1 ሄሳፌ ጉዬ፥ ኦይዱ ኪታንቾቲ ኦይዱ ሳዓ ጋፃን ኤቂዳይሳታ ቤዓስ። ሄ ኪታንቾቲ ሳዓ ቦላ ዎይኮ ኣባ ቦላ ዎይኮ ኣይ ሚꬃ ቦላ ጫርኮይ ኦይዱ ሳዓ ጋፃፔ ጫርኮና ሜላ ቴቂዶሶና። ኤር 49፡36፤ ዳኔ 7፡2፤ ዛካ 6፡5 2 ቃሲ ዴዖ ፆሳ ማታሚያ ኦይኪዳ ሃራ ኪታንቾይ ዶሎሃ ባጋፌ ኬዬይሳ ቤዓስ። ሄ ኪታንቾይ ባ ቃላ ꬎቁ ኦꬂዲ፥ ሳዓኔ ኣባ ቆሃናው ዎልቂ ኢሜቲዳ ኦይዱ ኪታንቾታ፥ 3 ፄጊዲ፥ «ኑኒ ፆሳ ኣይሌታ ሶምዖን ማታሚያ ዎꬃና ጋካናው ቢታ ዎይኮ ኣባ ዎይኮ ሚꬃ ቆሆፒቴ» ያጊስ። ሂዝ 9፡4

4 ያቲን፥ ታኒ ፆሳ ማታሜይ ሶምዖን ዎሴቲዳይሳታ ፓይዱዋ ሲዓስ። ኢስራዔሌ ማይዛታ ኡባፌ ፄታኔ ኦይታማኔ ኦይዱ ሙኩሉ ኣሳስ ሶምዖን ማታሜ ዎꬂስ።

9 ሄሳፌ ጉዬ፥ ዜሬꬂ ኡባፌ፥ ካዎቴꬃ ኡባፌ፥ ያራ ኡባፌኔ ዱማ ዱማ ዶናፔ ዛዊ ባይና ዳሮ ኣሳ ቤዓስ። ሄ ኣሳይ ቦꬃ ማዖ ማዒዲ፥ ዛምባ ሃይꬂ ባንታ ኩሼን ኦይኪዲ፥ ኣራታ ሲንꬃኒኔ ዶርሳ ሲንꬃን ኤቂዶሶና። 10 ኤንቲ ባንታ ቃላ ꬎቁ ኦꬂዲ፥ «ኣቶቴꬃይ ኣራታን ኡቲዳ ኑ ፆሳፌኔ ዶርሳፌ ዬስ» ያጊዶሶና።

11 ኪታንቾቲ ኡባይ፥ ኣራታ፥ ጪማታኔ ኦይዱ ሜꬌቴꬃታ ዩሹዋን ኤቂዶሶና። ኤንቲ ኣራታ ሲንꬃን ጉፋኒዲ ፆሳ ጎይኒዶሶና።

13 ጪማታፔ ኢሶይ ታኮ፥ «ሃ ቦꬃ ማዑዋ ማዒዳ ኣሳቲ ኦናንቴ? ኤንቲ ኣዉፔ ዪዶና?» ያጊዲ ኦይቺስ።

14 ታኒ ዛራዳ፥ «ጎዳው፥ ኔ ኤራሳ» ያጋስ።

ኢካ ታኮ፥ «ሃይሳቲ ዳሮ ዋዬ ዋዪዲ ኣꬊዳይሳታ። ኤንቲ ባንታ ማዑዋ ዶርሳ ሱꬃን ሜጪዲ ጌሺዶሶና። ዳኔ 12፡1፤ ማቶ 24፡21፤ ማር 13፡19 15 ሄሳ ጊሾ፥