1 Oluvi Pailato ilau Yesu, e ikaraiwaga iwawaiyasi matauna. 2 E tokwabilia ivilaisi doula kala butia isailisi okulula, e ivisikomaisi matauna deli kakapula yabweyani. 3 E imakaiasi matauna, deli si tabunobwana, kawasi, “Mwa! Si giyouveka mina Yudia!” E ikipitataisi yumasi iwawaiyasi matauna.

4 E Pailato isunupulovau, e iluki matausina, kawala, “Ka, lamai matauna baisa yokomi kidamwa bukunikolaisi gala avaka kala pakula labani.” 5 Mapaila Yesu isunapula deli butiela toyo kakapulela yabweyani. E Pailato iluki matausina, kawala, “Kugisasi, matowenala, ka!”

6 Tutala tolula kasi tokugwa toyo towotetilat Baisa mabudona toyausa; kugisi Yn 7.32 kala katumiki. igisaisi matauna, iwaiweyasi, kawasi, “Kukwatukorosi, kukwatukorosi.”

Pailato iluki matausina, kawala, “Kukwauwaisi e kukwatukorosaisi matauna titoulemi. Paila gala avaka kala pakula labani.”

7 Mina Yudia ivitakaulokaisi matauna, kawasi, “Kama Karaiwagasi isisu, e ibodi Karaiwaga makwainau Kugisi Tol 24.16. kidamwa matauna bikaliga, paila uula leivigaki titoulela Yaubada Latula.”

8 Tulala ilagi biga mabigana, Pailato saina ikokola; 9 e isuvau ola bwala, ikatupoi Yesu, kawala, “Yoku am mokutoya?”

Mitaga Yesu ikatukubona. 10 Mapaila Pailato iluki matauna, kawala, “Ki, gala sitana kulivala baisa yeigu? Ki, kaina gala kunikoli isim ulo karaiwaga batanekwaim e isim ulo karaiwaga bakatukorosaim?”

11 Yesu ivitakauloki matauna, kawala, “Gala igagabila bukukwaraiwogaigu kidamwa gala lokubani kam kwaraiwaga metoya walakaiwa; mapaila matauna ikasalaiguv Matauwena tolula toveka (kugisi makasana Biga Kala Katumiki). baisa yoku, kala pakula ikalisau.”

12 Mauula baisa Pailato mwada bitaneku matauna, mitaga mina Yudia iwaiweyasi, “Kidamwa kutaneku matauwena, yoku gala Sisa lubaila; availa ivigaki titoulela giyouveka, matauna ipoisivisi baisa Sisa.”

13 Tutala Pailato ilagi baisa, ivakouli Yesu ivisunupuloi, e isili okabosili yakalaw ivisunupuloi, e isili okabosili yakala.Gagabila bitagini “ivisunupuloi isaili okabosili yakala”. mapilana idokaisi “Kwedudubuna Dakuna”, e obonasi mina Yudia “Gabada”. 14 E yam makwaina kaina ilalavi yamla katubaiasa paila Luvapela Pakala. E iluki mina Yudia, kawala, “Kugisasi mi giyouveka, ka!”

15 E iwaiweyasi, kawasi, “Kulau, kulau, kukwatukorosi matauna.”

Pailato ikatupoi matausina, kawala, “Ki, bakatukorosi mi giyouveka?”

Tolula kasi tokugwa ivitakaulasi, kawasi, “Gala availa ma giyouvekasi, mesinaku Sisa wala.”

16 Mapaila ikasali Yesu baisa matausina kidamwa bikatukorosaisi matauna.

17 Mapaila ilauwaisi Yesu, e isunapula ikeula kala korosi, ila mapilana baleku idokaisi Viluwela Pwaneta, e obonasi mina Yudia, Goligota. 18 Baisa ikatukorosaisi matauna, e deli kasitaiyu tuvaila, taitala ola kakata, taitala ola kikiwama; e Yesu itowala. 19 Pailato igini pilatala ginigini, e isailisi wa korosi; e baisa kala ginigini, “Yesu guma Nasaredi, si Giyouveka mina Yudia.” 20 Bidubadu mina Yudia ikalawasi ginigini makwaina; paila mapilana ambaisa leikatukorosaisi Yesu katitaikina valu, e leiginisi obonasi mina Iberu toyo mina Roum toyo mina Girisi. 21 Mapaila mina Yudia si tolula kasi tokugwa ilukwaisi Pailato, kawasi, “Taga kugini, ‘Si Giyouveka mina Yudia’, mitaga, ‘Matauna leikaibiga, Yeigu si Giyouveka mina Yudia.’ ”

