15
Kasi gulogula kaidadala valu
(Mk 7.1-13)
1 Oluvi Parisi toyo toninitalapula paila Karaiwaga imakaiasi Yesu metoyasi Yerusalem, ikaibigasi, kawasi, 2 “Avaka paila m toligalega ikoulovaisi kasi gulogula kaidadala valu? Paila gala iwinaisi yumasij Mina Yudia kasi gulogula paila winawina yamila saina kasai, paila idokaisi availa ikamkwam kʹala mitaga gala biwinibogwi yamala, matauna bogwa goli eiyogwali la tapwaroru. tutala ikamkwamsi.”
3 E Yesu ivitakauloki matausina, kawala, “Avaka paila yokomi kukoulovaisi la Karaiwaga Yaubada paila kami gulogula? 4 Paila Yaubada ikaibiga, kawala, ‘Kutemmali tamam inam,’ e, ‘Availa ikaluwou tamala kaina inala, ibodi bikatumataisi matauna.’ 15.4 Sun 20.12; 21.17; Kak 5.16; Tol 20.9 5 Mitaga yokomi kukwaibigasi, kawami, ‘Kidamwa availa biluki tamala kaina inala, kawala, “Avaka mwada basakaim bogwa ladoki Semakavi”k bogwa ladoki Semakavi.Gagabila bitagini “bogwa mwada basaiki Yaubada.” Mina Yudia kasi gulogula kidamwa availa bilivala kawala, “Vavagi makwaina bogwa mwada basaiki Yaubada”, e vavagi makwaina bogwa mokwita goli Yaubada la vavagi e bomala bikau bisaiki availa, ilagoli veyala magisi. - 6 matauna gala ibodi bitemmali tamala.’l tamala. Mimilisi buki pilabubogwa iginisi “tamala kaina inala”. Lokutakilaisi avaka la Karaiwaga Yaubada paila kami gulogula. 7 Mina katudewa gaga yokomi! Mokwita Aisea ivitoubobuta paila yokomi, ikaibiga,
8 ‘Yaubada kawala,
Tomota matausina itemmalaigusi kasi udokaiwa wala,
mitaga oninasi gala sitana ikamiabaigusi. 15.8-9 Ais 29.13
9 Ikamnumonaigusi mitaga gala avaka dimlela baisa,
ivitulokisi si karaiwaga tomota wala
mwada bivigakaisi uulesi tapwaroru.’ ”
Avaka biyogagi tomota
(Mk 7.14-23)
10 Idou tobobawa bimakaiasi, e iluki matausina, kawala, “Kulagaisi e bukukwatetasi. 11 Avaka isuvi wa wodila gala biyogagi nona mitaga avaka isunapula metoya wa wodila, makwaina biyogagi ninasi tomota.”
12 Oluvi toligalega imaisi ilukwaisi matauna, kawasi, “Ki, kunikoli tutala Parisi ilagaisi biga mabigana, imwau ninasi?”
13 Ivitakauloki, kawala, “Avaka Tamagu wa labuma gala bivali, bogwa bilulu. 14 Kuligaiwaisi matausina; paila mina kau matausina e mwada bivakadaisi tomota; e kidamwa tokwau bivakadi tokwau, kasitaiyu bikapusisi omlopu.” 15.14 Lk 6.39
15 Mitaga Pita iluki matauna, kawala, “Kulukwaimasi avaka kala bigavisaiki makwaina.”
16 E Yesu iluki matausina, kawala, “Ki, yokomi tuvaila tonagowa wala? 17 Ki, gala kukwatetasi? Avaka bisuvi wa wodila bilokaia wa lula e oluvi bisunapula. 18 Mitaga avaka bisunapula wa wodila, baisa metoya wa nona e biyogagi ninasi tomota. 15.18 Md 12.34 19 Paila metoyasi wa nona isunapulasi nanamsa gaga, katumata, kailasi, ulatila deli kapugula, veilau, tabinona, silapulu; 20 vavagi makwaisina iyogagaisi ninasi tomota, mitaga kidamwa gala biwinaisi yumasi e bikamkwamsi, baisa gala biyogagi nona.”
Vivila im Kenani la dubumi
(Mk 7.24-30)
21 Yesu isilavi baisa ila mapilasina Taia toyo Saidoni.m Kugisi Md 11.21 kala katumiki. 22 Natana vivila im Kenanin Minana gala ilela Yudia, eikaloubusi mapilana valu olumoulela mina Roum si valu Siria (kugisi Mk 7.26). mesisiki baisa ima idou, kawala, “Tomoya yoku Latula Debida;o Kugisi Md 9.27 kala katumiki. kunokapisaigu. Baloma gaga saina peula isikaila latugu vivila.”
23 Mitaga Yesu gala kwaitala biga iluki minana; e la toligalega imaisi iyokakapisisi baisa matauna, kawasi, “Kuyabi minawena, paila ibokulaidasi idoudou.”
