1 Dii, ma wabikɛa sí,

swãdↄ ma wɛ̃na wiii.

Wea n náai ń n maao yã́i.

2 Ńsu yã́kpalɛkɛ ń mapi n zↄ̀blenaoo,

asa gbɛ̃e kunɛ tàaesaio.

3 Ma ibɛɛ ma gbɛsɛ̀lɛ à ↄ̃zↄ̃̀a,

a tò má kú gusiau

lán gbɛ̃́ pↄ́ gà à gɛ̃̀gɛ̃wa.

4 Ɔ̃ ma wɛ̃ni gↄ̃̀ lɛɛ,

ma pↄ yà dúuduu.

5 Gĩa dↄ̀magu,

málɛ làasookɛ n zĩkɛaↄwa,

málɛ n yãkɛaↄ wàaipa.

6 Ma ↄ dↄnzi,

málɛ n mↄ̀sɛ nidɛ lán gugiiwa.

7 Wea kpakpa Dii, ma yɛ̃̀ɛɛ làa.

Ńsu bↄ ma kpɛ mà gↄ̃

lán gbɛ̃́ pↄ́ sì bɛdauↄwao.

8 Ǹ n gbɛ̃kɛ ↄlↄmɛɛ kↄↄ,

asa ḿmɛ má n náai vĩ.

Ma da zɛ́ pↄ́ dɛ mà sɛwa,

asa ḿmɛ ma azĩa kpàma.

9 Ma si ma ibɛɛↄwa, Dii,

ḿmɛ ma nanzi.

10 Ḿmɛ ń ma Lua ũ,

ǹ n pↄeãkɛa damɛɛ.

N Nisĩna maa dↄaamɛɛ gusalalau.

11 Ma lɛ́ ń láo n tↄ́ yã́i, Dii,

ma bↄ taasi guu n maa yã́i.

12 Ma ibɛɛↄ midɛ n gbɛ̃kɛ yã́i,

ma wɛ̀lɛↄ dɛdɛ píi,

asa n zↄ̀blenan ma ũ.