Jon Iesus bagha tuavim akɨri
3
(Sapta 3:1--4:13)
Jon, Gumazamiziba Ruer Gumazim, a faragha izava Iesusɨn akam akuri
(Matyu 3:1-12; Mak 1:2-8; Jon 1:19-28)
1 Dughiar kamɨn, Sisar Taiberius 15plan azenibar Romɨn atrivimɨn iti. Ezɨ Pontius Pailat Judian Distrighɨn gavmanɨn gumazir dapanimɨn iti, ezɨ Herot Galilin Distrighɨn gavmanɨn gumazir dapanimɨn iti. Ezɨ an aveghbuam Filip Iturian Distrik ko Trakonitisɨn Distrighɨn gavmanɨn gumazir dapanimɨn iti, ezɨ Lisanias Abilenen Distrighɨn gavmanɨn gumazir dapanimɨn iti. 2 Lu 1:80 Luk 1:80Ezɨ Anas ko Kaiafas Godɨn ofa gamir gumazibar dapanimningɨn iti. Dughiar kamɨn, Jon, a Sekaraian otarim, a gumazamiziba puvatɨzir danganimɨn itima, God uan mɨgɨrɨgɨam a ganɨngi. 3 Ap 13:24, 19:4 Aposel 13:24; 19:4Ezɨ Jon Jordanɨn Fanemɨn dɨpar mɨriamɨn aruava akam akura kamaghɨn mɨgei, “Ia uan navibagh iraghɨva rueghtɨ, God ian arazir kuraba gɨn amadagham.” 4 Aisaia 40:3-5Godɨn akam inigha izir gumazim Aisaian akɨnafarimɨn itir mɨgɨrɨgɨar osirizibar mɨrara ghu, a kamaghɨn mɨgei:
“Gumazir tiarir mam gumazamiziba puvatɨzir danganimɨn dɨa ghaze,
‘Ia Ekiam bagh tuaviba azenɨva, dar kɨr.
5 Danganir zariba apemɨva,
mɨghsɨaba ko akɨribagh kutɨ da magɨrɨ.
Egh tuavir ikɨzɨrɨziba,
ia dar ingarightɨ,
da voroghɨra mɨneghirɨgh.
Egh tuavir kuraba,
ia deraghvɨra da akɨr.
Godɨn Akurvazimɨn ganam.’ ”
7 Mt 12:34, 23:33 Matyu 12:34; 23:33Ezɨ Jon gumazamizir bɨzir ruasa a bagha izibav gei, “Ia kuruzir divir anababa! Tina ia mɨkemezɨ ia Godɨn anɨngagharir gɨn izamimɨn arɨ mangasa? 8 Jo 8:33, 8:39 Jon 8:33; 8:39Ia navim gɨrazir arazibar amu. Egh ia pura Abrahamɨn ovavibar uari arɨgh mɨkɨman markɨ. Kɨ ia mɨgei, God dagɨar kabar amightɨ da Abrahamɨn ovavibar mɨn otivighamin gavgavim iti. 9 Mt 7:19 Matyu 7:19Sobiam datɨrɨghɨn temer povibar iti, eghtɨ temer dagher ovɨzir aghuiba itir puvatɨziba, God bar da okeghɨva da isɨva avim mɨkɨnam.”
10 Ap 2:37 Aposel 2:37Ezɨ gumazamiziba Jonɨn azara, “Ezɨ e manmaghɨra damuam?” 11 Lu 11:41, 2 Ko 8:14, Je 2:15-16, 1 Jo 3:17 Luk 11:41; 2 Korin 8:14; Jems 2:15-16; 1 Jon 3:17Ezɨ Jon me ikaragha ghaze, “Gumazir korotiar aven azuir pumuning itim, a tam isɨ gumazir puvatɨzim danɨngigh. Ezɨ dagheba itiba uaghan kamaghɨra damu.”
12 Mt 21:32, Lu 7:29 Matyu 21:32; Luk 7:29Ezɨ gavmanɨn dagɨaba isir gumaziba uaghan ruasa ize. Egha me azangsɨgha ghaze, “Tisa, e manmaghɨra damuam?”
13 Ezɨ a kamaghɨn me mɨgei, “Gumazamizibar dagɨabagh isɨn ua dagɨataba inian markɨ.”
14 Kis 23:1, Wkp 19:11 Ua Me Ini 23:1; Ofa Gami 19:11Ezɨ mɨdorozir gumazir maba Jonɨn azara, “Ezɨ eia, e manmaghɨn damuam?”
Ezɨ a me ikaragha ghaze, “Gumazamizibar dagɨaba okɨmsɨva, akar ifavaribar me gasan markɨ. Ia uan ingangarimɨn ivezimra initɨ deragham.”
15 Gumazamiziba bizir kabar gara men navir averiaba me ginivima me pura nɨghnɨgha ghaze, Jon ti God Ua Gumazamiziba Iniasa Mɨsevezir Gumazim?
