11
Yesu la vituloki paila nigada
(Md 6.5-15; 7.7-11)
1 Kwaitala tuta Yesu isisu ambaisa e ininigada baisa Yaubada. Tutala ivinaku, taitala la toligalega iluki matauna, kawala, “Tomoya, kuvitulokaimasi kedala nigada makawala goli Yoni eivituloki la toligalega.”
2 E iluki matausina, kawala, “Tutala kunigadasi, kukwaibigasi.
‘Tamamasi,
yagam bakatemmalaisi.
M Kwaraiwaga bima.
3 Kamasi bukusakaimasi yam kwaitala kwaitala.h Gagabila tuvaila bitagini “avaka bibodi yam lagaila” kainaga “avaka bibodi nabwaia”.
4 Bukuligaiwa ma mitugagasi,
paila yakamaisi kaligaiwaisi si mitugaga matausina imitugagaimasi.
Taga kutagwala bitamnabaimasi.’ ”
5 E iluki matausina, kawala, “Kaina taitala yokomi bilokaia sola ola bwala olubulotoula, e biluki matauna, kawala, ‘Sogu, kusakaigu kwaitolu kaula; 6 paila taitala lubaigu ola kwaidadina leimakaiagu, mitaga gala avaka ayosi bakamovi matauna.’ 7 Mitaga sola bivitakauloki metoya olumoulela bwala. Kawala, ‘Taga kuyogwegwesi; bogwa lakatubodi yoyu, e lakanayobu litugwa immasisisi; gala igagabila batokaia basakaim avaka.’ 8 Alukwaimi, kaina gala bitokaia bisaiki paila uula matauna sola; mitaga paila la kaliyeia sola bitokaia bisaiki avaka ibodi matauna.
9 “E alukwaimi. Kunigadasi, e Yaubada bisakaimi; kunevisi, e bukubanaisi; kunopipisisi, e biulaim paila yokomi. 10 Paila availa binigada, matauna bikau; e availa binevi, matauna bibani; e availa binopipisi, matauna bibani yoyu kala ulaim. 11 Kaina avai tau yokomi kidamwa latula binigada yena, bisaiki keiyuna kaimapula yenai kaimapula yena.Mimilisi buki pilabubogwa ikatumkulovaisi “e dakuna kaimapula kaula”; kugisi Md 7.9. ke? 12 Kaina binigada pou, e bisaiki kudukika ke? 13 Mapaila kidamwa yokomi tomitugaga kukwatetasi ammakawala bukusakaisi litumia vavagi bwaina, mokwita Tamami wa labuma bikalisauwaimi e bisaiki Baloma Tobumaboma baisa matausina availa availa inigadaisi.”
Yesu toyo Bielisibuli
(Md 12.22-30; Mk 3.19-27)
14 E iiyabi baloma gaga metoya baisa taitala tokutabu; e tutala baloma gaga isilavi matauna, tokutabu ibigatona e tomota itutu uwosi. 15 Mitaga mimilisi ikaibigasi, kawasi, “Iiyabi baloma gaga paila Bielisibuli,j Maigana idokaisi igiyuwela yagala matauna Diabolo mwada matauna baloma gaga kasi tokwaraiwaga. Sitana makawala mina Pilisitia si yaubada yagala Bealisebubi; kugisi 2 Gwe 1.2-3. baloma gaga si guyau, ikatupewoli matauna.” 11.15 Md 9.34; 10.25
16 Mitaga mimilisi mwada biwakolaisi matauna, inigadaisi matauna kidamwa bivagi vavagi siligaga bikibuboti Yaubada ininabwaila paila matauna. 11.16 Md 12.38; 16.1; Mk 8.11 17 Mitaga Yesu inikoli si nanamsa e iluki matausina, kawala, “Kidamwa kabokwaraiwaga ipoisivisisi e iuvataisi, kabokwaraiwaga makwaina bitamwau; e kidamwa dala ikovisisi iuvataisi, dala makwaina bikapusi. 18 Kidamwa Setani la karaiwaga ikovisisi iuvataisi, ammakawala la karaiwaga bisisu ke? Paila kulivalasi aiyabi baloma gaga paila Bielisibuli ikatupewolaigu. 19 Ki, yeigu aiyabi baloma gaga paila Bielisibuli ikatupewolaigu? Mimilisi yokomi iiyabaisi baloma gaga ke? Kudokaisi availa ikatupewoli matausina? Mapaila matausina bikibubotaisi mi sula. 20 Mitaga kidamwa yeigu aiyabi baloma gaga metoya ola peula Yaubada, Yaubada la Karaiwaga bogwa imakaiami.