24 Mitaga Yesu ivitakauloki, kawala, “Yaubada iwitalaigu baisa mina Isireli wala, banevi sipila itamwausi.”
25 Mitaga minana ima ikavagina omatala Yesu, ikaibiga, kawala, “Tomoya, kupilasaigu.”
26 E Yesu ivitakauloki, kawala, “Gala ibodi bitakau kʹasi gugwadi e bitalavi baisa kaukwa.”p Matausina gala mina Yudia mimilisi tuta mina Yudia idokaisi kaukwa.
27 Minana ikaibiga, kawala, “Mokwitala baisa Tomoya, mitaga kaukwa bikabubunasi silimku ikapusisi metoya okabala tolikaukwa.”
28 E mapaila Yesu ivitakauloki minana, kawala, “Ve! Saina m dubumi kwaiveka; bavigaki baisa yoku makawala nanom.” E latula ibwaina metoya wa tuta matutowena.
Yesu ikatumovi bidubadu
29 E Yesu isilavi mapilana, iuvayali okawolawala milaveta Galili.q Kugisi Md 4.18 kala katumiki. E imwena wa koya isili. 30 E tobobawa sainela imakaiasi matauna, imaiyaisi topem, togei, tokwau tokutabu, toyo bidubadu tuvaila, isailisi omatala, e Yesu ikatumovi matausina; 31 mapaila tobobawa itutu uwosi, tutala igisaisi tokutabu ililivalasi, togei ibwabwainasi, topem ililoulasi, tokwau igigisasi; e iyakawolaisi Isireli la Yaubada.
Tailakatuluwovasi tauwau ikamsi
(Mk 8.1-10)
32 E Yesu idou la toligalega bimakaiasi, ikaibiga, kawala, “Anokapisi tobobawa, paila ikalatolusi isikailigusi e gala kʹasi. E gala magigu bawitali matausina deli kasi molu bilosi, kaina bivigaki kasi mitibiliuya wa keda.”
33 E toligalega ivitakaulokaisi matauna, kawasi, “Ammetoya ovilouwokuva bitabanaisi kaula kala bawa bibudoki tobobawa isisuaisi baisa?”
34 E Yesu ikatupoi matausina, kawala, “Kwaivila beredir Kugisi Md 14.17 kala katumiki. kuyosisi?”
E ikaibigasi, kawasi, “Kwailima kwaiyu, toyo sita yena nakikekita.”
35 Mapaila Yesu iluki tobobawa bisilaisi opwaipwaia. 36 Ikau makwaisina beredi kwailima kwaiyu, toyo yena. Bogwa inokagutoki baisa Yaubada, ikimimisi isaiki toligalega, e toligalega ipataisi baisa tobobawa. 37 E komwaidosi ikamsi, ikomatasi; ikatuyoulaisi kasi kobwaga peta lima yuwa ikasewasi. 38 Matausina tokwam tauwau iboda tailakatuluwovasi e tuvaila bidubadu vivila toyo gugwadi.
39 Itali tobobawa bilosi, e isila wa waga, itapela mapilana Magadana.s mapilana Magadana. Mimilisi buki pilabubogwa iginisi “mapilana Magidala”. Mapilana Magadana eisisu milaveta Galili olumata opilikwaibwaga, mitaga gala tanikoli mokwita tumalela.
j15:2 Mina Yudia kasi gulogula paila winawina yamila saina kasai, paila idokaisi availa ikamkwam kʹala mitaga gala biwinibogwi yamala, matauna bogwa goli eiyogwali la tapwaroru.
15:4 15.4 Sun 20.12; 21.17; Kak 5.16; Tol 20.9
k15:5 bogwa ladoki Semakavi.Gagabila bitagini “bogwa mwada basaiki Yaubada.” Mina Yudia kasi gulogula kidamwa availa bilivala kawala, “Vavagi makwaina bogwa mwada basaiki Yaubada”, e vavagi makwaina bogwa mokwita goli Yaubada la vavagi e bomala bikau bisaiki availa, ilagoli veyala magisi.
l15:6 tamala. Mimilisi buki pilabubogwa iginisi “tamala kaina inala”.
15:8 15.8-9 Ais 29.13
15:14 15.14 Lk 6.39
15:18 15.18 Md 12.34
m15:21 Kugisi Md 11.21 kala katumiki.
n15:22 Minana gala ilela Yudia, eikaloubusi mapilana valu olumoulela mina Roum si valu Siria (kugisi Mk 7.26).
o15:22 Kugisi Md 9.27 kala katumiki.
p15:26 Matausina gala mina Yudia mimilisi tuta mina Yudia idokaisi kaukwa.
q15:29 Kugisi Md 4.18 kala katumiki.
r15:34 Kugisi Md 14.17 kala katumiki.
s15:39 mapilana Magadana. Mimilisi buki pilabubogwa iginisi “mapilana Magidala”. Mapilana Magadana eisisu milaveta Galili olumata opilikwaibwaga, mitaga gala tanikoli mokwita tumalela.