1 આવો, આપણે યહોવાહની સમક્ષ ગાઈએ;

આપણા ઉદ્ધારક ખડકની આગળ હર્ષનાદ કરીએ.

2 આભારસ્તુતિ સાથે તેમની હજૂરમાં આવીએ;

આવો આપણે ગીતોથી તેમની સમક્ષ હર્ષનાદ કરીએ.

3 કારણ કે યહોવાહ મહાન ઈશ્વર છે

અને તે સર્વ દેવો પર મોટા રાજા છે.

4 તેમનાં હાથમાં પૃથ્વીનાં ઊંડાણો છે;

પર્વતોનાં શિખરો પણ તેમનાં છે.

5 સમુદ્ર તેમનો છે, કેમ કે તેમણે તે બનાવ્યો છે

અને તેમના હાથોએ કોરી ભૂમિ રચી.

6 આવો, આપણે તેમની સ્તુતિ કરીએ અને નમીએ;

આવો આપણે આપણા કર્તા યહોવાહની આગળ ઘૂંટણિયે પડીએ.

7 કારણ કે તે આપણા ઈશ્વર છે

અને આપણે તેમના ચારાના લોક તથા તેમના હાથનાં ઘેટાં છીએ.

આજે, જો તમે તેમની વાણી સાંભળો તો કેવું સારું!

8 “મરીબાહ* 95:8 સંઘર્ષમાં કર્યાં હતાં તેમ, તમારા હૃદય કઠણ ન કરો,

અને જેમ અરણ્યમાં માસ્સા† 95:8 પરીક્ષણ ને દિવસે,

9 જ્યાં તમારા પિતૃઓએ મારી કસોટી કરી

અને તેઓએ મને પારખ્યો તથા મારું કૃત્ય જોયું.

10 કેમ કે ચાળીસ વર્ષ સુધી હું તે પેઢીથી કંટાળી જતો હતો

અને કહ્યું, ‘તે આ જ લોકો છે, કે જેઓનાં હૃદયો કુમાર્ગે ભટકી ગયાં છે;

તેઓ મારા માર્ગો જાણતા નથી‡ 95:10 તેઓ મારા આજ્ઞાઓ પાળ્યા નહિ.’

11 માટે મેં મારા ક્રોધમાં સમ ખાધા

કે તેઓ મારા વિશ્રામમાં પ્રવેશ કરશે નહિ.”