42
1 E oluvi Yobi imapu Guyau, kawala.
Yobi
2 Mwa Guyau! Bogwa lanikolaim komwaidona m peuligaga lokuuvagi.
Vavagi komwaidona avaka magim gagabila goli bukuvagi.
3 E lokukwatupoiyaigu ammakawala yeigu latuvaluwa e lakatukoyai m kwabitam.
Paila yeigu saina tobubeikam.
Alivalimakavi wala makwaisina vavagi gala wala anikoli,
makwaisinaga kabokatubau saina vakaigaga gala ibodaigu bakateta.
4 E bogwa lokulukwaigu banakaigali avai tuta okubigatona,
kidamwa bavigikoni mwada bamapu m kwatupoi.
5 Omitibogwa lalagi wala avaka segwaia leilukwaigusi paila yoku.
Mitaga tuta baisa bogwa lagisimlilaim goli.
6 Baisa ivigaki agu mmosila komwaidona avaka bogwa lalilivali.
Mapaila asili opwaipwaia deli akum agu koula,
e baisa bikibuboti ulo ninavila omatam.
Kabovigimkovila
7 Avai tuta Guyau ivenoku bigatona baisa Yobi, ikaibiga baisa Elipasa kawala, “Yeigu saina agibuluwa baisa yoku deli kasitaiyu samwa,a Matausina Bilidadi deli Sopara; kugisi Yob 2.11. Mitaga gala wala talilagi avaka paila matauna Eliu (kugisi Yob 32-37). paila gala kukwamokwitasi paila yeigu makawala matauna ulo touwata Yobi eiuvagi. 8 Baisa tuta kukwauwaisi nalima nayu bulumakau nammwala deli nalima nayu sipi nammwala e bukuuyokaisi Yobi bukugibukwaisi lula paila yokomi titoulemi. Yobi binigada paila yokomi, e yeigulaga bamapu la nigada, e gala wala bayomsilaimi makawala avaka ibodi bavigakaimi. Yokomi gala kukwamokwitasi paila yeigu makawala matauna eiuvagi.”
9 Elipasa, Bilidadi deli Sopara ivagaisi avaka Guyau bogwa eiluki bivagaisi, e Guyau imapu Yobi la nigada.
10 E avai tuta Yobi inigada paila sala kasitaitolu e Guyau imitukwaii Yobi e ikaimilivau la guguwa saina ikalisau avaka eiyosibogwi omitibogwa. 11 Komwaidosi Yobi budala deli luleta e deli tobubogwa sala imaisi ivakawolaisi matauna e ikamkwamsi deli matauna ola bwala. Komwaidosi inokapisaisi matauna e ivisimolaisi matauna paila komwaidona vavagi mwau Guyau leimiaki matauna. Taitala taitala isakaisi matauna sitana mani deli kwaitala kakalougwa goula.
12 Yobi la kaisisu kala vigimkovila Guyau ikabwaili saina vakaigaga, gala makawala eikabwailibogwi okala vitouula. E Yobi la yayosa titoulela iboda 14,000 sipi, lakatuluwolima lakatuluwotala kameli, lakatuluwoyu bulumakau, deli goli lakatuluwotala ase. 13 E litula kasi bawa tailima taiyu tauwau deli natolu vivila. 14 Idoki vilitomoya latula yagala Yemaima, viluluwala Kesia, e vilagwadi Kereni Apuki. 15 Ovalu watanawa komwaidona vilesi gala natana makawala minasina Yobi litula, saina wala naminibwaita.b Minasina Yobi litula vivila saina naminibwaita, e igasi ikibuboti nanamsela migabwaila goli. Maigana Yemaima kala katumiki “bubunerora”; maigana Kesia kala katumiki “butia”; e maigana Kereni Apuki kala katumiki “kabosakaila soba”. E tumasi isaiki minasina natana natana kala bigukeya makawala lusitaia.
16 Yobi isisu lakatutala kweluwovasi kala taitu, e igisi tubula deli goli tubula litusia. 17 E oluvi ikaliga e saina tomoyabogwa.
a42:7 Matausina Bilidadi deli Sopara; kugisi Yob 2.11. Mitaga gala wala talilagi avaka paila matauna Eliu (kugisi Yob 32-37).
b42:15 Minasina Yobi litula vivila saina naminibwaita, e igasi ikibuboti nanamsela migabwaila goli. Maigana Yemaima kala katumiki “bubunerora”; maigana Kesia kala katumiki “butia”; e maigana Kereni Apuki kala katumiki “kabosakaila soba”.