Η Καινή Διαθήκη Hebrews 10

Animal blood is insufficient

1 Σκιὰν γὰρ ἔχων ὁ νόμος τῶν μελλόντων ἀγαθῶν, οὐκ αὐτὴν τὴν εἰκόνα τῶν πραγμάτων, κατ᾿ ἐνιαυτὸν ταῖς αὐταῖς θυσίαις ἃς προσφέρουσιν εἰς τὸ διηνεκὲς οὐδέποτε δύναται* τοὺς προσερχομένους τελειῶσαι. 2 Ἐπεὶ οὐκ† ἂν ἐπαύσαντο προσφερόμεναι, διὰ τὸ μηδεμίαν ἔχειν ἔτι συνείδησιν ἁμαρτιῶν τοὺς λατρεύοντας, ἅπαξ κεκαθαρμένους;‡ 3 Ἀλλ᾿ ἐν αὐταῖς ἀνάμνησις ἁμαρτιῶν κατ᾿ ἐνιαυτόν, 4 ἀδύνατον γὰρ αἷμα ταύρων καὶ τράγων ἀφαιρεῖν ἁμαρτίας.

“I have come to do your will, O God”

5 Διὸ εἰσερχόμενος εἰς τὸν κόσμον λέγει· «Θυσίαν καὶ προσφορὰν οὐκ ἠθέλησας, σῶμα δὲ κατηρτίσω μοι· 6 ὁλοκαυτώματα καὶ περὶ ἁμαρτίας οὐκ εὐδόκησας.§ 7 Τότε εἶπον, ‹Ἰδοὺ ἥκω—ἐν κεφαλίδι βιβλίου γέγραπται περὶ ἐμοῦ—τοῦ ποιῆσαι, ὁ Θεός, τὸ θέλημά σου.› » 8 Ἀνώτερον λέγων ὅτι «Θυσίαν καὶ προσφορὰν* καὶ ὁλοκαυτώματα καὶ περὶ ἁμαρτίας οὐκ ἠθέλησας, οὐδὲ εὐδόκησας» (αἵτινες κατὰ τὸν† νόμον προσφέρονται), 9 τότε εἴρηκεν, «Ἰδοὺ ἥκω τοῦ ποιῆσαι, ὁ Θεός, τὸ θέλημά σου.»‡ Ἀναιρεῖ τὸ πρῶτον ἵνα τὸ δεύτερον στήσῃ. 10 Ἐν ᾧ θελήματι ἡγιασμένοι ἐσμὲν οἱ§ διὰ τῆς προσφορᾶς τοῦ σώματος* Ἰησοῦ Χριστοῦ ἐφάπαξ.

Christ perfects forever

11 Καὶ πᾶς μὲν ἱερεὺς† ἕστηκεν καθ᾿ ἡμέραν λειτουργῶν καὶ τὰς αὐτὰς πολλάκις προσφέρων θυσίας, αἵτινες οὐδέποτε δύνανται περιελεῖν ἁμαρτίας· 12 αὐτὸς‡ δέ, μίαν ὑπὲρ ἁμαρτιῶν προσενέγκας θυσίαν εἰς τὸ διηνεκές, ἐκάθισεν ἐν δεξιᾷ τοῦ Θεοῦ· 13 τὸ λοιπὸν ἐκδεχόμενος ἕως τεθῶσιν οἱ ἐχθροὶ αὐτοῦ ὑποπόδιον τῶν ποδῶν αὐτοῦ, 14 μιᾷ γὰρ προσφορᾷ τετελείωκεν εἰς τὸ διηνεκὲς τοὺς ἁγιαζομένους.

15 Μαρτυρεῖ δὲ ἡμῖν καὶ τὸ Πνεῦμα τὸ Ἅγιον, μετὰ γὰρ τὸ προειρηκέναι·§ 16 « ‹Αὕτη ἡ διαθήκη ἣν διαθήσομαι πρὸς αὐτοὺς μετὰ τὰς ἡμέρας ἐκείνας,› λέγει Κύριος, ‹διδοὺς νόμους μου ἐπὶ καρδίας αὐτῶν καὶ ἐπὶ τῶν διανοιῶν* αὐτῶν ἐπιγράψω αὐτούς,† 17 καὶ τῶν ἁμαρτιῶν αὐτῶν καὶ τῶν ἀνομιῶν αὐτῶν οὐ μὴ μνησθῶ‡ ἔτι.› » 18 Ὅπου δὲ ἄφεσις τούτων,§ οὐκέτι προσφορὰ περὶ ἁμαρτίας.

