1 Tokugwa komwaidosi imilivalusi olopola Yerusalem, e komwaidosiga tomota bikowobobutasi availa bimilivalu Yerusalem. Mapaila metoya kweluwotala kaukweda, taitala wala bikibobuta e matauna deli litula bilosi imilivalusi Yerusalem makwaina viloubumaboma, e komwaidosiga bimwaisi imilivalusi ituwoli valu. 2 E komwaidosi tomota ikavisaisi availa availa matausina itugwalaisi titoulesi paila bilosi imilivalusi Yerusalem. 3 E viluwela Yuda viloukikekita deli vilouvakaveka tomotala Isireli, tolula, mina Libai, Bwala Kwebumaboma topaisewala, deli Solomoni la towotetila dalesi imilivalusi wala oviloutabusi.

Baisa yagasi matausina tokugwala Yuda eisisuaisi olopola Yerusalem. 11.3-4 Nie 7.73

Ataia matauna Usaia latula, e tabula Sekaraia. E tubula tuvaila yagasi, Amaria, Sepatia, deli Maalaleli, matausina Peresi tubula, matauwena Yuda latula.

5 Maaseya matauna Baruki latula e tabula Kolosei. E tubula tuvaila yagasi, Asaia, Adaia, Yoiaribi, deli Sekaraia, matausina Sela tubula, matauwena Yuda latula.

6 Peresi dalela kasi bawa 468 matausina matala gidageda eisisuaisi Yerusalem.

Salu matauna Mesulam latula, e Yowedi tabula. E tubula tuvaila yagasi, Pedaia, Kolaia, Maaseya, Itieli, deli Yesaia.

8 Gabai sola Salai, matausina Salu veyala.

Mapaila kasi bawa mina Beniamina eisisuaisi Yerusalem 928. 9 E kasi tokugwa, Yoweli matauna Sikiri latula, e otuboulola paila karaiwaga olopola Yerusalem, Yuda matauna, Asenuwa latula.

Yedaia matauna Yoiaribi latula sola Yakini.

11 Seraia matauna Ilikaia latula, e Mesulam tabula. E tubula tuvaila yagasi, Sadoki, Meraioti, deli Aituba matauna Tolula Toveka. 12 E kasi bawa komwaidosi dala madalana eiwotetilasi wa Bwala Kwebumaboma 822.

Adaia matauna Yerowam latula, e Pelalia tabula. E tubula tuvaila yagasi, Amsi, Sekaraia, Pasuru, deli Malikia. 13 E tommoyesi dala madalana kasi bawa 242.

Amasai matauna Asareli latula, e Asai tabula. E tubula tuvaila yagasi, Mesilemoti, sola Imera. 14 E kasi bawa komwaidosi dala madalana 128, komwaidosi wala matala gidageda. E kasi tokugwa Sabidieli, matauna metoya odalela tokaraiwaga.

Semaia matauna Asubi latula e tabula Asirikam. E tubula tuvaila yagasi, Asabia sola Buni.

16 E Sabetai sola Yosabada, matausina kasi tokugwa mina Libai e tokaraiwogasi paisewala Bwala Kwebumaboma okoukweda.

17 Matania matauna Maika latula, e tabula Sabidi, e matauna odalela Asapi, matauna ikugwai mabudona tousiwosi wa Bwala Kwebumaboma paila biuwosaisi nigadela nokagutoki.

Bakibukia matauna kala topilasi Matania.

Abida matauna Sammwa latula e tabula Galali, matauna tabula Yedutuni.

18 Kasi bawa komwaidosi mina Libai eisisuaisi Yerusalem mavilouna viloubumaboma ibodi 284.

Akubi, Talimoni deli goli veisia, kasi bawa 172.

20 E kesala mina Isireli deli kesala tolula deli mina Libai, ilosi imilivalusi oviloutabusi, mapilasina valu viloukikekita deli vilouvakaveka olopola Yuda. 21 Matausina Bwala Kwebumaboma kala topaisewa isikaisi pilatala Yerusalem makatupona yagala Opeli, e ipupaisewasi osikowasi Siya sola Gisipa.

22 E kasi tokugwa matausina mina Libai eisisu olopola Yerusalem yagala Usisi, matauna Bani latula e Asabia tabula. E tubula tuvaila yagasi, Matania sola Maika, e Usi matauna odalela Asapi, madalana goli isim si koni bimmwasawasi kaigilagela otutala tapwaroru wa Bwala Kwebumaboma. 23 E guyoula valu ikaraiwogi dala dilatala dilatala paila si tuta bikukugwaiyaisi mwasawela kaigilagela wa Bwala Kwebumaboma yam kwaitala kwaitala.

24 Petaia matauna Mesesabeli latula odalela Sira olumolela mabudona Yuda e matauna goli udosi mina Isireli ola ligisa guyoula Pesia.

25 Bidubadu tomota eimilivalusi katitaikina si bagula. Matausina metoya mabudona Yuda si valu Kiriati Aba, Diboni deli Yekaseli, e deli viloukikekita otalisi mavilousina vilouvakaveka. 26 Tuvaila imilivalusi mavilousina Yesuwa, Molada, Betipeleti, 27 Asarisuwali, deli Biasiba e deli viloukikekita otalila mavilouna. 28 Imilivalusi mapilasina Sikilagi deli Mekona deli viluwela, 29 Enirimoni, Seva, Yamti, 30 Sanowa, Adulam deli viloukikekita mavilousina otalisi vilouvakaveka. Isisuaisi mavilouna Lakisi deli wa bagula katitaikina mavilouna, e deli mavilouna Aseka deli mavilousina viloukikekita. E ka, mina Yuda si valu oluwalaisi mapilana Biasiba opilibolimila deli mapilana Itayatilela Inom opiliyavata.

31 Mina Beniamina imilivalusi Geba, Mikimasi, Ai, Beteli deli mavilousina katitaikina mavilouna, 32 Anatoti, Nobi, Ananaia, 33 Asora, Rama, Gitaim, 34 Adida, Seboiim, Nebalati, 35 Lodi, Ono, deli oItayatilela Tokabitam. 36 Mimilisi mabudosina mina Libai omitibogwa eimilivalusi mapilana Yuda olopola, mitaga tuta baisa eilukwaisi bigalasi bilosi imilivalusi deli tomotala Beniamina.