21 “Tutala topeula iyosi uvagila kabilia komwaidona e iyamati la bwala, la guguwa bisisu bwaina. 22 Mitaga kidamwa taitala topeuligaga bimakaia bikalisuwoli matauna, bikau uvagila kabilia avaka leidoki kala peula, e oluvi bivili avaka bogwa ilebu.
23 “Availa gala ipilasaigu, matauna ipakaigu; e availa gala ikougugula deli yeigu, matauna tokodidaimila gugula. 11.23 Mk 9.40
Baloma gaga ikaimilavau
(Md 12.43-45)
24 “Tutala baloma gaga isilavi taitala tau, ivavivila mapilasina oviloupakala,k Idokaisi viloupakala pilimbwailisi baloma gaga, magisi bisigagasi baisa goli. inainevi vaiwasi, mitaga gala ibani. E ikaibiga, kawala, ‘Bakaimilavau ogu bwala ambaisa lasunapula lama.’ 25 E bogwa ima, ibani makwaina bogwa itanevaisi, deli ikatubiasaisi. 26 Mapaila matauna ila, ivakouli baloma tuwoli tailima taiyu, kasi gaga ikalisau kala gaga matauna, e isuvisi isigagasi baisa; e tuta kala vigimkovila tau matauna ibani kala gaga ikalisau kala gaga liloubogwa.”
Nona kala mwamwasila mokwita
27 Ililivala vavagi makwaisina e natana vivila metoya baisa tobobawa ikaigaveka iluki matauna, kawala, “E vivila minawena leiunaim deli nunula lokununu bimwasawa!”
28 Mitaga Yesu ikaibiga, kawala, “Ikalisau matausina availa availa ililagaisi la biga Yaubada e ivagaisi, e matausina goli saina bimwasawasi.”
Tubwa tubugaga inainevisi kabutuvatusi
(Md 12.38-42; Mk 8.12)
29 Oluvi saina tobobawa isigugulasi, Yesu ilivala, kawala, “Tubwa matubona tubugaga; kunainevisi bavagi vavagi siligaga bikibuboti Yaubada ininabwaila paila yeigu, mitaga basakaimi Youna kala kabutuvatusi e gala avai kabutuvatusi tuvaila. 11.29 Md 16.4; Mk 8.12 30 Paila Youna matauna kasi kabutuvatusil Youna eisisu olopola yena naveka eiboda yam kwaitolu deli bogi kwaitolu. Kugisi Md 12.41 kala katumiki. mina Niniba, e makawala goli yeigu latula Tomota kami kabutuvatusi yokomi tubwa matubona. 11.30 You 3.4 31 Giyouvila metoya opilayouyam Minana giyouvila mapilana Siba, mapilawena olumoulela mapilana Arebia opilibolimila. bitotu wa Yamla Yakala e biyakalaimi; paila minana ima metoya saina kaduwonaku kidamwa bilagi la kabitam Solomoni, e ka, yeigu asisu baisa akalisau Solomoni. 11.31 1 Gwe 10.1-10; 2 Lil 9.1-12 32 Mina Niniba bitotusi wa Yamla Yakala e biyakalaimi; paila ininavilasi metoya ola kamituli Youna, e ka, yeigu asisu baisa akalisau Youna. 11.32 You 3.5
Wowom kala kaitapa
(Md 5.15; 6.22-23)
33 “Kidamwa taitala ivakanoti kaitapa, gala bisaili osikowala bwala, kaina bikatubukoli wa peta,n kaina bikatubukoli wa peta.Mimilisi wala buki pilabubogwa gala wala biginisi mabigana. mitaga bisaili ola kabototu, kidamwa tosusuvi bigisaisi lumalama. 11.33 Md 5.15; Mk 4.21; Lk 8.16 34 Matam makawala wowom kala kaitapa. Kidamwa migileu matam, baisa bisimitali wowom komwaidona; mitaga kidamwa matam gaga, wowom komwaidona bidudubila. 35 E kuyamata kidamwa lumalama olumoulem gala bidudubila. 36 Mapaila kidamwa wowom komwaidona itapi, gala pikekita dudubila isisu, komwaidona bogwa bilumalama sainela, makawala kaitapa ilulu bwaina bisimitalaim.”
