9
Guyau ikamogi mina watanawa
1 Agisi Guyau itotu opapala kabolula. E ilivala la karaiwaga. Kawala, “Kuwaiya kokolela Bwala Kwebumaboma omitasi e kukwatuminimani kidamwa bwala komwaidona biyega. Kukwatuwoli mitasi kokola makaisina kidamwa bikapusisi odubasi tomota bimtuli wala. E kesalaga tomota yeigu bamtuli okabilia. Gala availa bisakaula e gala availa bikoli. 2 Kaina bikilikelisi mwada bisuvisi osi valu tomata,i Idokaisi mapilana valu makawala lagi saina kwevakaigaga osikowala pwaipwaia. yeigu babokavili bayosi. Kaina bimwenasi bilosi walakaiwa wa labuma, e yeigu bavabu matausina. 3 Kidamwa bikanukwenusi odabala makwaina Koya Kamela, yeigu banevi e bayosi wala. Kaina goli bisalilisi bilosi otilibwabwau mwada bisipepunisi, e yeigu baluki minana Dokanikani,j Mina Yudia idokaisi natana dokanikani navakaigaga isisu otilibwabwaula bolita, e Yaubada ikikaraiwogi minana. minana guyoula mapilana, kidamwa bigadi matausina. 4 E kidamwa kasi tilaula bikauwaisi matausina deli kasi katupipi, e yeigu bogwa bakaraiwaga mwada bimtulaisi bidoumsi. Paila bogwa lanagi bamtuli wala, e gala goli bapilasi matausina.”
5 Guyau Topeuligaga ikabikoni valu watanawa,
e itokaia likuliku.
Komwaidosi mina watanawa ivalamsi.
Valu komwaidona bidumdum makawala sopi wa Waya Naili.k Kugisi kala katumiki Emo 8.8.
6 Guyau ibudi la valu wa labuma,
e isaili labuma odabala pwaipwaia kala gigisa makawala kailuya.
Idou sopi metoya obolita,l Kugisi Emo 5.8.
e iligabu bila opwaipwaia.
E matauna yagala Guyau.
7 E Guyau ikaibiga, kawala, “Ka, mina Isireli, aninamsi mina Sudani makawala goli aninamsaimi tuta tuta. Makawala akaimali mina Pilisitia metoya mapilana Kiriti, deli mina Siria metoya mapilana Kiri,m Kiri.Kugisi Emo 1.5. makawala goli yokomi lakaimilivauwaimi metoya mapilana Itipita. 8 E yeigu wala Guyau Yaubada amitakavati mina Isireli saina mina mitugaga e makateki bakatudidaimi metoya odabala pwaipwaia. Mitaga gala bakatudidaimi komwaidosi Yekobe dalela.
9 “Basaiki karaiwaga, e bakatukili mina Isireli makawala tasaili witi okabokatukila. Bakatukili matausina oluwalaisi mina watanawa bakau bakatupali availa availa matausina gala isim dimlesi. 10 Komwaidosi availa availa ilivalasi, ‘Yaubada gala bitagwala avai vavagi mwau biyogagaidasi’ - e matausina goli tomitugaga oluwalaisi ulo tomota bikaligasi okabilia.”
Igau mina Isireli bikaimilavausi
11 Guyau ikaibiga, kawala, “Igau kwaitala yam bima, bavigivau la kabokwaraiwaga Debida, makwaiwena tuta baisa makawala kwaitala bwala bogwa ikapusi ikatumsomsoli. Bavigivau tabodala, e bikwaivau tuvaila. Bakaliivau makwaina makawala omitibogwa kala kaliai. 9.11-12 VA 15.16-18 12 E mapaila mina Isireli bivayoulisi avaka kesala si pwaipwaia mina Edom, e deli goli bikauwaisi komwaidosi kabokwaraiwaga makwaisina omitibogwa ulo vavagi titoulegu.” Baisa Guyau ilivala, matauna uulela bikaloubusi makawala.
13 Guyau ikaibiga,
“Ka, wa yam makwaisina bima,
witi saina nanakwa bisusina,
e gala gagabila bukuvinakwaisi tayoyuwa, bogwa bisusinovau.
Deli matamsina waini saina nanakwa bibukulasi,
e gala gagabila bukuvinakwaisi bukuvigakaisi kami waini,
paila bogwa biuwovau goli.
E koya makwaisina bibubusisi kala simokainia waini,
deli koya kwekikekita bisosusi e bidumyelu wainiwokuva wala.
14 E bakaimali ulo tomota bikaimilavausi osi valu.
Matausina bivigivauwaisi si valu kala kodadaimi, kidamwa bisilaisi baisa.
E matausina bibigubagulasi bigulela waini e bimomsi kasi waini.
Deli matausina bivaulasi avaka osi bagula e igau bikamsi avaka eivalaisi.
15 E yeigu bavali ulo tomota baisa osi valu bogwa lasaiki matausina,
e gala availa bisabuvau matausina.”
Guyau mi Yaubada bogwa leilivala.
i9:2 Idokaisi mapilana valu makawala lagi saina kwevakaigaga osikowala pwaipwaia.
j9:3 Mina Yudia idokaisi natana dokanikani navakaigaga isisu otilibwabwaula bolita, e Yaubada ikikaraiwogi minana.
k9:5 Kugisi kala katumiki Emo 8.8.
l9:6 Kugisi Emo 5.8.
m9:7 Kiri.Kugisi Emo 1.5.
9:11 9.11-12 VA 15.16-18