16 Mt 3:11, Ap 13:25 Matyu 3:11; Aposel 13:25Ezɨ Jon bar men nɨghnɨziba ikaragha ghaze, “Kɨ dɨpamɨn ia rue. Ezɨ gumazir mam gɨn izam, an gavgavim bar nan gavgavim gafira. An dagarir asuabar beniba kɨ da fɨran gavgaviba puvatɨ. A Godɨn Duam ko avimɨn ia ruam. 17 Mai 4:12, Mt 13:30 Maika 4:12; Matyu 13:30Witba mɨsevir savol an dafarimɨn iti, eghtɨ a uan witba mɨsɨva dar daghebar arɨghɨva, witba mɨsevir dɨpenimɨn witɨn mɨseviba aviva, dar mɨseviba avir munger puvatɨzimɨn da akuntɨma, da isiam.” 18 Jon mɨgɨrɨgɨar avɨrir maba sara me mɨgɨa men navibagh inifi. Egha Akar Aghuim me mɨkɨri.
Herot Jon kalabus gatɨ
19 Matyu 14:3-4; Mak 6:17-18Dughiar kamɨn Herot gavmanɨn gumazir dapanimɨn ti. Egha a uan aveghbuam Filipɨn amuim Herodias koma akui, egha arazir kurar maba saram ami. Kamaghɨn amizɨ Jon Herodias bagha Herotɨn guam gatɨgha a mɨkeme. 20 Herot uan arazir kurar maba ko kam sara isɨn atɨgha, Jon kalabus gatɨghava an tiam asara.
Jon Iesus rue
(Matyu 3:13-17; Mak 1:9-11)
21 Jo 1:32Jon gumazamiziba ruer dughiamɨn, Jon uaghan Iesus rue. Ezɨ Iesus uan afeziam God ko mɨgeima, overiam kuiaghirɨzɨ, 22 Stt 22:2, Sng 2:7, Ais 42:1, Mt 3:17, 17:5, Mk 1:11, Lu 9:35, Jo 1:32 Jenesis 22:2; Onger Akaba 2:7; Aisaia 42:1; Matyu 3:17; 17:5; Mak 1:11; Luk 9:35; Jon 1:32Godɨn Duam bunbamɨn mɨn mɨghegha izaghiri. Ezɨ tiarir mam overiamɨn otogha kamaghɨn mɨgei, “Nɨ nan Otarim. Kɨ guizbangɨra nɨ gifueghava nɨ bagha bar akonge.”
Iesusɨn inaziba ko ovaviba
(Matyu 1:1-17)
23 Lu 4:22, Jo 6:42 Luk 4:22; Jon 6:42Dughiar kamɨn Iesus uabɨ 30plan azeniba iti. Egha a uan ingangarim maghɨram a gami. Gumazamiziba ghaze, Iesus Josepɨn otarimra. Ezɨ Josep, a Helin otarim. 24 Ezɨ Heli, a Matatɨn otarim. Ezɨ Matat, a Livain otarim. Ezɨ Livai, a Melkin otarim. Ezɨ Melki, a Janain otarim. Ezɨ Janai, a Josepɨn otarim. 25 Ezɨ Josep, a Matatiasɨn otarim. Ezɨ Matatias, a Amosɨn otarim. Ezɨ Amos, a Nahumɨn otarim. Ezɨ Nahum, a Eslin otarim. Ezɨ Esli, a Nagain otarim. 26 Ezɨ Nagai, Matɨn otarim. Ezɨ Mat, a Matatiasɨn otarim. Ezɨ Matatias, a Seminɨn otarim. Ezɨ Semin, a Josekɨn otarim. Ezɨ Josek, a Jodan otarim. 27 1 Sto 3:17-19, Esr 3:2 1 Eghaghaniba 3:17-19; Esra 3:2Ezɨ Joda, a Joananɨn otarim. Ezɨ Joanan, a Resean otarim. Ezɨ Resea, a Serubabelɨn otarim. Ezɨ Serubabel, a Sealtielɨn otarim. Ezɨ Sealtiel, a Nerin otarim. 28 Ezɨ Neri, a Melkin otarim. Ezɨ Melki, a Adin otarim. Ezɨ Adi, a Kosamɨn otarim. Ezɨ Kosam, a Elmadamɨn otarim. Ezɨ Elmadam, a Erɨn otarim. 29 Ezɨ Er, a Josuan otarim. Ezɨ Josua, a Elieserɨn otarim. Ezɨ Elieser, a Jorimɨn otarim. Ezɨ Jorim, a Matatɨn otarim. Ezɨ Matat, a Livain otarim. 