1 Ka, lalagi mimilisi ikikaibigasi kidamwa kwaitala bubunela saina gegedu isisu oluwalaimi. E kala gegedu saina mwaugaga, e matausina gala inikolaisi Yaubada bipakaisi e gala avai tuta bivagaisi makawala. Paila leilukwaigusi kidamwa taitala yokomi imisii minana inala eisivau bwala.q Kasi Karaiwaga mina Roum deli mina Yudia isibodi veivai kidamwa tau mwada bivaisi deli inala eisivau bwala (kugisi Tol 18.8). 5.1 Kak 22.30 2 E ammakawalaga yokomi mina dubakasala? Kaimapula wala ibodi bikiuta ninami, deli kidamwa bukuyabaisi matauwena eikavi kala kaboma titoulela, e bisunapula metoya baisa ekalesia. 3 E kaina yeigu titoulegu asikaduwonaku metoya baisa yokomi, mitaga makawala yeigu bilomagu asikailimi. Ka, yeigu wodola da Guyausi Yesu, e makawala goli asikailimi tuta baisa, bogwa lakamogi matauwena la bubunela kala gegedu makawala. 4 E kala tuta bukusigugulasi, yeigu bilomagu deli tasigugulasi, metoya ola peula da Guyausi Yesu, matauna deli tasisuaisi. 5 E kala tuta tasigugulasi makawala, ibodaimi bukutugwalaisi matauna tomitugaga bikaimilavau baisa Setani.r Matauna mitugaga kala tokwaraiwaga, e maigana kala kivila “Tosilaboda”. Ibodi wala wowola biboda kala lewa mwaus Kaina Paulo eilivala kidamwa matauna tomitugaga wowola biboda kala kamwaga bikaliga paila uula valu kala karaiwaga, mitaga la baloma bimova wa tuta matutona Yaubada biyakali. kidamwa la baloma biboda kala katumova ola Yam Guyau.t Kugisi 1 Kr 1.8 kala katumiki.

6 E gala bibodi bukukwamnomwanasi. Bogwa kunikolaisi mabigana bigivakala, kawala, “Bitakenevigoli yisi sita pikekita wala deli pwarawa okaboma e baisa bisapila bivigaki beredi.” 5.6 Gl 5.9 7 Ibodi bukuligaiwaisi makwaina yisi kwaibogwa, baisa goli mitugaga, kidamwa yokomi budomwaidona bukumigileusi e gala bisim mi pupagatu. Mapaila bukuvigakaimi titoulemi makawala pwarawawokuva gala deli kala yisi.u Kugisi makasana Biga Kala Katumiki. E mokwita wala anikolaimi kidamwa yokomi makawala wala. Paila kada pakasi Luvapela Pakala bogwa katitaikina. Bogwa ikatumataisi minana lam paila Luvapelav Kugisi makasana Biga Kala Katumiki. Pakala lulela, matauwena Keriso. 5.7 Sun 12.5 8 Mapaila ibodi bitapakasi kada pakasi Luvapela wala. Ka, paka makwaina gala bibodi pwarawa deli yisi kwaibogwa, baisa bubunela gaga deli gegedu. Mitaga bibodi wala pwarawa gala isim kala yisi, baisa bubunela migileu deli kwekamokwita. 5.8 Sun 13.7; Kak 16.3

9 Bogwa lagini mi leta miyana yabogwaw Kaina leta miyana eitamwau. Mitaga mimilisi tokabitam idokaisi isisu wala olumoulela miyana 2 Korinita (kugisi 2 Kr 6.14—7.1). lalukwaimi gala bukutolalasi osi daili tomitugaga. 10 Taga gala makawala nanogu mwada bukusilavaisi matausina tokamdebi, availa availa tomitugaga, kaina togugoveka, kaina tokowolova karaiwaga, kaina matausina itapwarorusi baisa tokolu. Kidamwa bukusilavaisi matausina bibodi wala bukusilavaisi valu watanawa. 11 Mitaga nanogu gala bukutolalasi ola daili availa idoki titoulela totapwaroru, mitaga tomitugaga matauna, kaina togugoveka, kaina ititapwaroru baisa tokolu, kaina tosilapulu, kaina tomomom, kaina tokowolova karaiwaga. Kidamwa avai totapwaroru la bubunela makawala gala bukukwamveyawasi deli matauna.

12-13 Mitaga gala ulo vavagi kidamwa bayakali matausina opayumila. Yaubada wala biyakali matausina. Mitaga yokomi ibodi wala bukuyakalaisi matausina availa availa omi boda. Makawala goli Buki Pilabumaboma kala ginigini isisu, “Kukwauwaisi tomitugaga, kuligaimwaisi metoya omi boda.” 5.12-13 Kak 13.5; 17.7