1 Hermanos, vocame c'o jun cosa nakajo' nakabij chiva chij re k'ij tak xtipa chic jun bey re Kajaf Jesucristo chin no'rmola-ka kachi'.✡ Mt 24.31; Mr 13.27; Ef 1.10; 1 Ts 4.17. 2 Kac'axan che xtzijos chiva che re k'ij chin nipa re Ajaf ja xbeka-yan. Pero xa tz'ucuj-tzij. Y man kataman-ta chuka' anchique re xtz'ucu quire' chivach. Riq'uin ba' xa jun ache re xk'olo ivichin che ja re Espíritu Santo xbin quire' cha. O xa choj quire' xic'axaj. O vo xa c'o jun carta re ic'ulun pa kabe' yoj c'o-va-a. Man tinimaj✡ 1 Jn 4.1. y man tisatz ic'o'x. 3 Man c'a quixk'olotaj pa quik'a' xabanchique vinak re ye'bin che re Jesucristo xbeka-yan. Roma tak nipa-yan re Jesucristo, camas je q'uiy re xque'yi'o can richin re Dios. Y xte'ka chuka' jun ache re ec'uan roma re etzelal,✡ Dn 7.25; Jn 17.12; 1 Ti 4.1; Ap 13.11. roma can xe-va re' re nika chach nuban. Pero reja' can xtapon-va ruk'ij tak xte'ka re namalaj castigo pa rue'. 4 Pero tak c'amaje-na tika re namalaj castigo pa rue' re itzel ache re', reja' xte'tz'uye' pa rachoch re Dios, y xtubij: Ja yen re Dios, y man jun chic dios c'o. Xe yen,✡ Is 14.13; 1 Co 8.5. xticha' re itzel ache re'. Y man xtuya-ta k'ij chique re vinak che xtiquiya-ta ruk'ij re katzij Dios y ni xe-ta re man je katzij-ta dios.

5 Yex can ne'ka chi'c'o'x che tak xinc'ue' iviq'uin, can ximbij ronojel re' chiva. 6 Y mare' itaman re anchique banayon cha che c'amaje-na tibanataj ronojel re'. Pero tak xtapon re k'ij, can xte'c'ulun-va-pa re itzel ache re'. 7 Can katzij-va che q'uiy chic etzelal ntajin vocame. Y re etzelal re' man can-ta nik'alajin roma c'o jun re k'atayon richin. Pero tak re jun re k'atayon richin elisan chic-a,✡ 1 Jn 4.3. 8 jare' tak xte'c'ulum-pa re ache re can ec'uan-va roma re etzelal. Pero tak xtipa chic jun bey re Ajaf Jesús, can riq'uin re ruchi' xtuquimisaj-va re itzel ache re' tak xtuxipuj-a.✡ Job 4.9; He 10.27. Y chuka' riq'uin re rusakil xtuq'uis. 9 Pero tak xte'c'ulum-pa re itzel ache re', can c'o-va ru-poder re Satanás✡ Dt 13.1; Jn 8.41; Ef 2.2. riq'uin, mare' camas q'uiy cosas xque'rubanala', y chuka' xque'rubanala' milagros chin che xtinimax. Y re xque'rubanala' xaxe chin che xque'ruk'ol✡ Mt 24.24; Ap 18.23. re vinak. 10 Y mare' je q'uiy vinak can xque'k'olotaj-va pa ruk'a'. Re xque'k'olotaj ja re vinak re man xtiquijo-ta re katzij ch'abal chin xque'colotaj chupan re quimac, y mare' xa pa k'ak'✡ 2 Co 2.15; 4.3. xque'bo-va. 11 Mare' re Dios xtuya' k'ij che xque'k'olotaj✡ 1 R 22.22; Ez 14.9; Mt 24.5; 1 Ti 4.1. y che xtiquinimaj re man katzij-ta ch'abal. 12 Chin quire' xtika re castigo pa quive', roma man xquinimaj-ta re katzij ch'abal, xa camas xka chiquivach xquiban✡ Ro 1.32; 2.8. re etzelal.

13 Jac'a yex hermanos, re Ajaf yixrajo'. Mare' can nojel tiempo nakatioxij cha re Dios ivoma yex, roma can c'amaje-na tic'ue' re ruch'ulef, jare' tak xixrucha-yan✡ Ef 1.4. re Dios chin yixcolotaj chach re imac. Y xixcolotaj roma xiban confiar-ivi'✡ 2 Ts 1.3. riq'uin re katzij ch'abal, y chuka' roma re Espíritu Santo xuch'ojersaj✡ 1 P 1.2. re ic'aslen. 14 Re Dios xixrayoj chin xixcolotaj. Y ja tak yoj xkatzijoj re utzulaj ch'abal chin re Dios chiva re nibex evangelio cha, jare' tak xixcolotaj. Re Dios can nrajo' che yixe'c'ue' riq'uin re Kajaf Jesucristo re c'o ruk'ij y chuka' yex xtic'ue' ik'ij.✡ 1 Ts 2.12.

15 Mare' hermanos, man timistaj re xkac'ut✡ 1 Co 11.2; 2 Ts 3.6. chivach tak xojc'ue' iviq'uin. Y man timistaj chuka' re xkabij chupan re carta re xkatak iviq'uin. Xa can titzekelbej re Ajaf. 16 Camas yojrajo' re Karta' Dios y re Kajaf Jesucristo,✡ Jn 3.16; 13.1; 15.9; Ro 5.8; Ef 2.4; 1 Jn 4.10; Ap 1.5. y nojel tiempo nucukuba' kac'o'x tak nakac'alvachij xabanchique cosa. Roma camas q'uiy utzil rubanon kaq'uin, mare' tak kayaben re k'ij tak xkojba chila' chicaj. 17 Reja' xtucukuba-ta✡ Col 2.2. ic'o'x yex y xtuya-ta ivuchuk'a'✡ 1 Ts 3.13. chin quire' can rion-ta re otz xtiban y xtibij.