30 Ezɨ Livai, a Simeonɨn otarim. Ezɨ Simeon, a Judan otarim. Ezɨ Juda, a Josepɨn otarim. Ezɨ Josep, a Jonamɨn otarim. Ezɨ Jonam, a Eliakimɨn otarim. 31 2 Sml 5:14 2 Samuel 5:14Ezɨ Eliakim, a Melean otarim. Ezɨ Melea, a Menan otarim. Ezɨ Mena, a Matatan otarim. Ezɨ Matata, a Natanɨn otarim. Ezɨ Natan, a Devitɨn otarim. 32 Rut 4:17-22, 1 Sml 16:1-13 Rut 4:17-22; 1 Samuel 16:1-13Ezɨ Devit, a Jesin otarim. Ezɨ Jesi, a Obetɨn otarim. Ezɨ Obet, a Boasɨn otarim. Ezɨ Boas, a Salmonɨn otarim. Ezɨ Salmon, a Nasonɨn otarim. 33 Stt 29:35 Jenesis 29:35Ezɨ Nason, a Aminadapɨn otarim. Ezɨ Aminadap, a Atminɨn otarim. Ezɨ Atmin, a Arnin otarim. Ezɨ Arni, a Hesronɨn otarim. Ezɨ Hesron, a Peresɨn otarim. Ezɨ Peres, a Judan otarim. 34 Ezɨ Juda, a Jekopɨn otarim. Ezɨ Jekop, a Aisakɨn otarim. Ezɨ Aisak, a Abrahamɨn otarim. Ezɨ Abraham, a Teran otarim. Ezɨ Tera, a Nahorɨn otarim. 35 Ezɨ Nahor, a Serukɨn otarim. Ezɨ Seruk, a Reun otarim. Ezɨ Reu, a Pelekɨn otarim. Ezɨ Pelek, a Eberɨn otarim. Ezɨ Eber, a Selan otarim. 36 Stt 11:10-26 Jenesis 11:10-26Ezɨ Sela, a Kainanɨn otarim. Ezɨ Kainan, Arpaksatɨn otarim. Ezɨ Arpaksat, a Siemɨn otarim. Ezɨ Siem, a Noan otarim. Ezɨ Noa, a Lamekɨn otarim. 37 Ezɨ Lamek, a Metuselan otarim. Ezɨ Metusela, a Enokɨn otarim. Ezɨ Enok, a Jaretɨn otarim. Ezɨ Jaret, a Mahalalelɨn otarim. Ezɨ Mahalalel, a Kenanɨn otarim. 38 Stt 4:25-5:32 Jenesis 4:25--5:32Ezɨ Kenan, a Enosɨn otarim. Ezɨ Enos, a Setɨn otarim. Ezɨ Set, a Adamɨn otarim. Ezɨ Adam, a Godɨn otarim.
3:2: Lu 1:80
3:2: Luk 1:80
3:3: Ap 13:24, 19:4
3:3: Aposel 13:24; 19:4
3:4: Aisaia 40:3-5
3:6: Sng 98:2, Ais 52:10
3:6: Onger Akaba 98:2; Aisaia 52:10
3:7: Mt 12:34, 23:33
3:7: Matyu 12:34; 23:33
3:8: Jo 8:33, 8:39
3:8: Jon 8:33; 8:39
3:9: Mt 7:19
3:9: Matyu 7:19
3:10: Ap 2:37
3:10: Aposel 2:37
3:11: Lu 11:41, 2 Ko 8:14, Je 2:15-16, 1 Jo 3:17
3:11: Luk 11:41; 2 Korin 8:14; Jems 2:15-16; 1 Jon 3:17
3:12: Mt 21:32, Lu 7:29
3:12: Matyu 21:32; Luk 7:29
3:14: Kis 23:1, Wkp 19:11
3:14: Ua Me Ini 23:1; Ofa Gami 19:11
3:16: Mt 3:11, Ap 13:25
3:16: Matyu 3:11; Aposel 13:25
3:17: Mai 4:12, Mt 13:30
3:17: Maika 4:12; Matyu 13:30
3:19: Matyu 14:3-4; Mak 6:17-18
3:21: Jo 1:32
3:22: Stt 22:2, Sng 2:7, Ais 42:1, Mt 3:17, 17:5, Mk 1:11, Lu 9:35, Jo 1:32
3:22: Jenesis 22:2; Onger Akaba 2:7; Aisaia 42:1; Matyu 3:17; 17:5; Mak 1:11; Luk 9:35; Jon 1:32
3:23: Lu 4:22, Jo 6:42
3:23: Luk 4:22; Jon 6:42
3:27: 1 Sto 3:17-19, Esr 3:2
3:27: 1 Eghaghaniba 3:17-19; Esra 3:2
3:31: 2 Sml 5:14
3:31: 2 Samuel 5:14
3:32: Rut 4:17-22, 1 Sml 16:1-13
3:32: Rut 4:17-22; 1 Samuel 16:1-13
3:33: Stt 29:35
3:33: Jenesis 29:35
3:36: Stt 11:10-26
3:36: Jenesis 11:10-26
3:38: Stt 4:25-5:32
3:38: Jenesis 4:25--5:32