1 ታ ኢሻቶ! ታ ኢንቴና ኢንቴ ኪርስቶሳን ቡሮ ጉꬃ ናይታ ማላኔ ቡሮ ኣማኖይ ጌሎንታ ኣሳ ማላፔ ኣቲን ኣያናን ኩሚዳ ኣሳ ማላ ጋዳ ኢንቴስ ሃሳያናስ ዳንዳያቤኬ። 2 ኢንቴ ቡሮ ሚኖንታ ጊሽ ታ ኢንቴና ማꬅ ፓሃዲስ ኣቲን ቡሮ ሚኖ ካꬅ ሚዛቤኬ፤ ሃዒካ ጊዲኮ ኢንቴ ቡሮኮ! * ኢብ 5፡12-13 3 ኢንቴ ሃዒካ ቡሮ ኣማኖን ሚኖንታይታ ጊዲዳ ጊሽ ኢንቴ ጊዶን ቃናቴቴꬂኔ ፓላማይ ዴስ፤ ሂስቲን ኢንቴ ቡሮ ኣማኖን ሚኖንታ ኣሳ ማላ ጊዴኬቲ? ኢንቴ ኦሶይ ጮ ሜላ ኣሲ ኦꬂዛይሳ ማላ ጊዴኔ? 4 ጋሶይካ ኢንቴ ጋርሳፌ ኢሶይ “ታ ጳዉሎሳሳ” ሃንኮይስ ቃስ “ታ ኣጲሎሳሳ” ጊኮ ኢንቴ ጮ ኣሾ ቆፋን ፃላላ ዲዛ ኣሳ ማላ ጊዴኬቲ? * 1ቆሮ 1፡12

5 ኤሮ! ጊዶ ኣቲን ኣጲሎሲ ኣዜ? ጳዉሎሲካ ኣዜ? ኢስቲ ጎዳይ ኢስታስ ኢሳስ ኢሳስ ኢሚዳ ማላ ኦꬂዛ ኦꬃንቻታ፤ ኢንቴካ ኢስታ ባጋራ ኣማኒዴታ። 6 ታ ቶካዲስ፤ ኣጲሎሲ ሃꬄ ኡሺዴስ፤ ዲቺዳይ ጊዲኮ ፆሳ። * ሃዋ 18፡4-11፤ 24-28 7 ሄሳ ጊሽ ዲቺዛይ ፆሴ ኣቲን ቶኪዛዴይካ፥ ሃꬄ ኡሺዛዴይካ ኣይኮካ ጊዴቴና። 8 ቶኪዛዴ ጊዲን ዎይኮ ኡሺዛዴ ጊዲን ኢስቲ ኢሲኖ፤ ኢስታፌ ኢሳዴይ ኢሳዴይ ባ ኦሶ ማላ ዎይቶ ኤካና። 9 ጋሶይካ ኑ ፆሳራ ኢሲፌ ኦꬂዛይታ። ኢንቴካ ፆሳ ጎሻ ጋዴኔ ፆሳ ኬꬃታ።

10 ፆሳፌ ታስ ኢሜቲዳ ኢሞቴꬃ ጊና ኬꬄ ኬፂዛ ሂላ ማላ ኬꬃይ ኤቃናስ ሎዔꬃ ጊጊሳዲስ፤ ኢዛ ቦላ ሃራ ኣሲ ኬꬃ ኬፃና። ጊዶ ኣቲን ኬꬃ ኬፂዛዴይ ዎስቲ ኬፃናኮኔ ናጌታናስ ቤሴስ። 11 ጋሶይካ ኬꬃይ ኬፄቴꬅ ኦይኬቲዳፔ ጉዬ ሃራ ዎꬂ ቃሴ ኬፃና ዳንዳዪዛዴይ ኦኒካ ባዋ፤ ሄሲካ ኬꬃስ ኮይሮይ ዬሱስ ኪርስቶሳ። 12 ኦኒካ ኬꬃይ ኮይሮ ኬፄቲዳይሳ ቦላ ዎርቃን ዎይኮ ቢራን ቦንቼቲዳ ሹቻን ዎይኮ ሚꬃኒኔ ማታን ዎይኮ ማቃን ኬፂኮ፥ 13 ኢዛዴ ኦሶይ ኣይ ማላ ፒርዳ ጋላስ ቆንጫና። ጋሶይካ ሄ ጋላሳይ ኢዛ ሃ ፖዖይ ዲዛሶ ኬሳና። ሄ ኦሶይ ታማን ፓጬታና ጊሽ ኢሳዴ ኢሳዴ ኦሶይ ኣይ ማላ ቡሮ ታማን ፓጬታና። 14 ኦኒካ ኬፂዳ ኬꬂ ሚኒ ኤቂዛ ጊዲኮ ሄሳዴይ ባ ዎይቶ ኤካና። 15 ኢዛ ኦሶይ ፁጌቲዳዴይ ጊዲኮ ዎይቶይ ኢዛስ ዴና ሺን ኢዛዴይ ባ ሁዔስ ኣታና። ጊዶ ኣቲን ኢዛዴ ኣቴꬂ ታማፔ ኣሲ ዋይዲ ኣቲዛ ኣቴꬃ ማላ ጊዳና።

16 ኢንቴ ኢንቴ ሁዔስ ፆሳ ኬꬄ ጊዲዳይሳኔ ፆሳ ኣያናይ ኢንቴ ጊዶን ዲዛይሳ ኤሬኬቲ? * 1ቆሮ 6፡19፤ 2ቆሮ 6፡16 17 ኦኒካ ፆሳ ኬꬄ ላሊኮ ፆሲ ኢዛዴ ላላና። ፆሳ ኬꬂ ጌሻ። ሄሲካ ኢንቴናኮ!

18 ኦኒካ ባርካ ባና ባሌꬆፎ፤ ኢንቴፌ ኦኒካ ሃይሳ ሃ ኣላሜዛን ባና ኤራንቻ ማላ ቆፒኮ ኢዛዴይ ኤራንቻ ጊዳና ማላ ባና ባርካ ኤያ ማላ ቆዶ። 19 ሃይሳ ሃ ዴሬዛ ኤራቴꬂ ፆሳ ኣቻን ኤያቴꬃ። ካሴ ጌሻ ማፃፋን “ኢዚ ኤራንቻታ ኢስታ ጌኔ ኦሶ ጌዶን ዛሪዲ ኦይካና” ጌቴቲ ፃፌቲዴስ። * ኢዮ 5፡13 20 ቃሴካ ሃራሶን