Hold fast the confession of hope

19 Ἔχοντες οὖν, ἀδελφοί, παρρησίαν εἰς τὴν εἴσοδον τῶν Ἁγίων ἐν τῷ αἵματι* Ἰησοῦ, 20 ἣν ἐνεκαίνισεν ἡμῖν ὁδὸν πρόσφατον καὶ ζῶσαν, διὰ τοῦ καταπετάσματος, τοῦτ᾿ ἔστιν, τῆς σαρκὸς αὐτοῦ, 21 καὶ ἱερέα μέγαν ἐπὶ τὸν οἶκον τοῦ Θεοῦ, 22 προσερχώμεθα† μετὰ ἀληθινῆς καρδίας ἐν πληροφορίᾳ πίστεως, ἐρραντισμένοι‡ τὰς καρδίας ἀπὸ συνειδήσεως πονηρᾶς καὶ λελουμένοι§ τὸ σῶμα* ὕδατι καθαρῷ. 23 Κατέχωμεν† τὴν ὁμολογίαν τῆς ἐλπίδος ἀκλινῆ, πιστὸς γὰρ ὁ ἐπαγγειλάμενος. 24 Καὶ κατανοῶμεν ἀλλήλους εἰς παροξυσμὸν ἀγάπης καὶ καλῶν ἔργων, 25 μὴ ἐγκαταλείποντες τὴν ἐπισυναγωγὴν ἑαυτῶν (καθὼς ἔθος τισίν), ἀλλὰ παρακαλοῦντες, καὶ τοσούτῳ μᾶλλον ὅσῳ βλέπετε ἐγγίζουσαν τὴν ἡμέραν.

A severe warning

26 Ἑκουσίως γὰρ ἁμαρτανόντων ἡμῶν μετὰ τὸ λαβεῖν τὴν ἐπίγνωσιν τῆς ἀληθείας, οὐκέτι περὶ ἁμαρτιῶν ἀπολείπεται θυσία, 27 φοβερὰ δέ τις ἐκδοχὴ κρίσεως καὶ πυρὸς ζῆλος ἐσθίειν μέλλοντος τοὺς ὑπεναντίους. 28 Ἀθετήσας τις νόμον Μωϋσέος‡ χωρὶς οἰκτιρμῶν ἐπὶ δυσὶν ἢ τρισὶν§ μάρτυσιν ἀποθνήσκει. 29 Πόσῳ, δοκεῖτε, χείρονος ἀξιωθήσεται τιμωρίας ὁ τὸν Υἱὸν τοῦ Θεοῦ καταπατήσας, καὶ τὸ αἷμα τῆς διαθήκης κοινὸν ἡγησάμενος ἐν ᾧ ἡγιάσθη, καὶ τὸ Πνεῦμα τῆς χάριτος ἐνυβρίσας; 30 Οἴδαμεν γὰρ τὸν εἰπόντα, «Ἐμοὶ ἐκδίκησις, ἐγὼ ἀνταποδώσω, λέγει Κύριος»·* καὶ πάλιν, «Κύριος κρινεῖ† τὸν λαὸν αὐτοῦ.» 31 Φοβερὸν τὸ ἐμπεσεῖν εἰς χεῖρας Θεοῦ ζῶντος.

A word of encouragement

32 Ἀναμιμνήσκεσθε δὲ τὰς πρότερον ἡμέρας ἐν αἷς, φωτισθέντες, πολλὴν ἄθλησιν ὑπεμείνατε παθημάτων· 33 τοῦτο μὲν ὀνειδισμοῖς τε καὶ θλίψεσιν θεατριζόμενοι, τοῦτο δὲ κοινωνοὶ τῶν οὕτως ἀναστρεφομένων‡ γενηθέντες. 34 Καὶ γὰρ τοῖς δεσμοῖς μου§ συνεπαθήσατε· καί, τὴν ἁρπαγὴν τῶν ὑπαρχόντων ὑμῶν μετὰ χαρᾶς προσεδέξασθε, γινώσκοντες ἔχειν ἑαυτοῖς* κρείττονα ὕπαρξιν ἐν οὐρανοῖς† καὶ μένουσαν.

35 Μὴ ἀποβάλητε οὖν τὴν παρρησίαν ὑμῶν, ἥτις ἔχει μισθαποδοσίαν μεγάλην.‡ 36 Ὑπομονῆς γὰρ ἔχετε χρείαν ἵνα, τὸ θέλημα τοῦ Θεοῦ ποιήσαντες, κομίσησθε τὴν ἐπαγγελίαν. 37 «Ἔτι γὰρ μικρὸν ὅσον ὅσον,§ ὁ ἐρχόμενος ἥξει καὶ οὐ χρονιεῖ.* 38 Ὁ δὲ δίκαιος† ἐκ πίστεως ζήσεται, καὶ ἐὰν ὑποστείληται, οὐκ εὐδοκεῖ ἡ ψυχή μου ἐν αὐτῷ.» 39 Ἡμεῖς δὲ οὐκ ἐσμὲν ὑποστολῆς εἰς ἀπώλειαν, ἀλλὰ πίστεως εἰς περιποίησιν ψυχῆς.‡

*10:1 δυναται f35 𝕻46 [40%] OC,TR,CP,NU ¦ δυνανται ℵA,C [59%] RP,HF ¦ — [1%] (The subject of the verb is ‘the law’ [sg], not ‘the sacrifices’ [pl]; 𝕻46 preserves the correct reading.)

