4
Si bigatona sivimatala
(4.1—14.22)
Elipasa
1-2 Mwa! Yobi, ki - kudokiga bukugibuluwa kidamwa balivala?
Ka, yeigu gala wala ibodi bakapatu tuvaila.
3 Paila yoku bogwa lokuvituloki bidubadu tomota,
deli kukwatupewoli tomamama.
4 E avai tuta taitala bimama kaina bisomata, matauna bisilubeibeu,
mitaga m biga wala bikatupewoli matauna bitokaia.
5 E baisa tuta yoku lokuboda mwau.
Lokulumkoli mmayuyu e gala gagabila avaka bukuvagi.
6 Yoku kutitapwaroru baisa Yaubada, e gala wala isim pikolela wowom.
Mapaila ibodaim bukutotu peula deli m pikwaku
7 Kunanamsa - ki, gagabila bukulukwaigu avai tuta
taitala tomitukwaibwaila isilagi?
8 Yeigu bogwa lagisi tomota isupusopusi bigulela mitugaga,
e isisapwaisi bubunela gaga mwada kasi yagogu.
Ka, baisa tuta eititaiyauwaisi bubunela gaga deli mitugaga.
9 Mapaila makawala utuyagila la paisewa, Yaubada ikatumati matausina metoya ola gibuluwa.
10 Tomitugaga iguguvavilasi deli igutogotasi makawala laiyoni,
mitaga Yaubada ikatuminum matausina e ikouwoli kudusi.
11 Matausina makawala minasina laiyoni kidamwa gala avaka isisu paila bikatumataisi e bikomasi.
Makawala wala matausina bogwa ikaligasi e komwaidosi litusia iwaki neuya.
12 Tuta kwaitala biga imakaiagu kwaimanum,
e saina manum la biga, gala ibodi baligimlili.
13 Makawala wala mimigaga bogwa iyobosi ulo masisi. 4.13 Yob 33.15
14 Asibalutuva deli ulo tatuva,
e wowogu tomwaidogu wala itatatuva deli kokola.
15 E suwonumla myala imyi migigu,
deli wowogu itulukwaidudu deli agu kokola.
16 E bogwa agisi kwaitala vavagi itotu baisa.
Amituuvili makwaina, mitaga gala wala avaka avitusi avai vavagi.
E oluvi anakaigali kaigila luluwala kawala,
17 “Ki, igagabila Yaubada bigisi avai tau e bidoki matauna tomitukwaibwaila?
Kaina Tobubuli bigisi matauna availa eibubuli e bidoki matauna tobwaila goli?
18 Yaubada gala wala idubumi la touwata mina labuma.j Baisa mabudona anelosi iwotitalaisi Yaubada.
Matauna tuvaila ibani sula metoya baisa anelosi goli!
19 Ki, kudoki Yaubada bidubumi matauna availa eibubuli metoya omlomwaluva?
Matauna ibubuli tomota metoya opwaipwaia wala,
e saina gagabila bikatumati, makawala liwoliusa kala kimata.
20 Tau taitala kaina bisisu tomomova kaukwau,
mitaga igau gala bidudubali matala matauna bikaliga, e gala wala availa binikoli.
21 Komwaidona la guguwa eiyosi bikauwaisi bilauwaisi,
e matauna tolubulobwaga wala bikaliga.”