna mutu wowo wunkuizila mu dizina di Pfumu, Ntinu wu Iseli.

14 Yesu bu kamona muana phunda wuvuanda va mbata phunda beni banga busonimina :

16 Minlonguki miandi misia tuama zaba ko tsundu mambu momo. Vayi Yesu bu kamana kemboso, bosi mitebuka moyo ti mambu beni momo masonama mu diambu diandi ayi bavanga mambu momo mu diambu diadi.

17 Nkangu wowo wuba yandi wuntelimina kimbangi mu diambu katotula Lazale mu ziami ayi mu diambu kamfulukisa mu bafua. 18 Diawu diodi bawombo bayiza ku ntualꞌandi mu kundengana bu bawa ti niandi wuvanga kumu kioki.

19 Bafalisi bakambasana bawu na bawu :

—Lulembo moni ti lulendi nunga ko ! Bila tala batu boso balembo nlandakana.

20 Basi Ngelesi bankaka bayiza mu sambila ku Yelusalemi mu lumbu ki nyengo, 21 bayenda bata Filipi muisi Betesayida ; divula didi mu tsi Ngalili, banleba ayi bankamba :

—Tata, tutidi mona Yesu !

22 Filipi wuyenda ayi wukamba buawu Andele. Andele va kimosi ayi Filipi bayiza kamba buawu yesu.

23 Yesu wuba vutudila :

—Thangu yifueni yoyi Muana Mutu yikafueti kembosolo. 24 Bukiedika, bukiedika ndikulukamba enati luteti lu ble lolo lubuidi va ntoto lukadi bola, buna luidi kaka luawu veka. Vayi enati lubodidi buna lumbutanga zitheti ziwombo. 25 Woso mutu wunzola luzingu luandi, wela luzimbisa vayi woso wunlenda luzingu luandi va ntoto wawu wela lulunda mu diambu di luzingu lukalumani. 26 Woso wukutsadila, bika kandandakana. Ayi koso ku ndidi kuna kuela ba kisadi kiama. Tata wela kinzika woso wu kutsadila.

27 Buabu muelꞌamam weka kiadi kiwombo. Mbi mfueti tuba e ? Tata, wukhula mu thangu yayi. Vayi ndiyizila mu diambu di thangu yayi. 28 Tata, kembisa dizina diaku !

Muna thangu beni, mbembo yiba ku Diyilu yiwakana :

—Minu ndikembisa diawu ayi ndiela buela kudikembisa diaka.

29 Nkangu wu batu baba vana bawa mbembo beni, batuba ti :

—Yibedi nzazi.

Vayi bankaka batuba ti :

—Mbasi yiza kunyolukila.

30 Yesu wuba kamba :

—Mbembo yisi wakakana mu diambu diama ko vayi yiwakikini mu diambu dieno. 31 Buabu tsambusulu yi nza yayi yifueni ; buabu pfumu yi nza yayi lozolo ku nganda. 32 Minu bu ndiela tombolo ku diyilu, buna ndiela tuta batu boso kuidi minu.

33 Yesu wutuba mambu momo mu diambu di monisa phila lufua kela fuila.

34 Nkangu wumvutudila :

—Beto tuzebi mu Mina ti Klisto kafueti zinga mu zithangu zioso. Vayi buna buevi ngeyo wuntubila ti Muana Mutu kafueti tombulu ku Diyilu e ? Buna nani Muana mutu beni e ?

35 Yesu wuba kamba :

—Mu thangu yifioti kaka, kiezila kididi va khatitsikꞌeno buna bika ludiata bu luki ayi kiezila muingi tombi kibika kulubuila. Bila woso wundiatila mu tombi kakadi zaba kuevi keti kuenda. 36 Sumbu lukidi ayi kiezila buna luwilukila mu kiezila muingi beno luba bana ba kiezila.

Yesu wutuba mambu momo, wuyenda, wusuama va meso mawu.

37 Ka diambu ko Yesu wuvanga bikumu biwombo va meso mawu vayi bamanga ku nwilukila.

38 Buawu bobo budedikinina mambu mabikula mbikudi Ezayi :

39 Diawu balendi wilukila ko bila Ezayi wubuela bikula :

41 Ezayi wutubila bobo mu diambu kamona nkemo wu Yesu ayi wuyolukila mu diambu diandi.

42 Muaki bawombo mu bapfumu zi Bayuda bawilukila Yesu vayi bamanga kuditelimina kimbangi mu diambu di Bafalisi bedi ku batotula mu nzo yi lukutukunu. 43 Bila baluta zola nkembo wu batu bika nkembo wu Nzambi.

44 Yesu wutuba mu ndinga yingolo :

—Woso wunguilukidi buna bika sia ti minu veka kawilukidi vayi wilukidi diaka mutu wowo wuthuma. 45 Woso mutu wumbueni, mueni mutu wuthuma. 46 Minu ndiyiza va nza banga kiezila mu diambu di woso mutuwukunguilukila kabika ba mu tombi. 47 Woso mutu wulembo wi mambu mama vayi kakadi kumasadila, ndilendi kunsambisa ko bila ndisia kuiza mu diambu di sambisa nza ko vayi ndiyiza mu diambu di vukisa nza.

48 Woso wu kundoza ayi wunkamba tambula mambu mama beki zuzi diandi. Mambu momo ndituba mawu mela kunsambisa mu lumbu kitsuka. 49 Bila ndisia tubila mu luzolo luama veka ko vayi mu luzolo lu Dise diodi dithuma. Niandi veka wuthumina mambu momo mfueti tuba ayi buevi mfueti tubila. 50 Nzebi ti thumunu andi yidi luzingu lukalumani. Diawu mambu momo ndilembo tubi, ndilembo tubila mawu boso bukhambila Tata.