†10:2 ουκ rell ¦ — [5%] CP

‡10:2 κεκαθαρμενους f35 [95%] RP,HF,OC,TR,CP ¦ κεκαθαρισμενους 𝕻46ℵ [4%] NU ¦ κεκαθερισμενους A,C [1%]

§10:6 ευδοκησας rell ¦ ηυδοκησας C [15%] (This statement obtains in verse 8 below as well.)

*10:8 θυσιαν και προσφοραν f35 I [96%] RP,HF,OC,TR,CP ¦ θυσιας 2 προσφορας ℵA,C [4%] NU

†10:8 τον f35 [90%] RP,HF,OC,TR,CP ¦ — 𝕻46ℵA,C [10%] NU

‡10:9 ο θεος το θελημα σου f35 (71.6%) RP,HF,OC,TR ¦ 12 μου 345 (2.6%) ¦ ~ 34512 (5.4%) ¦ ~ 34512 μου (4.5%) CP ¦ 345 𝕻46ℵA,C (15.1%) NU ¦ three other variants (0.9%)

§10:10 οι f35 [90%] RP,HF,TR,CP ¦ — 𝕻46ℵA,C [9%] OC,NU ¦ ημεις [1%]

*10:10 σωματος f35 𝕻46ℵA,C [95%] RP,HF,CP,NU ¦ 1 του [5%] OC,TR

†10:11 ιερευς f35 𝕻46,79vℵ [80%] RP,HF,OC,TR,NU ¦ αρχιερευς A,C [20%] CP

‡10:12 αυτος f35 [92%] RP,HF,OC,TR,CP ¦ ουτος 𝕻13,46,79vℵA,C [8%] NU

§10:15 προειρηκεναι f35 [95%] RP,HF,OC,TR,CP ¦ ειρηκεναι 𝕻13,46ℵA,C [5%] NU

*10:16 επι των διανοιων f35 (91.6%) RP,HF,OC,TR,CP ¦ 1 την διανοιαν 𝕻13,46ℵA,B,C,I (4.2%) NU ¦ εις την διανοιαν (3.5%) ¦ — [homoioteleuton] (0.7%)

†10:16 αυτους rell ¦ 1 υστερον λεγει [15%] ¦ 1 τοτε ειρηκεν [1%]

‡10:17 μνησθω f35 𝕻46 [97%] RP,HF,OC,TR,CP ¦ μνησθησομαι 𝕻13ℵA,C,I [3%] NU

§10:18 τουτων f35 𝕻46A,C [95%] RP,HF,OC,TR,NU ¦ αυτων [5%] CP ¦ — ℵ

*10:19 αιματι rell ¦ 1 του OC

†10:22 προσερχωμεθα f35 𝕻13ℵA,C [60%] RP,HF,OC,TR,CP,NU ¦ προσερχομεθα (𝕻46) [40%]

‡10:22 ερραντισμενοι f35 [97%] RP,HF,OC,TR,CP ¦ ρεραντισμενοι 𝕻46ℵA,C [3%] NU

§10:22 λελουμενοι f35 𝕻46A,C [95%] HF,OC,TR,CP ¦ λελουσμενοι ℵ [5%] RP,NU

*10:22 το σωμα rell ¦ τω σωματι [15%]

†10:23 κατεχωμεν rell ¦ κατεχομεν [20%]

‡10:28 μωυσεος f35 [30%] CP ¦ μωυσεως ℵC [55%] RP,HF,OC,NU ¦ μωσεως A [15%] TR

§10:28 τρισιν rell ¦ τρισι OC

*10:30 λεγει κυριος f35 A (96%) RP,HF,OC,TR,CP ¦ — 𝕻13v,46ℵ (4%) NU

†10:30 κυριος κρινει f35 [95%] RP,HF,OC,TR,CP ¦ ~ 21 ℵA [4%] NU ¦ 2 [1%]

‡10:33 αναστρεφομενων rell ¦ αναστρεφωμενων CP

§10:34 δεσμοις μου f35 ℵ (92.1%) RP,HF,OC,TR,CP ¦ 1 𝕻46 (1.6%) ¦ δεσμιοις A (6.3%) NU

*10:34 εαυτοις f35 [91%] CP,RP,HF ¦ εν 1 [4%] OC,TR ¦ εαυτους 𝕻13,46ℵA [4%] NU ¦ — [1%]

†10:34 εν ουρανοις f35 (97%) RP,HF,OC,TR,CP ¦ 1 τοις 2 (0.9%) ¦ — 𝕻13,46ℵA (1.7%) NU ¦ two other variants (0.3%)

‡10:35 μισθαποδοσιαν μεγαλην f35 [95%] RP,HF,OC,TR,CP ¦ ~ 21 𝕻46ℵA [5%] NU

§10:37 οσον rell ¦ — [15%] ¦ οθεν [1%]

*10:37 χρονιει f35 A [98%] RP,HF,OC,TR,CP ¦ χρονισει 𝕻46ℵ [2%] NU

†10:38 δικαιος f35 𝕻13 [97%] RP,HF,OC,TR,CP ¦ 1 μου 𝕻46ℵA [3%] NU

‡10:39 ψυχης rell ¦ — CP