52
Yaubada bikoli Yerusalem
1 Mina Yerusalem, kupapeulasi e kukwaigalaisi mi valu!
Ibodi Yaubada la valu viloubumaboma bukukwatububulaisi kala gigisa bibwaina.
Matausina gala inikolaisi Yaubada gala wala avai tuta bisuvisi okalapisilela mi valu tuvaila. 52.1 YG 21.2,27
2 Mina Yerusalem, ibodi bukukosovalisi!
Kutokaiasi metoya opwaipwaia e kusilaisi omi takaikaia!
Tomotala Saiyoni yokomi eikatupipaimi,
kutalikwaisi miyasina tanumnumta eiyuwolaimi.
3 Guyau iluki la tomota kawala, “Avai tuta yokomi eivigakaimi ula, gala wala igimlokaimi wa mani oluviga bilauwaimi. E makawala goli yeigu gala wala avaka bamapu matausina paila batanekwaimi. 4 Omitibogwa lokulosi Itipita e kusisuaisi makawala mina gilagala, e baisa yokomi wala titoulemi mi tagwala lokulosi. Mitaga mina Asiria imaisi deli si peula iyosaimi e ilauwaimi e gala wala avaka igimlokaimi oluviga bilauwaimi. 5 E baisa tuta e vavagi makwaina makala wala eikaloubusi baisa yokomi mapilana Babilonia. Yokomi eikatupipaimi e ilauwaimi e gala wala avaka igimlokaimi. E matausina availa eiguyoiyaimi ikamnomwanasi deli ninasi walakaiwa e tuta komwaidona ikaluwouwaigusi wala. 52.5 Rm 2.24 6 Mitaga ka, igau tuta bima yokomi bukusimokwitasi yeigu wala Yaubada deli avaka bogwa lalukibogwaimi.”
7 O ina bwaina kidamwa bitagisi
taitala touwata eimaima olilina koya,
matauna eimmai bulogala bwaina, bulogala paila vakota!
Matauna bikamituli kalisewa deli biluki mina Saiyoni,
kawala, “Mi Yaubada matauwena Guyau!” 52.7 Neu 1.15; Rm 10.15; Ep 6.15
8 Matausina eiyuuyausasia Matausina tokaivala iwayausasi mina katupipi bikaimilavausi osi valu tatousi. valu eigougovasi.
Ka, komwaidosi eigougovasi deli si mwasawa!
Matausina bogwa eigisaki mitasi
paila Guyau bogwa eikaimilavau leima Saiyoni.
9 Yokomi lokusivagasisi Yerusalem avai tuta eikodidaimisi,
kugovasi deli mi mwasawa!
Paila Guyau bogwa bikoli la valu,
deli bivisimoli la tomota.
10 Guyau bikatumovi la tomota metoya ola peula kwebumaboma,
e mina watanawa komwaidona bigisaisi goli.
11 Yokomi kala tokeula guguwala Bwala Kwebumaboma,b Tokeula matausina tolula deli mina Libai. Avai tuta mina Babilonia eiyoulisi Yerusalem itapeilisi guguwala Bwala Kwebumaboma. Kugisi 2 Gwe 25.13-15; Esi 1.7-11. 52.11 2 Kr 6.17
ibodi bukusilavaisi Babiloni.
Kukwabomaimi bibwaina avai tuta bukusilavaisi,
e gala avai vavagi kaboyogwala bukukwabikonaisi.
12 E baisa tuta gala biyowa lupomi mwada bukukwalubaigogunasi avai tuta bukusilavaisi mapilana,
kaina bukusakaulasi metoya kami tilaula.
Paila Guyau matauna bivakadaimi,
e da Yaubadasi mina Isireli matauna bivakwabwaimi.
Yaubada la touwata iboda kala mmayuyu
13 E Guyau eilivala kawala,
“Ka, ulo touwatac Ais 52.13—53.12 baisa pilivasila wosi paila Guyau la touwata (kugisi Ais 42.1; 49.1; 50.4). bogwa wala bipeula ola wotetila,
e matauna kala taimamila saina walakaiwa sainela.
14 Bidubadu tomota saina itutu uwosi avai tuta leigisaisi matauna,
e matauna wowola nebanebawokuva wala,
e gala ibodi bitavitusi mwada matauna tomotatoula.
15 Mitaga tuta baisa avai boda avai boda bitulaulasi baisa matauna,
e gweguya bogwa wala bitutuvakau ninasi e gala wala kabolivala.
Matausina bogwa bigisaisi e bikatetasi,
vavagi makwaisina gala avai tuta inikolaisi.” 52.15 Rm 15.21
52:1 52.1 YG 21.2,27
52:5 52.5 Rm 2.24
52:7 52.7 Neu 1.15; Rm 10.15; Ep 6.15
a52:8 Matausina tokaivala iwayausasi mina katupipi bikaimilavausi osi valu tatousi.
b52:11 Tokeula matausina tolula deli mina Libai. Avai tuta mina Babilonia eiyoulisi Yerusalem itapeilisi guguwala Bwala Kwebumaboma. Kugisi 2 Gwe 25.13-15; Esi 1.7-11.
52:11 52.11 2 Kr 6.17
c52:13 Ais 52.13—53.12 baisa pilivasila wosi paila Guyau la touwata (kugisi Ais 42.1; 49.1; 50.4).
52:15 52.15 Rm 15.21