Yesu ikamituli si bubunela toninitalapula paila Karaiwaga toyo Parisi
(Md 23.1-36; Mk 12.38-40; Lk 20.45-47)
37 Tutala ililivala, taitala Parisio Kugisi makasana Biga Kala Katumiki. inigada baisa matauna bikamkwamsi deli; e isuvi isili bikamsi.p Kugisi Lk 7.38 kala katumiki. 38 Parisi itutu wowola paila igisi Yesu gala biwinabogwaq Mina Yudia kasi karaiwaga kwaitala ibodi biwinabogwa oluvi bikamsi, e ibodi sainela biluluwaisi kidamwa makateki goli leibodaisi tomota bidubadu. oluviga bikamkwam. 39 E Tomoya iluki matauna, kawala, “E yokomi Parisi! Kuwinaisi tapwala viga toyo tapwala kaboma; mitaga olumoulemi ivakasauwaimi mituguguwa deli mitugaga. 40 Mina ninagowa yokomi. Matauna ibubuli tapwala tomota bogwa tuvaila ibubuli olumoulelar Matauna ibubuli tapwala tomota bogwa tuvaila ibubuli olumoulela.Gagabila bitagini, “Ki, avai tau biwini tapwala bogwa tuvaila biwini olumoulela, kadai!” tomota ke? 41 Mitaga ibodaimi bukumitakwaisi metoya baisa olumoulela makwelasina, e vavagi komwaidona bimigileusi paila yokomi.
42 “Mitaga wo yokomi Parisi! Paila kukougugulasi semakavi paila Yaubada e kala vilavila tala metoya luwotala metoya naita deli dibirera deli avai lokwai isisu wa bagula, mitaga gala kuyamataisi karaiwaga duwosisia deli la bobwailila Yaubada. Mitaga ibodaimi mokwita bukuyamataisi makwaisina vavagi kwevakaveka e tuvaila taga kuligaiwaisi mi semakavi paila makaisina kaikikekita. 11.42 Tol 27.30
43 “Wo yokomi Parisi! Paila kuyebwailisi kala kaisisu walakaiwa wa bwala tapwaroru deli kidamwa tomota bibodaimi deli kami taimamila obikubaku. 44 Wo yokomi! Paila yokomi makawala laka gala isim kala kabutuvatusi,s Mina Yudia tuta tuta bikatububulaisi laka deli pwaka mwada gala availa bikabikonimakavi. Kidamwa availa bisula e bikabikoni, tomota bidokaisi matauna bogwa eiyogwali titoulela e bomala bisuvi bwala tapwaroru kaina bikalubaila deli sala mina Yudia. e tomota ililoulasi odubasi makwaisina mitaga gala binikolaisi avaka.”
45 Taitala metoya tokwabitam paila Mosese la Karaiwaga ivitakauloki matauna, kawala, “Tovituloki, kidamwa kulilivala makawala, baisa kululukwaimasi tuvaila.”
46 E ikaibiga, kawala, “Wo yokomi tokwabitam paila Mosese la Karaiwaga tuvaila! Paila kusakaisi baisa tomota si koni kwaimwau, e yokomi titoulemi gala kukwabikonaisi si koni deli kwayatala misikwaikwemi. 47 Wo yokomi! Paila tumimia ikatumataisi tovitoubobuta e yokomi kuyoudilasi kasi laka tovitoubobuta kasi kaboluluwai. 48 Mapaila yokomi kami tosola; kutagwalasi baisa si vavagi tumimia; paila ikatumataisi matausina, e yokomi kuyoudilasi kasi laka. 49 Baisa uula la Kabitam Yaubada ikaibiga, ‘Bawitali baisa matausina tovitoubobuta toyo aposetolo; bikatumataisi mimilisi deli biyogagaisi mimilisi.’ 50 Kidamwa tubwa matubona bimapwaisi buyavisi tovitoubobuta komwaidosi avaka leibusisi metoya baisa kala tumila watanawa. 51 E bimapwaisi metoya obuyavila Eibeli, e meitobu obuyavila Sekaraia,t Kugisi 2 Lil 24.20-22. Makwaina katumata baisa katumata komwaidona kwaibodanim olumoulela mapilana Kabutubogwa, paila uula mapilana buki 2 Liliu kala vigimkovila Kabutubogwa. E makawala goli Eibeli kala katumata baisa katumata komwaidona kwematala olumoulela Kabutubogwa (kugisi Vit 4.8). matauna ikaliga oluwalaisi okabolula deli ola ligisa Yaubada. Mokwita alukwaimi, baisa bivigakaisi kasi mipuki tubwa matubona. 11.51 Vit 4.8; 2 Lil 24.20-21
52 “Wo yokomi tokwabitam paila Mosese la Karaiwaga! Paila kusipukikitaisi buluvala kabitam; yokomi gala kusuvisi titoulemi, e kusilibodaisi matausina availa availa mwada tosusuvi bisuvisi.”
