Bibeli Luayãtaalá Soũↄ 58

58

Gbɛ̃vãiↄ kaa Luawa

1 Davidi lɛ.

2 Gbãadeↄ, i yã'o a zɛ́waa?

I yã́kpalɛkɛ ń gbɛ̃́ↄ a zɛ́waa?

3 I yã́ kolea wàaipa á sↄ̃ guu,

i gbãamↄ gbɛ̃́ↄnɛ á bùsuu.

4 Gbɛ̃vãiↄ sã́sãa za ń igↄↄɛ,

ɛɛdeↄ ↄ̃̀ↄkpaa za ń da nↄ̀sɛuɛ.

5 An lɛgbɛ'i dɛ lán mlɛ̃̀ sɛwɛwa,

aa dɛ lán kyã́ pↄ́ a swã́ kàkawa,

6 asa ìli a kↄ̃̀ↄ'ona kulɛ'ↄ mao,

ìli a wɛliaanɛde gↄ̃i eo.

7 Lua, ǹ ń swaa ɛ́'ɛnɛ́ ń lɛ́u,

Dii, nↄ̀ↄmusupiↄ kãnkãnaↄ wolo,

8 aai gɛ̃zɛa lán í bàalɛawa.

Tó aa sagòlɛ, ǹ ń kaↄ ɛ́'ɛ.

9 Aa giigaga zɛ́u lán kòlo lɛ́'iwa,

aaↄ dɛ lán nɛ́ pↄ́ wa ì gɛ̀, i ĩatɛ̃ eowa.

10 E lɛ̀ yàa miↄn tɛ́ àↄ gɛ́ oo wãi,

gbɛ̃vãiↄ gɛ̃zɛa ń ĩ́anaoɛ.

11 Tó gbɛ̃maaↄ è Lua tↄsìnɛ́ gbɛ̃vãipiↄwa,

mɛ́ aa ń gbá pìpi ń ń auo,

an pↄ a kɛ na.

12 Gbɛ̃́ↄ i mɛ: Gbɛ̃maaↄ ài vĩ fá!

Lua ku, ì yã́kpalɛkɛ dṹniau.