22 Pailato ivitakaula, kawala, “Bogwa lagini, e bikanigaga goli.”

23 E tutala tokwabilia leikatukorosaisi Yesu, ikauwaisi kala kwama, e isigalaisi yavasi baisa tokwabilia taitala taitala kala vilavila. Mitaga kakapula yawonaku gala isigalaisi; paila miyana yatubumwaidona ibisidudulaisi. 24 Mapaila ibigatonasi, kawasi, “Gala bitakisaisi miyana, mitaga bitakowobobutasi, availa biyosi miyana.” Baisa ikaloubusi kidamwa Buki Pilabumaboma kala ginigini makwaina gala bisala, kawala, 19.24 Sam 22.18

25 Mitaga mimilisi itotusi katitaikina Yesu kala korosi; baisa inala, toyo inala tuwala, minana Kilopasi la kwava Meri, toyo Meri Magidala.x Minana ilela Magidala mapilana katitaikina Milaveta Galili opilikwaibwaga. 26 Mapaila tutala Yesu igisi inala, deli matauna toligalega tombwailila itoviduli minana, iluki inala, kawala, “Ve! Ka, latum!”

27 Oluvi iluki matauna toligalega, kawala, “Ka, inam!” Metoya wa tuta matutowena toligalega ilau minawena ola bwala tatoula.

28 Oluvi Yesu inikoli vavagi komwaidona bogwa leivigimkulovi. Mapaila kidamwa Buki Pilabumaboma gala bisala, ikaibiga, kawala, “Agu daka.” 19.28 Sam 22.15; 69.21

29 Itotu baisa kwelatala waini pwayuyu; mapaila ividagwaisi silumwaiya deli waini pwayuyu ibabaisi okaiyala isailisi owodola. 30 Mapaila tutala Yesu leimom waini pwayuyu, ikaibiga, kawala, “Bogwa leiwokuva.”

E iluvagodu, e ikaliga.

31 Yam makwaina yamla katubaiasa; e, mina Yudia gala magisi tomata uwosi bisisuaisi wa korosi wa yam sabate, paila sabate makwaiwena kala kikila isiligaga.y Uula yam makwaina yamla Luvapela Pakala. Mapaila inigadaisi Pailato kidamwa tokwabilia bikatuuwoulaisi kaikesiz Mwada nani bikaligasi. e bikauwaisi uwosi. 32 Mapaila tokwabilia imaisi, ikatuuwoulaisi kaikesi taitala deli taiyuwela sosola leikatukorosaisi deli Yesu. 33 Imakaiasi Yesu, mitaga tutala igisaisi bogwa ikaliga, gala ikatuuwoulaisi kaikela. 34 Mitaga taitala tokwabilia ibasi visiala okaiyala; e nanakwa buyavi toyo sopi igiposisi. 35 Matauna leigisi baisa bogwa eisola. Kanikolaisi la silasola mokwita wala; e matauwena tosola inikoli bogwa ikamokwita, kidamwa yokomi goli bukudubumaisi.a bukudubumaisi. Mimilisi buki pilabubogwa iginisi “bukusetuwolaisi dubumi”. 36 Paila baisa ikaloubusi kidamwa Buki Pilabumaboma gala bisala, “Gala kaitala totuwana bitawoula.” 19.36 Sun 12.46; Baw 9.12; Sam 34.20 37 E tuvaila Buki Pilabumaboma ikaibiga, “Bigigisaisi matauna availa leibasaisi.” 19.37 Sek 12.10; YG 1.7

38 Isisu Yosepa Alimatia,b Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km). matauna taitala la toligalega Yesu, mitaga ikiwola paila uula ikukoli mina Yudia. Matauwena inigada Pailato kidamwa bikau wowola Yesu, e Pailato itagwala. Mapaila ima, ikau wowola. 39 E tuvaila Nikodimo, matauna ikugwa imakaia Yesu wa bogi, ima e imai makaisina bulami, kai pwatigasic Kugisi mro olumoulela Biga Kala Katumiki. kaituva toyo lileikoya bogwa ikepupoli mokaisi kaina biboda yaluwotolu lukwava. 19.39 Yn 3.1-2 40 Mapaila ikauwaisi wowola, ikapolaisi omwaikapula yapupwakau deli bulami makaisina, makawala mina Yudia kasi gulogula paila visalili. 41 E mapilana ambaisa leikatukorosaisi Yesu isisu kwaitala bagula; e wa bagula isisu laka kwaivau ambaisa gala availa bikanaki. 42 E yam makwaina yamla katubaiasa e mina Yudia si sabate makati; e ibakwaisi Yesu baisa, paila laka isisu katitaikina.