53 E Yesu isilavi baisa e toninitalapula paila Karaiwaga deli Parisi ivitouulasi bikominimanisi deli kasi leiya baisa matauna. Ikatukoyayaisi matauna paila vavagi bidubadu, 54 mwada bikautaisi paila saina magisi biyogagaisi matauna metoya la biga owodola titoulela.
h11:3 Gagabila tuvaila bitagini “avaka bibodi yam lagaila” kainaga “avaka bibodi nabwaia”.
i11:11 kaimapula yena.Mimilisi buki pilabubogwa ikatumkulovaisi “e dakuna kaimapula kaula”; kugisi Md 7.9.
j11:15 Maigana idokaisi igiyuwela yagala matauna Diabolo mwada matauna baloma gaga kasi tokwaraiwaga. Sitana makawala mina Pilisitia si yaubada yagala Bealisebubi; kugisi 2 Gwe 1.2-3.
11:15 11.15 Md 9.34; 10.25
11:16 11.16 Md 12.38; 16.1; Mk 8.11
11:23 11.23 Mk 9.40
k11:24 Idokaisi viloupakala pilimbwailisi baloma gaga, magisi bisigagasi baisa goli.
11:29 11.29 Md 16.4; Mk 8.12
l11:30 Youna eisisu olopola yena naveka eiboda yam kwaitolu deli bogi kwaitolu. Kugisi Md 12.41 kala katumiki.
11:30 11.30 You 3.4
m11:31 Minana giyouvila mapilana Siba, mapilawena olumoulela mapilana Arebia opilibolimila.
11:31 11.31 1 Gwe 10.1-10; 2 Lil 9.1-12
11:32 11.32 You 3.5
n11:33 kaina bikatubukoli wa peta.Mimilisi wala buki pilabubogwa gala wala biginisi mabigana.
11:33 11.33 Md 5.15; Mk 4.21; Lk 8.16
o11:37 Kugisi makasana Biga Kala Katumiki.
p11:37 Kugisi Lk 7.38 kala katumiki.
q11:38 Mina Yudia kasi karaiwaga kwaitala ibodi biwinabogwa oluvi bikamsi, e ibodi sainela biluluwaisi kidamwa makateki goli leibodaisi tomota bidubadu.
r11:40 Matauna ibubuli tapwala tomota bogwa tuvaila ibubuli olumoulela.Gagabila bitagini, “Ki, avai tau biwini tapwala bogwa tuvaila biwini olumoulela, kadai!”
11:42 11.42 Tol 27.30
s11:44 Mina Yudia tuta tuta bikatububulaisi laka deli pwaka mwada gala availa bikabikonimakavi. Kidamwa availa bisula e bikabikoni, tomota bidokaisi matauna bogwa eiyogwali titoulela e bomala bisuvi bwala tapwaroru kaina bikalubaila deli sala mina Yudia.
t11:51 Kugisi 2 Lil 24.20-22. Makwaina katumata baisa katumata komwaidona kwaibodanim olumoulela mapilana Kabutubogwa, paila uula mapilana buki 2 Liliu kala vigimkovila Kabutubogwa. E makawala goli Eibeli kala katumata baisa katumata komwaidona kwematala olumoulela Kabutubogwa (kugisi Vit 4.8).
11:51 11.51 Vit 4.8; 2 Lil 24.20-21